هلا اخوي
انا الآن بالكويت وانصحك بالمركز العلمي
لا يطوفك
شيئ يفوق الخيال وهو بشارع الخليج العربي
مع أنه بنظري يوم واحد ما يكفي أبدا

حياك الله بالكويت
يوم واحد مو شنها الزياره وايد قصيره .... على العموم هذا البرنامج ليوم واحد
صباحا اخذجوله بالسياره لشارع الخليج العربي وتبديها من يوم البحار وتمر على سوق شرق وتاخذ فيه جوله مع تناول وجبه الفطور ف مركز سلطان ( عندهم خوش ريوق )
وبعدها اتمر على الابراج وقص لك تذكره واصعد وشوف منظر الكويت من فوق
ثم مر على المارينا مول واهناك فيه سينما وبعدها اخذ جوله في مارينا كريسنت واكلك حلو في شوكليت بار
وبعدها انصحك اتروح المركز العلمي واهناك فيه اكبر اكواريوم في الشرق الاوسط
( على فكره كل هالاماكنتلقاها على شارع الخليج العربي يعني ماراح اتضيع ان شالله )
واذا فيه عندك وقت تقدر تروح الافنيوز ( مجمع ضخم فيه محلات كبيره + مطاعم فخمه + سينمات + كيفهات + ايكيا + كارفور )

جدول اخوي الملك خووش جدول ليوم واحد

السلام عليكم...!
أهلا و سهلا فيك أخي الكريم في بلدك الكويت...!
و ستزيد نور الكويت بنوركم...!أتفق مع الإخوان بأن يوم واحد قليل جداً...!
و هذه بعض الروابط التي من الضروري رؤيتها...!
1- https://artravelers.com/p/re/170855
2- مسافر للؤلؤة الخليج ومحتاج لمساعدتكم... https://artravelers.com/p/re/166600
3- استفسارات منوعة عن الكويت https://artravelers.com/p/re/169087
4- بزور الكويت بعد ايام .. وين اروح https://artravelers.com/p/re/164197
5- لدي مجموعة من الأسئلة عن الكويت الحبيبة https://artravelers.com/p/re/166732 بالنسبة للأماكن التي طلبتها:-
1- الشواطئ و مدينة الألعاب المائي...
صعب جداً أنك تسبح مثلا لأن الجو لا يزال بارد ...!2- الألعاب الترفيهية:-
توجد المدينة الترفيهية, و هي أكبر الملاهي في المنطقة...
و تقع في منطقة الدوحة شمال مدينة الكويت...
و كذلك منتزه الشعب الترفيهي يضم ألعاب للكبار...
و موقعه في شارع الخليج العربي بعد ما تعدي المارينا بمسافة...
و لكن أعتقد أنها أقل مستوى بكثير من المدينة الترفيهية.3- بالنسبة للمجمعات الجديدة و الفخمة...!
لن تكفي ل قضاء يوم واحد فقط...!
1- مارينا مول...
https://artravelers.com/p/re/170365
في شارع الخليج العربي بمنطقة السالمية, و يطل من الخلف على شارع سالم المبارك...
"هذا الشارع لوحده يضم اكثر من 10 مجمعات على مستوى عالي(مثل الفنار-البستان-ليلى جاليري-بلازا و غيرهم)
مع مقاهي و مطاعم و دور سينما".
2- الإفنيوز...
يقع في منطقة الري...بطريق الدائري الخامس بإتجاه الجهراء...
و يعتبر أحدث و أكبر مجمع في الكويت, يضم تشكيلة شاسعة جداً من المتاجر,
المطاعم الراقية و السريعة منها, و 13 صالة سينما, و غيرها...!
3- مجمع الكوت و مجمع المنشر...
و هذين المجمعين متلاصقين, و معهم فندق روتانا المنشر...!
و يقعان في مدينة الفحيحيل التي تقع جنوب مدينة الكويت ب 30 كيلو تقريبا...
و هو دائما ما يزوره الأخوان القادمين براً إما عند دخولهم للكويت أو عند خروجهم...
و يعتبر الكوت من اجمل المجمعات, يضم محلات كبيرة, مقاهي رائعة ذات اطلالة اروع على البحيرة و النافورة,,,
و صالات سينما.
4- سوق شرق...
إحد أكبر مجمعات الكويت...
و يضم تشكيلة واسعة و كبيرة من المحلات,,,
و المقاهي ذات الإطلالة الرائعة على مدينة الكويت و هاربور المجمع,,,
مع صالات للسينما.4- و بالنسبة للمطاعم...!
فهي منتشر بكل هذه المجمعات التي تم ذكرها...!
و تضم هذه المجمعات أيضا المطاعم السريعة...
و تتوزع المطاعم العالمية و الشرقية الراقية على شارع الخليج العربي...
"كل بضعة أمتار ترى مطعم"

أخوتي الأعزاء بصراحة والله فشلة ... وما ادري كيف أشكركم صحيح أهل الخير
alrashedq8
الملك
أبا عبد الله
Dhari
عساكم كلكم على القوة والعافية ومشكورين وما قصرتوا كلكم وأنا راح أدرس كل اللي قلتوه وراح إنشاء الله استانس كلش بالزيارة

حياكم الله والاعضاء ماقصروا
ممكن نزيد عليهم دام اللي عندك يوم واحد فقط وجاي عبر البر فبامكانك الاختيار اما التوجه الى السالميه والعاصمه ( البوابه متروسه عنهم )
او الى محافظة الاحمدي وهي الاقرب اليك
تقدر تروح مجمع المنشر والكوت بالفحيحيل على البحر تقدر تقعد عالنافوره الجميله وتتمشى على البحر ( صعب اماكن سباحه الجو لسه بارد ) وتقدر تمر مجمع اجيال بالفحيحيل وكذلك كويت مجك ببوحليفه وفي داخله العاب للاطفال ، وفي بعد العاب بره يمه بس مادري اذا للاطفال او الكبار ،
وبالنسبه للاماكن الترفيهيه عندك المدينه الترفيهيه بالدوحه ، وكذلك منتزه الشعب الترفيهي

• المجمعات الكبيره والفخمه == عليك بالديره والسالميه والري ( الافنيوز )