قصائد لمحبي المغرب
أدري فيكم قلوبكم خفوقة كلكم تحبون المغرب ههه
هذه بعض قصائد مزاعيط المغرب جمعتها لكم بموضوع .. وياليت لو شخص عنده قصيده غير موجوده هنا
ياليت يكتبها لنا ...
وسامحوني لو الموضوع مكرر
ياخوي ماغابت عن البال كازا
والزرقطوني شارعه حي بورقون
ماعاد لي في الشام ياأخوك عازا
ولبنان وكشخاته عساهم يولون
ويحرم علي أختم لمصر الجوازا
ولو ماتبقى غيرها شبر في الكون
اللي ذبحني "جوج" "هكا" "بلازا"
و"مزيان" و "كي داير" و "بالزاف" و "إشكون"
والله لو عندي رصيد وإجازا
لا أطير للمغرب ويكون مايكون
==
من قصائد الامير عبدالله الفيصل:
إشتقت للمغرب وانا توني جاي
الله يساعدني على نار شوقي
ياللي تريد ادواي في المغرب ادواي
رح بي لعله ينطلق فيه عوقي
لو صافحت مجهول يمناه يمناي
ينساق تيار الهوى في عروقي
واسمع حديثه ناعم ٍ كنه الناي
على يمينه ينثر الدمع موقي
==
(قصيدة جميلة بالزاف )
يامرحبا حييت ياطير حوران
يامرحبا بك يالرفيق الشقاوي
الدار ياطايل لها اشكال والوان
فيها جمال الغيد ماهوب ياوي
لاجيت للمغرب تضمك بالاحضان
اترك بلاد النيل مامن تساوي
يكفيك عبدالله وزايد وسلطان
كبار الرجال اللي ترد الدعاوي
مصيافهم في وسط كازا وتطوان
دارن وهبها الله سحرن سماوي
ومالوم قلبك يوم غنيت طربان
قلبي غدن به ياالذويبي له ازمان
من اول سنة تسعين قلبي هواوي
مزعوط انا بالزاف بالحيل ولهان
دايم وقلبي في هواها رجاوي
اجمع حصيلي ثم سافرت عجلان
غاوي ومن مثلي على الدرب غاوي
اروح للمغرب وانا البوك مليان
وارجع وبوكي يشهد الله خاوي
ولانيب متحسف ولانيب ندمان
هذي طرات العمر لاصرت هاوي
ويابو سعد لاصرت للدار شفقان
حنا مثل شرواك دايم نخاوي
اصبر لنا بالصيف عودة علشان
نسكن انا وياك جنب العطاوي
==
الله من قلب هواه الغنادير
ياليت لي عمر كثر عمر نوحي
لقضيه في طنجه وكازا واغادير
مثلي أسير الحب صعب يروحي
ياصاحبي طبع المحبه مقادير
وحبك سرى داخل شرايين روحي
نارد لكم ظميا ونرجع مصادير
ياللي سحرتونا بكثر المزوحي
ياشبه وضحا بين كل المغاتير
عفراً عليها وسم غازي يلوحي
سلام يالمغرب تحية وتقدير
وعز الله إني فيك ماسمع ولا اوحي
دار بها كل العلوم المسافير
والمسك والريحان منها يفوحي
وترى وعدنا ياحبيبي على خير
صيف جديد وفيه أجدد جروحي
==
يقول ابو سارة ،، من الهم ،، عانيت
نفسي تراودني ،، وهمي غلبني
خطمتها عما تريد ،، وتفانيت
وفي لحظة الغفلة ،، هواها ،، سلبني
قلت ارجعي يالمخطية ،، قالت اخطيت..؟؟
اللي وقع في المخطية ،، من خطمني
أنا في المغرب ،، رحالي وحطيت
تبي تخاويني ..؟؟ هلا ،، وانت مني
وفي لحظة من ضعف ،، لليد ،، مديت
خذت بروس اصابعي ،، ما حملني
حتى شعرت اني بامان ٍ ،، وشديت
إيدي بيدها ،، ثم صاحت ،، همّلني
اقلت اسكتي ياغافلة ،، ثم هدّيت
وذكرتها بايام ،، في صغر،، سني
استرجعت نفسي وقالت ،، ألا ليت
يرجع لنا الماضي ،، ويرضيك ،، عني
قلت اسمعيني ،، قالت ابشر ،، ولبيت
قلت ارضهم ،، تسحر ،، وهذا فتني
قالت نعم ،، وازيد من شعرنا ،، بيت
المغرب ارض السحر ،، ما خاب ،، ظني
مدت يديها للعهد ،، ثم مديت
يدي وعاهدنا بعض ،، ما تخنّي
تبقى معي ،، ما دام بالعهد ،،
وفيتونحط في المغرب ،، رحال التمني
==
سحابة صيف وتعدي لا يغرك الصيف وامطاره
بيحَت سدك وسدي والكل هلّلت اعباره
حبيب راح من حدي ما أطول الليل ونهاره
حياة الروح يا وجدي تركت اليوم أنا داره
بعد حالي آه من قدي شمّيت ورده مع أزهاره
نروح اليوم ما يمدي عليه حراس واخفاره
قياس الثوب ترى قدي ماهمني لو طاحت أزراره
الكل يصيح ويهدِّي ومسافرنا جاب أخباره
بكوا والكل متحدي نروح نروح بأخطاره
غير أغادير ما بدي كازا وطنجه مع تماره
وسحابة صيف وتعدي إخضر عشبه من أمطاره
==
من لامني في حبهم مامعه ساس... ربي خلق فيها من النا س اجناس
في جنة الدنيا يا طيب الانفاس ....فيها الذهب الاصلي ومرجان والماس
بالله يا طيار تعبر بنا فاس ... بنضر محبيني وهم خيرة الناس
حبي لهم مثل البحر من دون مقياس ... بالله ياطيار تعبر بنا فاس
بامرفي طنجه وفي ارض مكناس ... يرتاح قلبي بعد ماكان في ياس
ارض الخضيره مرتع البيض ياناس ... حبي لهم من القلب والعين والراس
حبي لها يمحي من القلب وسواس ... حبيتكم يازين للناس بالناس
كفى بمن يعشق وذا عنده احساس ... ماشي كما طنجه ولا ارض مكناس
==
انسى الهموم وسع الخاطر وعش= ولا لا تضايق كل ابوها مقادير
كانك في دارا كلها هرجه وحش= وتسمع بشي يعور القلب تعوير
شد الرحال وجمع العفش وانحش= للديره اللي هرجهم وخاا وسير
عليك بالمغرب خصوصا مراكش= ولا لا تفوتك دار كازا واغادير
بتشوف شيا" ماطلع يوم بالدش= شيا"يخلي عقل ابو جدك يطير
بيض الخدود ورمش اسود معركش= سبحان من صور هاك الزين تصوي
==
يا مرحبا ترحيبة تجمع قلوب المحبين
لمن له في المغرب ذكرى وعنوان
نقهويكم في بوابة العرب المسافرين
برية مهيلة مسمار وزعفران
من رجال يكتبون الكلام الوافي الزين
يدلون كل من في المغرب حيران
ينصحون عن الطريق الخاطي الشين
علومهم نتفعكم في كل وقت ومكان
==
وهذي على مدينة اكادير
من بعد هذا أمهلوني دقيقه ياللي عن أقادير تبغى الحقيقه
من ذاق ماها مابعد فك ريقهبيموت ماجاه الضما لو بعد حين
بيموت مايطري له الما على بالولا سأل عن عم ولا سأل عن خال
ولا سأل عن فقر ولا سأل عن مالولا يحسب الا من احساب السلاطين
هاذي أقادير الهنا والسعادهوالطيب والجيره وحسن الوفاده
دار بها الرجال يبلغ مرادهلو دونهاالروس الكبار متحامين
==
الظاهر ان عشاق اكادير كثير
.
.
يا اغادير فيك خانتني التعابير
وبصورة جمالك زالت مني التحاسير
يا ليتي في رحلتي بدئت بك المسير
يا شاطئاً رملينا ويا شجر كثير
سبحان من جعلك في احسن تصوير
رأيت الطيبة واللطف في اهلك المقادير
وجمالا عربياً ساحرا له بالغ التأثير
لمست بك الحب والسعادة كذلك تصير
بصفاء سمائك وساحلك الكبير
وغناء ليلك وهمسة العاشق والتفكير
لن انساك يا درة الجواهير
انتي في ذاكرتي وكل التذاكير
==
يابوسعد في أكآدير غزال ذكرتني
بالحور وخلت الروح تجمد في بدنها
قلت الموت جاني ليتها ما صادفتني
خلتني جنازة هامدة ملفوفة بكفنها
ياليتني وياليتها بالآكوت تركتني
خلتني أحلم بنومي والا السعادة خذتها
صرت يابوسعد أسير الهوى ومرغتني
وعرفت أن الفراق لازم يوم أقفا ضعنها
نسيت حالي والزاد وبخيالها ما نستني
خيال ما فارق خيالي ينتصب لو صديت عنها
صبح ومساء وتالي الليل من نومي حرمتني
بعيونها أحرقت قلبي والخيال أطلق رسنها
أزريت أنسى وأزريت أتخفا وعرفتني
طايف بي الهوجاس دوم أتصور شمخة بدنها
الى جيت وسط الناس جتني وأحرجتني
أجر ونات الحزن من سمعني فز منها
أغالب السر وحرآت شوقي عصتني
تحركني بالأشارة وبرمش عينها تأمر وتنهى
الموت حق وأنا يابوسعد تراها ذبحتني
بطرف العين رمتني حقي واستاهل سهمها
مثل جلمود الصخر طاح قلبي يوم رمتني
بالبسمة وغمزة العين اللي أدفع ثمنها
ياعزوتي ياعصبة الراس خلاص دوختني
شوق الصحاري للمطر شوقي لرقصة جسدها
أعلم الناس الصبر وأكتم الزفرات أحرقتني
يابوسعد ليث الشرى طلبني أعقد مهرها
ياكيف أنا أقوى وياحيف أم عيالي أغمرتني
والله ماأرخص بحبي الأول لو أعطتني بلدها
تحيتي لكم
م / وليد