(( مسائكم ياسمين دمشقي ))
منتجع جبل الشيخ
كان مشواري لهذا المنتجع ليس للسكن فيه
ولكن سمعت ان عندهم بحيرة صغيرة وفيها سمك وبإمكان اي زائر ان يصيد سمك ويطلب من المطعم ان يطبخها له
اعجبتني الفكرة وتحمست للروحة لأنه لي مدة ما اكلت سميكات
لكن للأسف حظي معتر وما صدت ولا سمكة
بس لو انهن ارانب او قطا كان جبت خبرهن وصارن من صيد امس ههه
وكنت ناوي اتغدى عندهم سمك بس ما صدت شيء وايضآ المطعم كان خالي من الزبائن وموحش
لذلك اكتفيت بهذي التجربة مع اخذ بعض الصور للبحيرة وبعض مرافق المنتجع ومنها
لعبة الليزر الجديدة وهي لعبة يمكن تكون الوحيدة موجودة بسورية هنا
وهي تحتاج إلى لاعبين وطبعآ ما فيه إلا انا والمسؤولة عن هاللعبة
وكنت ناوي اقولها تلعب ضدي بس خفت تفوز علي لأني ما اعرف هالألعاب واصلآ ما ادانيها ههه
هذي بوابة المنتجع
يمين تجدون مكتب الإستقبال
وحتى تستخدم مرافق المنتجع ( لزوار المنتجع ) لابد من ان تقص بطاقة من عند هالمكتب بقيمة 1000 ليرة
وبهذي البطاقة تقدر تستخدم المرافق الموجودة بالمنتجع مثل
المسبح وصيد السمك من البحيرة وطلبات من الكافتريا او المطعم او الألعاب وغيرها
واذا زاد شيء بالبطاقة لن تسترجعه يظل فيها وبإمكانك الرجوع لهم بأي وقت واستخدامها
اما اذا نقصت فلوسك او زادت طلباتك على قيمة البطاقة لابد من دفعها ايضآ عند مكتب الإستقبال
انا طلبت سنارة لصيد السمك وهي ب 200 ليرة وايضآ عصير
واعطيته البطاقة وخصمهن منها وطبعآ بقي في البطاقة الكثير لأني ما استخدمت غيرهن شيء
فهو مكان جميل ويستحق التجربة وخاصة للعوائل ومن معهم اطفال
يعني عط كل واحد سنارة وانساهم
بس انتبه لهم لا يطبون في البحيرة لأن عمقها 5 امتار والسمك الكبير لابد تحت ههه
عناقيد العنب
هذي بحيرة صيد السمك
السنارة والطعم ( عجينة )
بسرعة تراني متحمس ههه
يخصم من البطاقة
ايوه علمني وشلون اصيد ههه
خلوني ابرد على قلبي واريح شوي تعبت كخ
لا زال الحظ معند معي
جاء الزلمة وفزع لي
جاب خبز يابس وكسره وطشه عشان يجمع لي السمك
شكله رحمني ههه
بس برضوا ما عندك احد
لأن السمك اللي فوق كله صغير واما الكبير ابن السميكات شبعان ولابد تحت يتسدح
وإنتهت تجربة الصيد بعد ما إنفضحت بين العربان ههه
لعبة الليزر
اللباس
وجع
ههه
دائمآ وابدآ نلتقي على خير ومحبة في احلى واجمل بوابة بمنتدانا العربي الكبير
ودمتم سالمين