احنا حاضرين وبنساعدك باذن الله

مشكورة حبيبتي دموع والله لايخلينا منك وأنتي فيك الخير والبركة
بالبداية أبوضح تفاصيل الرحلة والاستفسارات راح تكون باللون الأحمر
المناسبة : رحلة شهر عسل لأخوي الله يوفقه
التاريخ من 16 يونيو (6) الى 29 (13 ) يوم
محطة الوصول : باريس ومحطة العودة : ميلان وتم شراء التذاكر على الخطوط الاماراتية
توزيع الأيام المقترح والفنادق المقترحة ( طبعا أهم شيء سويسرا ) لكن الي عنده ملاحظة على باريس وميلان يتحفنا .
باريس 4 أيام فندق الهيلتون لاديفنيس ( مايبغون صجة ولجت الشانز ) https://www.booking.com/hotel/fr/hilton-paris-la-defense.ar.html?aid=1300939
الانتقال من باريس الى زيورخ ( الطيران الفرنسي ) والبقاء يوم واحد ( زيارة هايدي في اليوم الأول ومن بكرا زيارة الراين والانطلاق الى انترلاكن ) طبعا استئجار سيارة والفندق قريب من المطار https://www.booking.com/hotel/ch/hotelallegrakloten.ar.html?aid=1300939
الجلوس في انترلاكن خمسة أيام والسكن محتارة بين فندق برزينزسي https://www.booking.com/hotel/ch/brienzersee.ar.html?aid=1300939
وفندق https://www.booking.com/hotel/ch/alphotel-eiger.ar.html?aid=1300939
وبعدها الانتقال إلى لوقانو والمبيت يوم واحد للراحة وتسليم السيارة ورؤية لوقانو والانتقال الى ميلان عبر القطار والسكن في لوقانو في فندق https://www.booking.com/hotel/ch/continental-parkhotel.ar.html?aid=1300939
الذهاب الى ميلان والبقاء يومين يتخللها الذهاب الى البندقية والعودة في نفس اليوم ومن ثم العودة الى أرض الوطن والسكن في ميلان في فندق قريب من السكة الحديدية وهو https://www.booking.com/hotel/it/hotelbernamilano.ar.html?aid=1300939
الاستفسارات :
1- رأيكم في الفنادق ؟
2- أي الفندقين أفضل في انترلاكن ,
3 - شلالات الراين تستاهل انهم يجلسون بزيورخ يوم ؟ ولا من المطار لانترلاكن على طول ؟
4- رأيكم في المخطط بشكل عام ؟
5- كيف الجوء بوقت سفرتهم في باريس وسويسرا وميلان ؟
6- أتمنى اقتراح برنامج خفيف (للمعاريس ) في انترلاكن (خمسة أيام ) لأهم الأماكن .
7- كيف الطريق من انترلاكن الى لوقانو ( اخوي ذروق مايحب المرتفعات ههه )
ومشكورة أختي دموع مقدما والله لايحرمنا منك ولا يحرمك الأجر والخير ..

بجاوبك على اللي اعرفه من اسئلتك باذن الله
اولا بالنسبه للمبيت بزيورخ ليله انا اشوف انه اللي تستحق الزياره هي شلالات الراين فقط اما بيت هايدي مايستاهل والافضل انكم من يوم ماتوصلون زويورخ تستلمون السياره وعلى الشلالات تبعد حوالي 50 كيلون عن زيورخ
فندق زيورخ اللي حطيتيه ما اعرفه لكن وش رايكم تسكنون بهالفندق على بحيرخ لوزيرن روعه بصراحه والمنطقه هناك هاديه
https://www.booking.com/hotel/ch/post-weggis.ar.html?aid=1300939
يبعد 50 كيلو عن زيورخ والى شلالات الراين 100 كيلو
كنت اتمنى يقعدون يومين فيه ويلغون المبيت بلوغانو عشان يوم يروحون شلالات الراين واليوم الثاني العاب اليورب بارك كنوع من التغيير
ثانيا : فندق انترلاكن اشوف انه برينز اشهر بشرط يختارون الغرفه المطله على البحيره وطبعا طريقه اسهل من الفندق الثاني اللي في بتنبرغ كله مرتفعات وانتي تقولين انه اخوك يخاف عشان كذا ماعندك الابرينزز سي او اذا عادي عندهم يسكنون في ويقز كل فتره الخمسه ايام احسن لان المنطقه هاديه وويقز تبعد 100 كيلو عن انترلاكن
هذا تقرير عن الفندق الثاني اللي بتنبرغ
https://artravelers.com/p/re/611472
وانا لوكان لي الخيار اختار الفندق الثاني لانه اهدا وفي منطقه مرتفعه جوها حلو لكن الخط ممكن يكون متعب لاخوك اذا مايحب المرتفعات
لوغان وميلانو ماعندي خبره فيهم للاسف
الجو في ايطاليا وباريس احر من سويسرا

ما قصرت اختي دموع
فندق برينيزسي اذا مش مطل علي البحيره لا تاخذونه لان افضل ما في الفندق اطلالته فقط ولا اداره سيئه جدا ( الا اذا حظكم زين ولا طحتوا بمديرة الفندق ومالكته )
سكنت فندق روسلي بانترلاكن حلو
فندق باريس كويس ما جربتي تسكنين بولمان لاديفانس
الجو حلو في سويسرا وباريس فترات الظهيره مرات بس الله يعينهم علي جو ايطاليا وياليت يحرصون علي مواقع الطقس

دموع مشكورة قلبي ماقصرتي اتعبناك معنا
وفيصل بعد مشكور وماقصرت ياخبير باريس >> واضح أنه تمصلح عشان يضبط لها برنامج باريس ؟ ض1
طيب ابثقل عليكم شوي وابناقش ردودكم اذا تسمحون
حبيبتي دموع الفندق حق لوزيرن حلوو والظاهر أني ابحجزه بس الي فهمت أن زيارة الشلالات مهمه ..
ومن ناحية فندق انترلاكن حجزي في برينز غرفة مطلة وشكلي ابجزم عليه لأن الثاني ماتوقعت أنه بعيد عن انترلاكن .
لكن سؤالي المهم وصولهم الى مطار زيورخ الساعة 2و15 ظهرا . هل يمديهم يروحون للشلالات ؟ لأنها تسكر الساعة 6 حسب قراءتي ولا اذا وصلوا يروحون لهايدي وبكرا الصباح يروحون الشلالات ؟ >> هايدي ضروري لزوم الهياط ههه
طيب أبسأل عن موقع اكسبيديا هل هو موثوق لأني حجزت منه طيران على الفرنسية من باريس الى زيورخ وحجزت منه سيارة صغيرة من شركة سكست ب 1200 ريال ل 8 أيام وش رأيكم بالموقع وبالسعر ؟
طيب أخوي فيصل فندق الهيلتون زين ولا زوين ؟ لأن الحلو فيه أن تحته مجمع كبير ومكانه هادي وقريب من المترو ووفندق بولمان فل ماحصلت فيه حجز .
واخر سؤال : هل الروحه والرجعة بنفس اليوم للبندقية متعبة ولا عادي ؟؟ ووشو احسن وقع يروحون فيه الصباح بدري ؟
اتمنى اضافات من الخبراء الثانين عشان يخففون عن فيصل ودموع >> مير أبوعزيز واللورد ساحبين علينا ياعمري ياحنا يالبنات فزوعين بعكس الرجال العجازين ههه >> ماكأنه جحدت فيصل ض1
دموع وفيصل مشكورين واسفه غثيتكم الله لايخلينا منكم

ريما القصيم
انتي عندك 3اشياء حلوه لايفوتونها واذا يبغون يزورن كل هالاماكن الافضل لهم السكن بزيورخ
العاب اليورب بارك - شلالات الراين - قريه هايدي (اشوفها مره مهمه عندهم)
طبعا انتي حاطه يوم واحد لزويرخ ووصولهم الساعه 3العصر والمشوار لقريه هايدي ساعتين روحه وزيها عوده يعني اتاكدي هل يمديهم ولالا
ثاني يوم يسلمون الفندق يروحون لشلالات الراين تبعد 50 كيلو واذا خلصوا يروحون لانترلاكن المسافه ساعتين
واذا بيبغون العاب اليورب بارك وانصحهم فيها لايفوتونها يلغون ليله لوغانو ويخلونها بزيورخ ويصير ثالث يوم يروحون للالعاب من بدري المسافه ساعتين واذا خلصوا قريب الليل يرجعون لفندقهم بزيورخ واليوم الرابع من الصبح يمشون الى انترلاكن المسافه ساعه ونص
يعني يكون مخططهم 13 ليله
4ليالي باريس - 3ليالي زيورخ - 4ليالي انترلاكن - ليلتين ميلانو
او انكم تنقصون يوم من باريس ويكون المخطط وهذا الافضل
3ليالي باريس - 3ليالي زيورخ - 5ليالي انترلاكن - ليلتين ميلانو
عندهم ليلتين في لوغانو اول يوم وهما رايحين من انترلاكن الى ميلانو راح يمرون على لوغانو لانها بالطريق يتمشون فيها ويسلمون السياره ويركبون القطار الى ميلانو وثاني يوم يتمشون في ميلانو ما له داعي يروحون فينيسيا ويتعبون

الغايب حجته معه يا اختي
الهيلتون تحته مجمع الفصول الاربعه وتحت المجمع محطه المترو لاديفانس الخط الاصفر رقم واحد وتوصلك مباشره الي ديزني لاند والشانز ومواقع غيرها وفيه القطار يوصلك الي فرساي
البندقيه من وين ناويتها بيوم وتردين