شكلي بيجي موعد السفر محد رد علي

اخوي ابو سالم اسباب عدم رد الاعضاء لان سؤالك عام وليس فيه تحديد مدن ولا نوعية السكن ولا ميزانيه ولا فترات بقاء في المدن ولا وسيلة انتقال بين المدن 000 حاول تكون اكثر دقه ولتكن بعد قراءة التقارير المميزه للاعضاء ففيها الاجابات 0
وفقك الله 00 ورحله سعيده ان شاء الله

هلا يالغالي صح كلامك قريت موضوعي ثاني مره لقيته فعلا عام
لاني كتبته على الطاير .. بس أنا أقصد جنيف والفندق بحدود 500 ريال مافيه مشكله وبرنامج لمدة 12 يوم وطريقة استئجار السيارة كيف ؟

1. abusalem


2. THOIRY (GENEVA-AIRPORT), 01710


3. FRANCE

abusalem

اخوي ابو سالم لازم تبحبح الميزانيه شوي واذا تاخذ سياره فمن الافضل والارخص ان تسكن خارج جنيف والاروع في مثل هذه الحاله فندق الهوليدي ان قرب المطار في الاراضي الفرنسيه ((رومانسيه حقيقيه ترجع الشايب ولد )
Hotel Info
THOIRY (GENEVA AIRPORT)
Holiday Inn
AVENUE DU MONT BLANC

THOIRY (GENEVA-AIRPORT), 01710

FRANCE

والله ما ادري متى سفرك ولكني خمنت تاريخ من تاريخ 10 /يوليو / 2008 الى 15 /يوليو /2008 فوجدت سعر الغرفه العاديه standard لشخصين بحدود 103 يورو السعر شامل الضريبه وكذلك يتوفر مواقف للسياره مجاني (وهذا نادر بالفنادق )
الخمس ايام هذي ما تطب جنيف الا يوم واحد فقط للاستكشاف وتوزعها كالتالي
1 انيسي 2 شيموني 3 - لوزان +مونترو - 4 - تجوال في جنيف ورحله بالسفينه في بحيرة جنيف 0
تغادر الى انترلاكن وراسك على كتف ام العيال وانتم تسبحون الله وتمجدونه على حسن خلق الطبيعه 0
مباشة على فندق قولدي
Goldey Swiss Quality Hotel
Obere Goldey 85, CH-3800 Interlaken (Show map
لقيت سعر الغرفه لخمس ليال مع الافطار والضريبه 1110 فرنك سويسري
تمضي الايام الخمس 1- قمة يونفرويوخ 2 -رحله في بحيرة برنز 3 - زيارة المتحف الحي في بلونبيرق
4 - تسافر 70 كم الى لوزيرن وتذهب الى قمة تتلس في قرية بلونبيرق وتعود الى انترلاكن 0
ترجع اليومين الباقيه الى جنيف وتمضيها هناك وتكون مرتب السكن (( عاد صرت راعي ديره )) وتنضف المحفظه بشراء الهدايا وتستعد للعوده بالسلامه 0
هذا اجتهاد بسيط من عليمي او تلميذ صغير سمني ما شئت
بالتوفيق

ارشح لك فنق ايبسوم بجنيف قريب من البحيره وفخم وهو خلف البريزدنس بينه وبين البحيره 100 متر والغرفه الف ريال

بيض الله وجيهكم على التفاعل الطيب مع موضوعي ... طيب بالنسبه لإستئجار السيارة .. استأجرها من هنا وأستلمها من المطار احسن ولا أستئجرها من الجنيف أحسن ؟

abusalem
بالنسبه لليوروب كار عن طريق موقعهم الالكتروني ولا تنسى كود التخفيض الخاص بالخليجيين
بالنسبه ل هيرتز وكيلهم مكتب كانو للسفر والسياحه يعطون تخفيض حلو ولهم رقم مجاني ما احفظه 0
بقية الشركات موجود لها مكاتب
الزبده لاتروح الا مرتب امورك