1. الفنآدق :


2. وهذي صور لحمام السباحة ..


3. انا افضل فودافون معى انو تقريبا هم نفس الشى ..

السلام عليكم ورحمه الله وبركاته
بالطبع هذه اول مشاركه لي في هذا الصرح العظيم .. وماداعني لكتابة هذا الموضوع الا لحبي الشديد .. لمدينة الحياة والمحبه وخفة الدم (( القاهره ))
سوف اكتب لكم تجربتي وبعض خبرتي اللتي قد تكون قليله او محدوده ولكن ساضع مااعرفه عن مصر وان يكن قد سبقني احد ..
اتركوني كي احدثكم ..
طبعآ اول ماتنزل لمطار القاهره .. فيه مطارين .. مطار جديد ومطار قديم ..
المطار الجديد تنزل عليه الرحلات اللي على خطوط السعوديه ..
اما اذا انت جاي عن طريق المصرية فراح تنزل بالمطار القديم (( وعلى فكره جددوه وصار حلو بالنسبه لقبل))
انا انصح المسافر (( السعودي)) انه مايتعب نفسه ويصرف دولارات .. عشان يصرفها جنيهات من مصر
ريح نفسك وجب معاك السعودي صدقني مافيه فرق (( واسأل مجرب ولا تسأل خبير )) ..
اول ماتخلص وتختم جوازك .. بتلاقين شركات تأجرلك سيارة معى سواق يوديك للفندق او الشقه او المكان اللي تبيه ..
طبعآ فيه سيارات فخمه راح تلاقيها .. اذكر خذنا مرسيدس ب 80 جنيه او اكثر والله ناسي ..
عموما واللي مايبي يطلع برى المطار وبلاقي امة لا الله الا الله من التكااسي وابشركم يتهاوشون عليكم
(( نصيحه اي تاكسي يقولك على سعر وحسيت انه غالي كااسره ماعليك . وراح يرضى بسعرك لانه هذا موسم بالنسبة له فاماراح يفرط فيك ))

الفنآدق :

1 فندق جراند حياة القاهره : يتميز بلوبي دائما زحمه (( هذا للناس اللي تحب الهيصه والزحمه وشوفة الناس )) ويوجد فيه مجمع تجاري .. وسينما , وايضا يوجد فيه مطعم ايطالي وهندي . جربوهم حتى لو ماسكنتو بالاوتيل تراهم خطيرين مرره .. ويتميز ايضآ انه يطل على النيل وقدامه تقريبا الفور سيزن .
كما في فتره الصيف وعيد الاضحى تكون فيه حفلات غنائيه لعدة فنانين من ابرزهم (( محمد عبده .. رابح صقر .. اريام .. الخ )) سعر التذكره لدخول الحفلة (( من 550 الى 1500 جنيه )) .. ايضآ هناك يخت يطلع يمشيكم على النيل وهو تبع الفندق ..
وهذي صوره الفندق من برى ..
وهذي صورة لبهو الفندق ..
وهذي صوره للمجمع التجاري داخل الفندق ..
وهذي صورة المسبح (( لان فيه ناس تهتم للشى هذا )) ..
وهذي صور للغرفه ..
وهذي صورة لو كنت ساكن بطابق علوي راح يكون هالمنظر قدامك ..
وهذي صور لليخت الي قلتلكم عنه ..
,,,,,,,,,,,,,,,,,
2 الفور سيزن:يتميز فندق بفخامته وهدوءه بس انا بصراحه مايعجبني .. عموما الناس اذواق
لاكن الفندق فخم جدا ويمكن الواحد يقدر يقضى فيه لو اهو جاي لشهر عسل او ترانزيت مثلا للقاهره ..
هذي صورة للسويت داخل الفندق ..

وهذا حمام السباحة ..

وهذي صورة للنادي الصحي ..
وهذي صورة ايضا للغرفه ..
,,,,
3 فندق سميرا ميس انتركوننتنال .. : يتميز هذاى الفندق برومانسيته .. يعني تنزل اللوبي وتجلس بحديقه الشاي وتسمع الموسيقى الهاديه وانت تشرب قهوتك اي مشروبك المفضل .. ويتميز انه يطل على نهر النيل
وقدام الفندق فيه ناس تأجر حناطير (( عربانه يدفها حصان )) يعني للي مشتهي ..
اللفه فيها بحدود ((( 20 جنيه الى 40 )) .. وايضآ توجد حفلات غنائيه لبعض الفنانين في هذا الفندق .
هذي صورة الفندق من برى ..
,,,,,,
4 فندق كونراد القاهرة .. : وبصراحه هذا الفندق يعجبني اكثر واحد (( زي ماقلت من قبل الناس اذواق ))
يتميز . انه يطل على النيل .. هدوء داخل الفندق .. الغرف حقته كبيره مره ..
طبعا غير غرف الاكزكتف اللي من جد الواحد ينهبل عليها ..
وهذي صوره للفندق من برى ..
وهذي صور للغرفه حقته ..
هذا المنظر اللي راح تطل عليه وانت في البلكونه ..

وهذي صور لحمام السباحة ..

5 فندق الماريوت .. بنواهذا الفندق العريق بمناسبة افتتاح قناة السويس بزخارفه الفخمه الي تعود الى العصر الخديوي كما يتميز بتصميم الفريد لانه كان قصر فيما قبل .. ويتميز بكثرة السياح الاجانب بسب تصميمه الفريد من نوعه .. ويتميز بلوبي مليان ناس .. وفيه حديقه الشاي .. تقدر تجلس فيه وتتفرج على رايح وعلى الي جاي ..
هذي الفنادق اللي لي خبرة فيها اكثر .. طبعا فيه فنادق اخر .. زي هليتون رمسيس وفيه مجمع تجاري وسيينما ومسرح ومطعم ماكدونالدز بالدور اللي فووق ...
وفيه جلسه اول ماتدهل الملحق التجاري للفندق ..
ايضا فندق شيراتون القاهره .. شيراتون الجزيره .. هلنان شبرد .. بيراميزا (( مقابل شيراتون القاهره))
.. ...
الحين بعد مارتحت ووصلت بالسلامه .. انا اقولك وين تروح
ميزة مصر انو كل وقت فيه طلعه
يعني انا بعطيكم الجدول المناسب للعوايل الحين .. اطلعوو من الظهر روحو هالمجمعات .. (( سيتي ستار .. اركيدا موول .. المحلق التجاري لهلتون رمسيس .. الملحق التجاري لجراند حياة .. ))
طفشتوو روحو للسينما مليان افلام مصريه لعادل امام .. محمد سعد .. هنيدي .. والخ
واذا جاءكم العشاء روحو بدلو ثيابكم وتعال معاي عشان تعزموني في (( فرايديز )) جراند كافيه .. هذا عباره عن جلسه على النيل في باخره واقفه ماتتحرك يتميز بكثر الخليجين فيه .. معى اغاني بسيطه وفيه عشى ممتاز بس فيه منمم شارج على الدخول للشخص الواحد عموما الظاهر 35 جنيه على الشخص الواحد يعني تقدر تطلب بالهمبلغ زاد تدفع زياده مازاد يعني قل راحت عليك فلووسك حتى لو ماتطلب . فعشان كذا انتو حللوهم .. وانتو يالشباب روحو عسلو فيه لاهل المعسل ..
طبعا بعد ماتملون من فرايديز .. انصح العوايل اللي طفشو من خان الخليل والحسين والمتحف المصري والسفينه الفرعونيه ..
يروحون لمطعم اسمه البيت بيتك في الجيزه ((اي تاكسي يعرفه وثاني شى او قريب من فرايديز على نفس الشارع يعني تقدون تمشون مشي ))
ويكفي راعيه سعودي .. يعني مافيه مضايقات من الشباب لان المكان بالاول للعوايل والشباب حاطينهم ورا .. صدقوني راح يعجبكم هالمكان كثير
وهنا ايضا سفينة السرايا في الزمالك (( هذي برضو واقفه )) .. ايضا على سفينه واقفه بنهر النيل . مفتوحه وانتو جالسين وينسم عليكم هوا النيل .. لحظات حلوه ..
وفيه بعد سفينه الباشا هذي ملاصقه سفينه السرايا .. يعني بحي الزمالك ونفس الشى يعني زورهم ..
وفيه مكان برضو اسمه فلفله في الهرم طبعها هذا في الظهر شغال .. (( نصيحه روحو له يالجمعه يالاحد ))
عشان تشوفون زحمه وناس وماتصيرون بلحالكم . معى ان مصر ماتخلى يعني ههه
الحين لهواة ركوب الخيل او اللي نفسه يجرب يركب خيل ..
يركب التاكسي ويقوله ودني الهرم في نزلة السمان .. فيه هناك اسطبلات على كيف كيفك ااجرلك خيل واطلع فيه عالصحرا طبعا انت تقدر تاخذ معاك مرافق مصري اذا انت ماتجيد ركوب الخيل كوويس
او بامكانك تسوي زي انا خواف مااركب
بس اجلس على الكرسي واشوف العالم اللي رايحه واللي جايه ...
ام ايه بالنسبة للجوالات .. في شركه موبينيل وفي شزكه فودافون
فتخ خط موبينيل : 012
فتح خط فودافون: 010

انا افضل فودافون معى انو تقريبا هم نفس الشى ..

طبعا لاتخافون فيه شرايح للسياح على 70 جنيه او اكثر شوي .. اذا ماخب ضني ..
بالنسبة للشباب اللي تبي تأجر سياره او العوايل نصيحه لاتأجر سياره الا بسواق .. واذا انت تبي تسوقها لاتأجر سياره الا من عند بدجت .. لان سيارته مأمنه .. اما الباقي خررطي .. يعني لاقدر الله صدمت يدفعك دم قلبك وجوازك ياخذه وسالفه .. يعني حبيت انصحكم لأن فيه شباب كثير تعرض لهلمشكله ...
هناك في مصر مدينه العاب . دريم لاند .. انصح العوايل بالذهاب اليها
ومدينه السندباد على طريق المطار (( قديمه هالملاهي ))
وفيه مدينه مائيه تدعي (( كريزي ووتر ))
ومدينه اكوا بارك ...
يتبع بآذنه تعآلى