- السلام عليكم ورحمة الله وبركاته
- طبعا لأسباب عدة :
السلام عليكم ورحمة الله وبركاته
أولا اود اشكر كل من في هذا المنتدى الطيب ، لأني الصراحة من يوم ما قررت اروح ادرس اللغة في كندا ، إلين ما وصلت ، وأنا كل معلوماتي جالس آخذها من هذا المنتدى الخطير ، وكل ما جاتني مشكلة ، لقيت الرد منكم يا حلويين ، فلكم مني جزيل الشكر والتقدير
المهم : ندخل في الموضوع
أنا ألحين في فانكوفر تقريبا لي أسبوعين ، والصراحة ما أدري أغير المعهد إلي أنا فيه ولا لا ؟؟
طبعا لأسباب عدة :
1 - طلع المعهد ما يدرس المستوى الاول ، أقل مستوى هو المستوى الثالث ( وحطوني فيه )
2 - أنا الصراحة مالي خبرة في مدارس اللغة ، وما أدري هو برنامجهم زين ولا شين ؟ بس ما أشوفهم يعطونا حصة قراءة أو حصة كتابة ( إملاء ) أغلب شي قواعد ومحادثة ، وما أدري هل هذا البرنامج زين ولا لا ،والمشكلة إني ما عندي كلمات ، يعني ما أفهم عليهم دايما ( بس الصراحة أحس إني بديت أفهم أحسن شوي )
الصراحة انا محتار أغير ولا لا ، فريت ودرت على كم مدرسة ، بس ما أدري وش أسوي ،والمشكلة إن فترة الدراسة قصيرة ، بس 3 شهور ، وودي أستفيد .
3 - كلمت المعهد اللي أنا فيه ، وقلت لهم المشكلة ، قالو لي توك في البداية وبعد 3 شهور رح تطلع ما يحتاج ، قلت لهم :طيب بس المشكلة انا ما أعرف أقرأ وأنتو ما عندكم حصص قراءة ، قالو نوصي عليك المدرسين ، وصار كل واحد يعطيني قطعة ، علشان أقرأها في البيت وأعرف معانيها .
أنا مرة محتار يا جماعة ، وصراحة تعاملهم معي جدا ممتاز ، وما قصروا معي في شي ، بس هذي دراسة ، والواحد تارك أهله وربعه علشان يستفيد.
4 - في ناس امدحولي كم معهد ، بس المشكلة فيه عرب ، وأنا الصراحة لو شفت واحد من نفس عجينتي ، بأنسىنفسي ، وهاتك سوالف وضحك وسلام يا انجليزي .
5 - نسيت اقولكم انا أعيش لحالي ،ماخذلي غرفة ، يعني طقني الوسواس ، انقل من المعهد ولا ما أنقل .
أرجو المعذرةعلى هذه الإطالة ، بس أتمنى أن أجد مشورة من أصحاب الخبرة ، لأني الصراحة جدا محتار وودي اتعلم وأرجع إلى ديرتي ، وبسرعة
لكم مني فائق الشكر والاحترام
واللي يبغى شي أو فزعة من فانكوفر تراني حاضر !!!!!!:36_11_6:
و هذا أهم شي فى اللغه الإنجليزيه ، بدون قواعد ماراح تعرف تكتب أو تربط الجمل مع بعض أو تستخدم الأفعال المناسبه .. يجب عليك الإنتباه و عدم الغستهانه بالقواعد فهي الطريق إلى اللغه السليمه ... المحادثه تساعدك على معرفة لفظ الكلمات بصوره صحيحه و تعطيك الثقه بالنفس ...
وصار كل واحد يعطيني قطعة ، علشان أقرأها في البيت وأعرف معانيها
طيب ممتاز و هذى نقطه إيجابيه و انت من عندك غشترى مجلات و اقراها بعد أو قصص قصيره حتى لو حقت أطفال ... راح تظيف لك معانى مفردات جديده ...
نسيت اقولكم انا أعيش لحالي ،ماخذلي غرفة ، يعني طقني الوسواس ، انقل من المعهد ولا ما أنقل
حاول انك تكتشف المنطقه و تطلع و تتعلم من كل شي حولك .. كون صداقات مع الطلاب اللى معك و تعلموا من بعض ...
أنا اشوف انه بدايتك كويسه مع المعهد مجرد انك تعتمد على نفسك و تساعد نفسك إضافة على ما يعلمونك اياه فى المعهد ...
أتمنالك التوفيق و أي مساعده نحن حاضرين ،،،،