hind alz
06-12-2022 - 04:13 am
السلام عليكم خبراء العرب المسافرون
إن شاء الله سيكون سفري بعد العيد لأرياف فرنسا وجنيف
و بما أننا عايلة نفضل إنا نستقر في مكان وكل ييوم ننطلق لمكان لقضاء يوم والعودة مساءً لأن متعة السفر مب بكثرة التنقلات و لكن فالراحة و الاستجمام " وجهة نظر "
وبيكون استقرارنا في آنسي الفرنسية ومنها نطلع للمدن وكل المدن اللي اخترتها تبعد سويعات عنها بحدود الساعة إلى ثلاث ساعات و ما أجوفها كثيرة لأن المناظر فأوروبا تنسيك الوقت عموماً وبعد القراءة المكثفة في العرب المسافرون و الصراحة أبداً ما أنسى فضل هذا المنتدى رتبت الجدول كالآتي
و حابة أستشيركم فالجدول ككل هل هو مناسب وإذا عندكم اقتراح أتمنى تعطوني رايكم ، وإذا في مدن أحلى وإذا في مكان أفضل مايمنع اني أغير أو أعدل فيه وبكون شاكرة لكم ،
وعندي استفسار أبغي أضيف ديفون الفرنسية لكن كيف ممكن الوصول لها من آنسي غير السيارة
علماً مدة السفر اسبوعين
شكراً مقدماً
بس حط في بالك شغله
فجأتني في سفرتي الى أوربا السنه الي فاتت
اتجهت من باريس الى انسي و استقريت فيها 7 ايام
على اساس تكون نقطة انطلاق الى كل المدن المجاوره الفرنسيه و السويسريه
وتفاجئنا أن فرنسا كل ماتمسك خطوط فيها بيوقفك زي الكبينه تدفع فلوس
كل مامسكت خط فلوس
كا مادخلت و طلعت بين سويسرا و فرنسا فلوس
مو شي كثير علشان اكون صريحه تقريبا 19 يورو 10 يورو وهكذا
اغلى شي كان لما مسكنا خط بين باريس الى انسي بحكم البعد
كان 44 يورو اعتقد
بس جهز يورو كوينزات اهم شي علشان ماتتورط كل مره تمسكك كبينه
والسلام عليكم