Crazy Nno
29-11-2022 - 05:01 am
بسم الله الرحمن الرحيم
السلام عليكم ورحمة الله وبركاته
آول موضوع ليا في هالمنتدى وان شاء الله اشاركم وتفيدوني واستفيد
بخصوص الفيزآ (آه منهآ بس )
انا قدمت على الفيزا وعملت آنترفيو يوم 12 مآيو
باقي 10 ايام واكمل شهرين بدون اي رد من السفارة
طبعا الانترفيو كان في جدة
اخذ كشف الحساب مني وقال فيزتك مقبولة
مع العلم انو الشخص الي سوا المقابلة معايا كان يضحك وكونت اضحك معاه وامورنا في الالف كانوا بنعرف بعض من زمان
بعد الانتهاء قلي 5 ايام ويوصلك جوازك
في ابلكيشن السفارة اليوم الي بعدو مكتوب انو الفيزا اصدرت
ومكتوب خلال 10 ايام لو ماوصلك اي شيء راسلنا
كونت حاجز يوم 22 جون واجلت الرحلة طبعآ بمساعدة الوالد لنو يشتغل ف السعودية آيرلاينز
في يوم 16 او 17 جون ( م آذكر بالضبط )
ارسلت ايميل وردو انو لسا وكذا وكتبت لهم انو رحلتي يوم 22 جون
الي رد عليا يحسب انو رحلتي لدولة ثانية غير امريكا ف كتب انو لو تباه راسلنا ونرسلك جوازك
م رديت عليهم ب اي ايميل وقولت انتظر
وفي يوم الاربعاء 19 جون
جاتني 3 اتصالات بعد صلاة العصر مباشرة
م رديت على اي اتصال لني كنت عامل حادث ب السيارة وقولت ممكن المرور
دقيت بعد اخر اتصال ب 5 دقايق طلع انو السفارة متصلين ( ال 3 ارقام كلها السفارة )
طبعا محدش رد وقفلت
لحد اليوم م وصل جوازي
سؤالي الحين ( بتجنن وبعرف ليه اتصلوا عليا ؟ )
ثاني شي ارسلت ايميل ثاني وجاني الرد انو اجراءات ادارية
كانت رحلتي امس واجلتها ل 15 يوم زيادة كمان
الان ح ارسل ايميل ثالث لنو بصراحة كنت متحمس ل يونايتد ستيت بس الحماس سار نرفزة وبرود للاخر
افيدوني بس ليه جاتني الاتصالات هاذي
غير كذا ايش اسوي بالضبط
دعوآتكم حبايبي
Nno
اتصل بنفس الرقم وقلهم انه جاك اتصال من السفارة !!
اذا محد رد عليك او عطاك خبر
ارسلهم ايميل ووضح انه جاك اكثر من اتصال في يوم واحد لاكن لظروف ما قدرت ترد على التليفون وقتها !!
وان شاء الله خير
بالتوفيق ,,