- وجاء اليوم المنتظر
بسم الله الرحمن الرحيم
والصلاة والسلام على سيدنا محمد وعلى اله وصبحه وسلم اجمعين
رحلتي ل **( نيوزلاندا )**
في 2004 بدأت الفكرة بالذهاب إلى ( الولايات المتحدة الأمريكية ) لمدينة ميامي لتعلم اللغة الانجليزية ومن ثم تغيرت الفكرة إلى كندا.
وبدون تطويل عليكم انتهت بأن تكون نيوزلاندا ولمدة شهرين , وإليكم التفاصيل :-
بحول الله ذهبت الى مكتب في جدة بخصوص الدراسة الصيفية في أحد المعاهد في نيوزلاندا ( على العلم البداية كانت لكندا ولكن اقنعني بنيوزلاندا )
ماهي نيوزلاندا ( حليب نيدو ) هذا ماحل بخاطري في بداية الامر , اعتقدت ان نيوزلاندا دولة أوروبية وأستغربت بأنها ( لا تحتاج إلى فيزا )
وبعد دفع قيمة التسجيل مبدئيا ( 1000 ريال ) , إتصل بي موظف المكتب بعدها بيومين وبشرني بأنه تم تسجيلي بحمد الله في المعهد , وأنه علي ان احضر لكي أستلم ورقة العائلة .
أسمحولي سأغير طريقة الكلام إلى العامية ( عشان أخذ راحتي )
المهم رحت للمكتب وشافني الموظف ( تعال وإستلم ورقة الكفيل ) يلي هيه الخاصة بالعائلة Home Stay المهم أخذت الورقة وهذا يلي ذكر فيه :
المنزل كبير وقريب من موقف الباص والعائلة مكونة من اب وام والولد الكبير في عمري ( لقينا خوي ) وولد عمره 12 سنة وبنت عمرها 5 سنوات , وعزكم الله كلبين وثلاث قطط ( الله يستر )
وحجزت على الخطوط السنغافورية وكانت الرحلة بعد ثاني يوم بعد ماستلم الشهادة , يعني يلا يادوب مافي وقت , المهم رحت بعدها جهزت نفسي واشتريت ملابس شتوية وجاكيت وجهزت شنطتي وكاميرة الفيديو والديجيتال .
وجاء اليوم المنتظر
كل شي كان بالنسبة مثل الحلم ( أول مرة اترك البيت لفترة طويلة ) اول مرة فيها اسافر لحالي واركب طيارة لوحدي , ( لا اله الا الله , محمد رسول الله ) خايف ومتحمس ماني عارف ويش اسوي كل شوي اكلم المكتب اقلهم الحين اذا ماستقبلني احد ويش اسوي , طيب ويش اقول للتاكسي , طيب اكيد المعهد عارف اني بجي , لا تلوموني هذه اول سفرية لحالي , قرب موعد الاقلاع وجا الوالد معي ووصلني المطار ووقع على الاوراق الخاصة ( لاني تحت السن القانوني ) , ورحت صالة الانتظار واطالع في البوابة واطالع بالناس يلي معي , الا ويجي جنبي اثنين سعوديين في كراسي الانتظار سلمت عليهم وسالوني اذا رايح للدراسة , قلتهم اي وكان كل واحد فينا معهد مختلف , المهم اتسولفنا الى ماجاء موعد ركوب الطائرة , دخلت الطيارة ولقيت مين قاعد جنبي , واحد سعودي ( قلت الظاهر رايحين نحتل البلد ) , أقلعت الطيارة , وقعدنا نتسولف الى ان نزلنا دبي , كانت مدة الترانزيت في دبي ساعة ونص بس , أخونا في الله يلي جنبي ماصدق تنزل الطيارة عشان يدخن .
اتمشينا في مطار دبي الى ان جا موعد الاقلاع وحنا ماحنا داريين ( محد قالنا متى ترجع تقلع الطيارة ) واخوكم في الله وخويه قاعدين يتمشون وحاطين في بالنا اننا بنسمع نداء , وقاعدين نشوف المطار ونتمشى ونتقهوا ولا احنا هنا ,فجاءة نشوف سعوديين كانو معنا في الطيارة داعسين ويقولو ( فاتتنا الطيارة حسبي الله ونعم الوكيل ) , صرت انا وخويي نطالع في بعضنا ومين عندك ( وراهم )
الحمد لله لحقناها على اخر لحظة ( حلوة اخر لحظة ) المهم طلعنا الطيارة , واقلعت الطيارة بسلامة وقدامنا حوالي 8 ساعات الى مانوصل سنغافورة , قاعد اتفرج على الافلام ( افلام الخطوط السنغافورية جديدة دايما وبعضها ينعرض في السينما ) المهم واطالع من الشباك الا واشرف الخضار والغابات ( لا اله الا الله , محمد رسول الله ) بلد طبيعة ومطار ماشاء الله كبير شكله من برة , وتنزل الطيارة وننزل منها ونروح على صالة الترانزيت ( مطار فخم جدا , مرتب ونظيف ) و المكتب في جدة اعطاني ورقة للفندق في المطار , دورنا انا وخويي الفندق , وبعد مالقيناه ادينا للموظفة الورقة الخاصة بحجز الفندق ( على حساب التذكرة طبعا ) , الغرفة نظيفة جدا وكان فيها سخان شاي وليبتون وسكر وما الى ذلك.
حطينا اغراضنا الشخصية ورحنا نتمشى في المطار , ورحت للصراف واقابل سنغافوري لابس البدلة الخاصة للخطوط السعودية يصرف فلوس , سلمت عليه وسالته اذا كان افضل اني اصرف الدولارات من هنا لنيزلندي ولا في نيوزلاندا افضل , قالي اذا كان معاك ريال سعودي اصرف من هنا لنيوزلندي ( لان الريال السعودي في سنغافورة يعتبر قوي وخصوصا قرب موسم الحج ) , لحسن حظي كان معي 800 ريال صرفتها لنيوزلندا وانحسبت علي تقريبا 2.5 ريال مقابل الدولار النيوزلندي , وصرفت 100 دولار سنغافوري عشان التمشية في المطار والتبضع , المهم كملنا التمشية الى ماجانا النوم , حسيت راسي بينفجر لا ني مواصل لاكثر من 22 ساعة , خويي قال خلنا نصبر يا بن الحلال ونحطها نومة في الطيارة , ( وين انتظر والنوم قعد ياكل في وجهي اكل ) المهم انتظرت في الغرفة مع خويي وقعدنا نشرب الشاي ( من التعب والله مني عارف اشرب الشاي ) , جا موعد الاقلاع , رحنا ندور على بوابة 15 C على ماذكر , وين البوابة ذي نسال واحد ويقلنا لا زم ناخذ القطار , ( قطار ايه يابني ) انا مادري انو في قطار في المطار , ونجري على القطار عشان يودينا جهة البوابة تبعنا , ونوصل ونلاقيها ( الحمد لله وصلنا بالحظة المناسبة ) , ونتطلع الطيارة , وأقول بسم الله يا هادي ( ابي استعد للنوم ) والنوم يقول ماجيك , وخويي نفس الشي يقولي يا بن الحلال النوم مو راضي يجي ( طيب ويش نسوي ) وين النوم وين النوم , مع اني متاكد اني ماخذه معي .
المهم والله ونقعد صاحيين الى مابقي الا ساعتين ونوصل وجا النوم , واحطها نومة الى مانزلت الطيارة , قمت وانا فايق ولا كاني نايم يومين ( يمكن عشان فرق التوقيت ) , وانزل مطار أوكلاند بسم الله الرحمن الرحيم ( الناس كلهم يتكلمون انجليزي ) هذه بالنسبة ليه صدمة لاني اول مرة اروح بلد غربي والمكان غريب وبدأت اقلق وصلت للتفتيش والاقي صف طويل عريض , تفتيش على أوصوله لو داس حبة فص فص بطلعوه , وقعدت وبدون مبالغى حوالي 3 ساعات الى ماجاء دوري , ويوم ماوصلت سلم علي وقعدني على الكرسي , واعطيته الاوراق قعد يكتب البيانات , ومااخذ معاي 5 دقايق حتى مافتش الا من فوق , شكلي واسطة ومني عارف , قال اتفضل وطلعت والله اكبر , وين اطلع اسمي الحين , والاقي واحد سعودي يقولي انت مسجل معهد Geos قلته ايه قالي تعال ناطرينك , رحت لاقيت العجوز ماسكة لوحة فيها اسمي واسم السعوديين يلي معي , ونطلع معها كان معها سيارة ميني باص , والجو مطر وبرد وانا اقول يا مسهل , واركب الباص و سالتنا مين يلي يفهم انجليزي فينا , رفعت يدي واطالع وراي وجنبي محد رافع يده , اقلهم يا شباب ماسمعتوا ويش تقول , ( طلع محد يتكلم انجليزي ابد ) واستلم ترجمة هيه تكلمني وانا اترجم وفي كلمات ماافهما وهم يقولون ترجم وهي تقول اسمعني ( ياربي ويش يلي ورطني هنا )
المهم نزلتنا عند المعهد , وقالتلنا انو هذه هوة المعهد , وبعدين جاه كل واحد كفيله واخذه ( حلوة كفيله ) , طلعت معاه قالي كيف كانت رحلتك , قلتله مشي حالك , المهم قعد طول الطريق يحكيني عن نيوزلندا وكيف احتلوها البريطانيين وبعدين قالي عن طبيعة عمله بشكل عام , و عمل زوجته وابنهم ماثيو ( يلي في عمري ) وقالي انو ماثيو بطل تزلج وله بطولات في روسيا واستراليا , خلاصة الموضوع وصلنا البيت , وسلمت على كارولين زوجته واثنين نيوزلندين صغار ساكنين عندهم ( ماذكروهم في الورقة ) والولد الصغير والبنت الصغيرة , وبعدين وراني الغرفة وقلي قوانين البيت عندهم , رحت الغرفة وحطيت راسي ونوم , الى الساعة 6 , قمت قالي وقت العشاء , غسل يدك وتعال على الطاولة , قعدنا على الطاولة ويالله اسمي بالله الا والمراءة تستلمني اسئلة , اول سؤال ( ليش ترغبوا المراءة في السعودية انها تلبس الحجاب ؟؟؟ ) اطالع فيها !!!!!!! ويش تبي ذي , قلتها هذا ديننا الاسلام , الا وجا طالب فيتنامي وقعد على الطاولة وقالولي انو معاي في المعهد , والا ويجيك السؤال الثاني ( ليش ماتعطو للناس في السعودية حرية اختيار الاديان ؟؟ ) لا اله الا الله وانا يلي ماسكهم يعني ( طيب ليش كل واحد فيكم يتزوج اربعة ) ( وليش المرة عندكم ماتشتغل ) ( وليش تحافظ على نفسها الين الزواج ) قلتها راح نقعد بعد الاكل واجوابك عن هذه الاسئلة كلها ( عندي كم كارولين انا ) .
وللحديث بقية ( ويش يلي صار بيننا , وايش سبب اندفاعها بهذه الدرجة , وايش صار لي في اول يوم بالمعهد )
وهذه بعض الصور أنزلها لكم مبدئيا
صورة الاب والولد الصغير
صورة الولد يلي في عمري ( ماثيو ) مع اخوه
بس مشكله الصور ما تطلع
لازم أخوي ترفعها قبل على النت
مو تسحبها من المستندات
وننتظر باقي الموضوع