كوفي عوائل في الخرج مافي الا ستار بكس في الحديثي مول
والمطاعم ماشفت هناك الا الوجبات السريعة اللي عندهم قسم مطاعم بس وهي أفضل شي بالخرج لأن المطاعم هناك تخوف

مشكور اخوي كاكا على ردك..
وياليت باقي الأخوان اللي يعرفون مطاعم عوائل في الخرج يدلوني عليها..
الله لا يهينكم..

من خلال تجربة سابقة انصحكم اخواني بمطعم رائع في الخرج - علما بأنني من سكان الرياض - أسمه مطعم القناديل بصراحة مطعم روعة من ناحية الاكل والخدمة والسعر والجلسات العائلئة مناسبة وانصح بوجبة الفوتشيني اعجبتني بصراحة . والمقاهي مثلما تفضل الاخوان ستار بوكس مجمع الحديثي

آسف نسيت الوصف .
الوصف : وانت جاي من الرياض بعد ما تدخل الخرج وتتعدى البرج يجي على يسارك مجمع الحديثي ومن عند الاشارة اللي بجانب الحديثي تلف يسار من شارع اسمه ثمامة بن عدي ( إذا ما خانتني الذاكرة ) وهو بالمناسبة طريق حرض المهم بعد ما تروح من الاشارة يسار تمشي مع الخط وراح تجي لفة إجباريه لليمين اول ما تلف تلقى المطعم على يسارك سوي يو تيرن وابحث عن موقف . وبعد ما تخلص اكمل طريقك واتجه يمين تمشي شوي راح تلاقي مخابز الارياف ( روعة الفطائر والمخبوزات هناك ) وبالهنا والعافية للجميع.

ابو صبا الله يجزاك الجنة..
ما قصرت أخي الكريم بارك الله فيك..