زيارة موفقة بأذن الله تعالى

1. أتمنى لك رحلة سعيدة

أتمنى لك رحلة سعيدة

أنا توني رجعت من الكويت وصراحة رغم أنها كانت رحلة خطافية فقط ثلاثة أيام لكني استمتعت فيها كثيرا وما كنت أتوقع الكويت بهذا الجمال
بالنسبة للسكن صراحة احنا توفقنا بشقق جديدة ونظيفة وسعرها مناسب وخدمات ممتازة إضافة إلى الانترنت واير ليس والإفطار المجاني , هذه الشقق اسمها ( فلوري سويت ) في السالمية ( شارع البحرين ) , وسعر الشقة غرفة وصالة 23 دينار , وغرفتين وصالة 30 دينار , وأنا أنصحك بالسكن في هذه الشقق لأنها نظيفة وواسعة
للاتصال / 009655732605
أما الأماكن الي أنصحك بزيارتها
أولا / أبراج الكويت فيها كوفي شوب ومطعم وصراحة جو رائع خاصة بالليل
ثانيا / مارينا مول , مول جميل وفيه مقاهي جميلة مطلة على البحر
ثالثا / مطعم ميس الغانم على طريق الخليج مطعم راقي على طريق الخليج وبتدعيلي
رابعا / سوق المباركية الشعبي , سوق شعبي رائع فيه كل ما تحتاجه وفيه مقهى شعبي في وسطه للرجال زوره وخذ منه شاي على الفحم
خامسا / مول شرق , على البحر تطلعله من فوق جسر قصير وهو أيضا رائع ويميزه المقاهي والمطاعم المطلة على البحيرة الممتلئة بالبلاجات ( الزوارق ) والمنظر رائع خاصة بالليل
سادسا / إذا سكنت بالسالمية بتلاحظ كثرة مطاعم الوجبات الخفيفة وأغلبها نظيف وجيد وأنصحك بمطعم ( ابن الوزير ) وجرب وجبة قرش والعصاير عنده ممتازة
سابعا / من أفضل وأحلى المولات في الخليج ( مول الكوت ) في مدينة فحيحيل مول راقي ويتوسطه بحيرة فيها نوافير راقصة ( منظر ولا أحلى ويستحق التصوير ) وهناك مقاهي ومطاعم مطلة على البحيرة تستحق الزيارة .
أتمنى إنك استفدت من هالمعلومات ورحلة سعيدة
وسلامي للكويت وأهلها

أهلا وسهلا فيك يا علي بخصوص زيارتك للكويت قم بزيارة هذا الموقع وستكون أما مجموعة كبيرة من الشقق الفندقية والفنادق ونحن سنكون بإنتظارك لأي إستفسار .
http://http://www.kuwaithotels.info

هلا فيك أخوي
و حياكم الله
الاماكن الترفيهيه والاسواق والمطاعم والفنادق كثيره
تلقاها كلها في بوابتنا الغاليه
لكن حدد لنا طلباتك ....
و أي استفسار احنا تحت أمرك

حياك الله بالكويت
الاخوان ما قصرو معاك

الف هلا ومرحبا اخوي
مشاء الله الاخ خلودي عطاك خطة
لكن انصحك ايضا بزيارة مجموعه من المولات ماذكرهم اخوي خالد اهم الافنيوز والمهلب والفنار
وحديقة الشعب والمدينة الترفيهية والاكوابارك
وهم عندك مول سوق السالمية فيه العاب للاطفال وهايبر ماركت سيتي سنتر وسووق للملابس والاكسسوار وغيرهم بتستانسون فيه وايد
واي شي ثاني ترى احنا بالخدمة

هلا فيك أخوي علي
الجماعة ماقصروا عطوك المختصر المفيد، واذا فيه شىء خاص تبي تستفسر عنه ... حنا في الخدمة
لكن انا عندي سؤال اذا امكن؟ هل kfu تعني فيها King Fahd Unversity ؟

حياك الله في بلدك الثاني الكويت

• مولات:

1. الافنيوز ( اكبر مجمع بالكويت )
2. مرينا مول ( السالمية )
3. سوق شرق ( شرق )
4. الكوت + المنشر ( الفحيحيل )
5. مجمعات السالمية ( الفنار - ليلى .. اله )

• اماكن سياحية :

1. ابراج الكويت
2. المدينة الترفيهية
3. جزيرة فيلكا
4. حديقة الشعب الترفيهية
5. الجولات البحرية من راس الارض

• سكن :

ممكن مراجة اربط الاخ kuwait hotels
فيه الكثير من الشقق وايضا مراجعه مواضيع الاعضاء فيها الكثير من الشقق المقترحه
وهناك الكثير الكثير
حياك الله مره اخرى
واي استفسار لا تتردد من سؤال اخوانك

حياك الله اب ديرتك الثانيه الكويت اب اي وقت ....