أمتنى !!!
وأتمنى (محد يزعل)
وأتمنى لمنتدى العرب المسافرون عموما ولبوابة الكويت خصوصا الرفعة.
وأتمنى لو مشرفتنا العزيزة المرام ماتكتب عن المطاعم...يعني تنوع بالمواضيع هاهاها(بدون زعل)
أتمنى أشوف كتابات أبوباسل ناصر الكويت..فهاد..الباب العالي ..كردت..أبو ضرار..زعطوطة..كويتية وافتخر.. وأحلى كميائية.. وآخريين ويعذروني ألي نسيت أسمائهم..
وأتمنى لو يكون فيه توسع بالمواضيع المطروحة يعني مثل البوابات الاخرى مولازم تعني فقط بالسفر ممكن تكون هناك مواضيع عن ثقافة الشعوب يعني لو أدخل على بوابة الكويت أعرف شنو ثقافتهم أوضاعهم الامنية والإقتصادية وغيرها...وهذا غير موجود حتى الإسئلة ممكن توضع في البوابة الرئيسة لأن هذا الشي يثري البوابة ويزيد من عدد المشاركات.
أتمنى أكتب موضوع وأنزل فيه صور مع إني مو ناقصي شي إلا الفراغ.
أتمنى أغير الصورة الرمزية بدل هالفان (إنظر له غير مأمور) و(ألي عنده صورة ياليت يزودني فيها).
أتمنى تصير الإجازة خميس وجمعة وسبت.
أمنى تصير نهاية الدوام الساعة 12 الظهر
أتمنى يعطون كل كويتي بيت بسرعة بدل هالنطرة يصير الواحد جد ولي ألحيين ماطلع له بيت.
أتمنى يزيدون القرض الإسكاني ويصير 100 ألف (طالعله بيت واقف عظم متوهق الأخ)
أتمنى يعطون كل عايلة شالية يقضون في العايلة إجازة نهاية الإسبوع.
أتمنى يطيحون القروض عن كل كويتي.
أتمنى كل شاب يتزوج من ألي يبيها وكذلك كل فتاة.
أتمنى الناس تعيش بصحة بدون أمراض لين الله ياخذ أمانته.
وأتمنى يكون عندنا في الكويت تطور بالمشاريع السياحية عشان نكتب عنها(لأني بصراحة متوهق أب شي أكتب عنه مو لاقي ألي يعرف ياليت يدزلي على الخاص بيني وبينه مو يقولون ماخذه من فلان وياجماعة ماحد درى)
أتمنى الشباب يثقلون ومايخربونها بالمجمعات ترى الكويت بلد محافظ مو متعود على هذه التصرفات الصبيانية استحوا ياجماعة على وجيهكم وقبل هذا خافوا ربكم حرام عليكم نكتم على الناس طلعاتهم مع أهلهم.
أتمنى يطبقون البطاقة الذكية بين دول مجلس التعاون والسفر يكون بدون جواز والعملة وحدة .
وأتمنى يتغيير جو الكويت ويصير مثل تركيا أو لندن يعني جو أوربي ويجونا من كل الدول يصيفون عندنا مابين الصفاف الخضراء والجو الملبد بالغييوم والأمطار 24 ساعة حتى نتضايق من كثرة الأمطار...ونصيف بالكويت وحنا في بيوتنا وبين أهلنا...بدل هالبهذله بالمطارات.
أمنى بحمدون تصير بالكويت عشان مانسافر بالصيف للبنان(واحد يخاف يركب طيارة)
أتمنى النواب مايهددون الوزاراء بالإستجوابات على الصاعدة والنازلة
أتمنى نقظي على المشكلة المرورية وتصير الشوارع فاضية...ومانشوف حوادث في الشوارع
أتمنى تلتفت الحكومة لربات البيوت ويعطونهم بدل تربية أطفال على الأقل 500 دينار.
أتمنى تنحل مشكلة البطالة.
أتمنى تقل الأسعار في الكويت وتقدر تعيش الناس وهم مرتاحيين
أتمنى يكون عندنا رعاية صحية متميزة ونفتح العلاج بالخارج لأمريكا وأوربا يصفون دور عشان يتعالجون عندنا(بايعيين أعمارهم) خصوصا في ظل الوفرة المالية ووجود جميع الامكانات..
وأتمنى تكون الكويت راعية رسمية لثقافة والبحوث العليمة ومركزا دوليا للمعلومات والمكتبات العامة منتشرة ومفتوحة 24 ساعة لطلاب المعرفة ومزدحمه بهم.
وأتمنى للكويت أن تكون دولة صناعية مدنية مو بس معتمديين على النفط وتكون دولة حديثة أنظر لناطحات السحاب والعمارات الذكية..
أتمنى إن الكويتيين يحمدون ربهم على بلدهم ألي ماكو مثله في البلادين.
وأتمنى يعجبكم الموضوع حبييت أغير النمط للتقارير...
أتمنى ألي عنده إضافة يضيفها.
وأتمنى تتقبلوا خالص شكري وتقديري وحبي لكم(المتفائل جدا)