أبوفهد عاشق الطبيعة
29-10-2022 - 12:27 am
أعزائي اعضاء المنتدى الكرام أبيكم تسوون لي جدول سياحي في ميونخ على كيف كيفك ؟
أنا سأكون في ميونخ الساعه 10 صباحاً يوم السبت 23/8
وحتى 25/8 الساعه 3 عصراً يعني يومين المشكله انه اليوم الثاني يوافق الأحد
وأخاف الأحد كل شئ مسكر ؟
عموما هذا الاشياء اللي انا حصلتها واتوقع انها أحسن شئ ابي رايكم وتظبيط جدول سياحي خلال هاليومين
الأماكن :
1 / جارميش ( انا بروح لزيلامسي وسالزبورغ تهقون تغني عن جارميش خصوصا انه بعيد )؟
2 / حديقة الحيوان ( تستاهل والالا )؟
3 / منتزه الأولمبي ( يمدحونه كثير )
4/ لينجو لاند ( أحس انها حقن أطفال ؟؟ )
5/ سكاي لاند ( شكلها حلوه بس هل هي قريبه من ميونخ وتستاهل العنوه )
6/ مصنع بي ام دبليو ( هل يستحق الزيارة ) ؟
7/ الحديقة الإنجليزيه ( مدحوها كثير)
8/ متحف الطيران ( هل يستحق الزيارة ) ؟
9/ قصر نايفمبرغ ( هل يستحق الزيارة ) ؟
10/ ساحة مارين بلاتز ( يمدحونه كثير )
تذكروا شئ مهم ودي اروح اسواق ومطاعم وكفيات وتذكرواايضاً ان كل هذا الشئ خلال يومين فقط ؟؟[/
انا بقولك عن الاماكن اللي زرتها وانت لك القرار :
1- جارميش : منطقه صغير والاشهر فيها الجبل وانا زرته واكون في قمه للطياران الشراعي وفي الجبل اللي فيه الثلج , انا بس زرت الثلج انبهرت منه لان اول مره اشوفه بس لما رحت اليوم الى مرتفعات كابرون قات جارميش عادي .
2- ليغو لاند منتزه حلو وانا جلست فيه من الساعه 1 الظهر لين الساعه 6 المغرب وكل اللعب لعبتهم مع الاولاد
برأيي انو حلو اذا كان معاك اطفال .
3- الاولمبك بارك لما رحت كان الجو حار وماجلست فيه اكثر من ساعه ولان معي الاولاد بس زرت معرض Bmw وعموما الاولمبك والbmw نفس المكان . تقدر تروح بالقطار .
4- حديقة الحيوان حلوه مثل مالت الكويت مشيت فيها 4ساعات تقريبا وجانه مطر بصراحه وناسه . تقدر تروح بالقطار .
5- المارين بلاتز حلوه للمشي وانا كنت اروح لها بعد ما ارجع من الرحله لان المغر 9:30 وانا ارجع على الساعه 6 تغريبا فيمدي اني اروح بعد الرحله بس يوم الاحد محلاتها مغلقه .
هذي الاماكن اللي جيتها بميونخ ............
الله اوفقك ويحفظك وييسر امورك ............................