أبو جنا
22-06-2022 - 12:08 am
السلام عليكم
كيفك أبو عزيز ووش اخبارك
حبيت اخذ من وقتك ثواني يالغالي
عندي زيارة لسويسرا باذن الله لمدة سبع ايام من 28 سبتمبر الى 5 اكتوبر
نقطة الانطلاق باريس الى انترلاكن من 28 سبتمبر الى 1 اكتوبر ومن ثم التوجه الى جنيف من 1 اكتوبر الى 5 اكتوبر..
واول سؤال يالغالي هو عن وسيلة السفر والتنقل من باريس الى سويسرا هل القطار ام استأجر سيارة؟
القطار غالي والسيارة امتع بالتنقل لكن خايف اني اضيع بحكم اني اول مرة ازور اوروبا.. وش رايك؟
اني استاجر من باريس واسافر بها الى انترلاكن والف سويسرا واسلمها بمطار جنيف يوم العودة ولا القطار افضل؟
وهل اشتري جارمن من السعودية قبل السفر؟؟
وبالنسبة للمواقف هل هي مجانية ام بمقابل؟؟
السؤال الثاني بالنسبة للجدول
ثلاث ايام لانترلاكن هل اقدر ازور فيها يوم لوزيرن؟
ووش تنصح بانترلاكن غير القمة الثلجية؟
وبعدين الاربع الايام بجنيف وش رايك التوزيع الامثل لها؟
مع ان ودي ازور انسي وشامونيه والمون بلان
واخر شي كيف بيكون الجو تقريباً باواخر سبتمبر واوائل اكتوبر؟
وفي انترلاكن بالذات؟ لان طفلتي عمرها سنتين واخاف تتأثر بالبرد والتغيير المفاجئ من جونا العليل الى جو سويسرا
انتظر ردك يالغالي والله يوفقك.
سيارة افضل لأن القطار من باريس الى انترلاكن يكون عن طريق بازل يعني طويل وشاق
وتسليم السيارة يكون في مطار جنيف القطاع او الجزء الفرنسي
واحلى شي انك تضيع في مثل هذي البلاد
جرب يوم تقفل القارمن وتمتع بالقيادة
القارمن او اي جهاز ملاحة بيكون بإذن الله خير معين بعد الله
وهل اشتري جارمن من السعودية قبل السفر؟؟
ممكن تشتريه من السعودية من دار موجه او ممكن تطلبه من الأمازون من بريطانيا او امريكا
وممكن تشتريه من باريس
الخيار لك وانا افضل انك تشتريه من هنا وتتدرب عليه شوي شوي
وممكن توصي عليه من هناك خصوصا انه بكير على رحلتك
وبالنسبة للمواقف هل هي مجانية ام بمقابل؟؟
استفردت بموضوع خاص عن المواقف في الديلي ممكن ترجع له
الشرح فيه بالتفصيل الممل
ثلاث ايام لانترلاكن هل اقدر ازور فيها يوم لوزيرن؟
طبعا ومحبذ زيارتها ومعها تزور قمة ريقي
ووش تنصح بانترلاكن غير القمة الثلجية؟
دام معك سيارتك وش رايك برحلة المعابر
خاصة اذا تحب السواقة والكروز
تقريرها في الدليل
وبعدين الاربع الايام بجنيف وش رايك التوزيع الامثل لها؟
مع ان ودي ازور انسي وشامونيه والمون بلان
انسي تمام
شامونيه مع مجيف ممتازة ما انصحك بالمون بلا جدا باردة ومتعبة ورياحها قوية في هذه الفترة من السنة
قشتاد مع القلاسيي 300 ايضا رائعة - تقريرها في الدليل
واليوم الأخير خله جنيف واسواق وشوكولا من المانور مثلا
واخر شي كيف بيكون الجو تقريباً باواخر سبتمبر واوائل اكتوبر؟
وفي انترلاكن بالذات؟ لان طفلتي عمرها سنتين واخاف تتأثر بالبرد والتغيير المفاجئ من جونا العليل الى جو سويسرا
الجو بيكون ماشي حاله يعني يصادف نهاية الصيف ودخول الخريف وتكثر الأمطار والهوا
اهم شي اللبس المناسب و مظلات المطر
واخيرا اتمنى ان يكون عنوان الموضوع اكثر شمولية والبعد عن التخصيص حتى الكل يشاركك
بالتوفيق يالغالي