وعليكم السلام ورحمة الله وبركاته
هلا وغلا لين
وان شاءالله هالسنه بتكون احسن من العام
مبدئياً المسار اما بيكون فرنسا سويسرا ايطاليا او العكس ..
لان سويسرا جايه في الوسط وماايصير اتكون اول محطه ..
كذا اوكي المخطط !

مشكور آخووي كثير على المساعده كذا تمام التمام فالنفرض انها فرنسا سويسرا ايطاليا وشي المناطق اللي المفروض ازورها برايك وكم بين كل مكان والثاني وعدد الأيام المناسبه اللي اجلس فيها بكل مكان ..آعذررني تقل ططولتها عليك.. السؤال الاخير بالنسبه للسياره اذا جيت اسلمها بمطار ثاني كم الرسوم الي بياخذونها مقابل ذلك(( الشركة طبعا يورب كار))... ياليت تفيدني وآسفه اني طوولتها عليك ... وآكيد لي تعقيب على ردودكم

وعليكم السلام .. اختي لين ..
https://artravelers.com/p/re/51030
هذا الرابط لعمدتنا ابو عزيز فيه كل شي يخص السياحه
بسويسرا .. واتمنى منك قراءة بعض التقارير المليئه
بالمعلومات .. لان فيه تقارير اطلعت عليها نفس مخطط
رحلتك .. اتمنى لك رحله موفقه وممتعه ...

لاشكر على واجب ..
مبدئياً باريس 4 ايام + جنيف 4 ايام + انترلاكن 5-6 ايام + ميلانو 3-4 ايام ..
على افتراض ان العوده من ميلانو ..
هل عدد الايام مناسب !
انترلاكن وميلانو خليت المده قابله للتغيير ..
اوكي ولا !!

هلا اخوي الترتيب ممتاز نفس اللي ابيه بس كنت موب عارفه آرتبه بس الايام لو تقل يكون افضل
لوضعنا يعني بحدود 14 يوم لو نشيل يوم من جنيف ويوم من انتر لاكن او انت شوف الانسب !! لاني ماكد رحت لهالدول والشي الثاني ياليت تذكرلي المسافه بين كل دوله والثانيه ..لاتقولون لي قوقل لاني والله مااعرف اطلع فيه المسافات
آآلف شكر ولي عوده بإذن الله ياليت تتحملني ..
..

ان شاءالله ابشري ..
ولا اتقولين تتحملني احنا اهنا لخدمتكم فلا اتحاتون ان شاءالله
الحين بكتب المسافات ..
وخلصنا الخطوه الاولى الي هي تحديد المدن والأيام
دقايق وجاي ان شاءالله

باريس - جنيف المسافه 540 كيلو والمده بالسياره 6 ساعات
جنيف - انترلاكن المسافه 218 كيلو والمده ساعتين وثلث
انترلاكن - ميلانو المسافه 226 كيلو والمده 3 ساعات وربع تقريباً واذا اتخافون من المرتفعات اخذوا الخط الزراعي ..
واي خدمه احنا في الخدمه

الله يعططيك ألف ألف ألف عافيه آآخوي ..
بالنسبه لاستئجار السياره من مطار باريس وتسليمها في ميلان كم الضريبه لتسليمهافي دولة آخرى (شركة يورب كار )..
وحبيت استفسر عن القيادة في باريس بما انها مزدحمه هل يوجد فيها صعوبه مع انو سبق لنا تجربة القيادة في النمسا والمانيا ,,,

بعد اذن اخونا القطري عندي اقتراح وبما انك ترغبين الثلاث دول ابعطيكي اقتراح يمكن يعجبك وراح يكون خط سفرك باتجاه واحد ابدئي بفينيسيا الايطاليه الحالمه والرائعه والغريبه ومن عجائب المدن العالميه ويمكن الوصول اليها مباشرة عن طريق طيران الامارات واتوقع الخطوط القطرية توصل هناك تجلسين ليلتين وتنتقلين بعدها الى ميلان ساعتين ونصف بالقطار وتسكنين بمنطقة كومو على الحدود السويسرية وتستاجرون سياره من لوقانوا السويسرية تجلسون 3 -4ليالي بهذه المنطقه (كومو وميلان الايطالية - ولوقانو السويسرية ) تنطلقون بعدها الى انترلاكن ساعتين ونصف بالسياره ويمكن خلال الانتقال زياره قرية هايدي لانها على الطريق تقريبا اذا كنتم من عشاق هايدي او زيارة لوزيرن المهم ان السكن بيكون في انترلاكن 3 -4ليالي الانتقال الى جنيف ساعتين ونصف والسكن باحدى المناطق القريبه منها وزيارة ضواحيها ثم تسليم السياره بمحطة القطار والانتقال الى باريس 3 ساعات بالقطار والجلوس 2-3 ليالي والعوده من باريس الى ارض الوطن بهذا التخطيط يكون غطيتي الثلاث دول واخترتي افضل مدنها وعلى خط شبه مستقيم والسياره اجارها بيكون ارخص لانك راح تستلمينها وتسلمينها بنفس البلد ولو تدخلين على خرائط قوقل وتشوفين مسارك وتختارين ترتيب رحلتك بنفسك تحياتي