البنت الشلبيه:)
06-09-2022 - 12:55 am
السلام عليكم إخواني وأخواتي ..
مثل ماتشوفون بالعنوان لأول مره بنطلع خارج الحدود العربيه وناوين بإذن الله نروح أوروبا
والرحله تقريباً لمدة 13 يوم
من تاريخ 9 يونيو حتى 21 يونيو أدري بدري لكن نحب نحسب حسابنا قبلها بفتره
الأماكن اللي نبي نروح لها سويسرا (انترلاكن) ، النمسا (زيلامسي) ، ألمانيا (ميونخ) إيطاليا ( فينيسيا + ميلانو )
إيطاليا ثلاث أيام
النمسا يومين
ألمانيا ثلاث أيام
سويسرا خمس أيام
إستفساراتي هل المده كافيه لزيارة هذه الاماكن ؟ بحيث إن الرحله التمتع بالطبيعه + شوبينق في إيطاليا ، وياليت تذكرون لي أماكن الأوت لت في إيطاليا؟ وهل هي قريبه من المدن اللي أخترتها
السياره مانفكر نستاجر لأن المحرم سواقته بالسعوديه مش ولا بد ونخاف بصراحه هناك ! وش رايكم ؟ عدد الأشخاص ثلاث أشخاص ..
التكلفه تقريباً كم راح تكون لهالمده للسكن والأكل والتنقلات فقط ؟
أفضل شركة خطوط من حيث السعر ؟
الله يسعدكم راعوا إننا بنطلع ولأول مره لدوله أوروبيه . ياليت تذكرون اللي يجي ببالكم لأني رح أستفيد من كل نقطه تذكرونها ..
شكراً مقدماً
وهذا موضوع للخبير ابوطلال بيفيدكم بخصوص مجمعات الاوت لت القريبة من ميلان
https://artravelers.com/p/re/446132
ومدة سفركم 12 يوم و تنقلاتكم كلها بالقطار فمن رأيي تخلون سفركم لسويسرا وايطاليا طوال سفرتكم
فلو تبدون بسويسرا مثلا الوصول جنيف والرجوع من ميلان
او الوصول زيورخ والرجوع من ميلان
وتوزعون سفرتكم 7 ايام او 8 لسويسرا والبقية لايطاليا
وياليت تحددون مطار المغادرة وايضا كم عدد الغرف اللي تريدونها غرفة او غرفتين
عشان الخبراء يساعدونكم