السلام عليكم ورحمة الله وبركاته
حبيت أطمنكم رحنا السفارة يوم الاثنين الماضي وكانت الامور تمام وإليكم التفاصيل....
صحينا أنا وزوجي بدري وتقريبا وصلنا السفارة الساعه 6:50 صباحا
المهم وقفنا في الطابور والحمد لله عشان وصلنا بدري كان تقريبا 10 أشخاص قدامنا
وجا دورنا وأخذت الموظفه الي عند الباب أوراقنا أتأملتها بس وقالت لي بالعربي باسمي كيف هالك ....
يعني كيف حالك يعني بصراحه كانت في غاية الاحترام والذوق وتعلق على صور بناتي وسألت زوجي هل انت عضو في اي منظمه طبعا قالها لأ يعني السؤال ماله داعي بالمرة في أحد بيعترف انه عضو بس يالله مشي
بعد كذا رحنا عند الكاونتر الي ياخذ جوالاتنا المهم أخذوها والشنط باقية معاناو داخلنا من الباب وفتشونا زي تفتيش المطار بالضبط بس انا مستغربة ماأخذوا الشنط مننا ؟؟؟
بعد كذا دخلنا للساحه الكبيرة وتوجهنا للباب الرئيسي رحنا للغرفة وأخذنا رقم ورحنا للكاونتر عشان يشوفوا أوراقنا كاملة وكانت الموظفة لبنانية وكانت غاية في الجفاصة أعطيناها أوراقنا وفي ورقة زوجي خانة يكتب فيها أسماء أخوانوا هو كتب الأشقاء فقط وهي بتتصفح أوراقوا قالت لزوجي روح أسحب رقم للمقابلة ولما راح زوجي سألتني قالت لي زوجك عندوا أخوان غير المكتوبين قلت لها ايوا من الاب قالت بسرعه اكتبي انا ماعندي وقت وجا زوجي في هذه اللحظه قال ايش فيه قلنا لو السالفة قال اوكي بكمل الناقص راح بيسألها سؤال ثاني ماجاوبته وقالت لو اكتب بسرعه وماتكتر حكي وطول الوقت وهي تصارخ وتتنفخ
المهم افتكينا منها وانتظرنا في صالة الانتظار وجا دورنا في المقابلة وكانت حرمه خواجية جلست تتكلم وتسأل زوجي اسئلة عادية تبغى تتأكد من المعلومات الي كاتبها في الابليكشن وكانت تمازحنا بالكلام يعني كانت طيبة وذوق (((لاحظوا الفرق بين معاملة الاثنين الأجانب وبين معاملة العربية)))
المهم قالت تبغى تكلمني قلت اوكي حأتنازل وأكلمك ههه لاتصدقوا عاد بس جات وحده سعودية ترجمتلي سألتني واحد سؤال ::ناوية تدرسي في امريكا؟؟ قلت لها احتمال انجليزي قالت لي دراستك حتكون لساعات معدودة عشان ماعندك فيزة طالب ولو تبغي تحولي فيزتك هناك يساعدوك قلت لها اوكي وانتهى
بس جوابي ماكان له داعي يعني لو قلت لأ ماابغى أدرس كان قصرت المسافة بس بلاهه مني مشي حالكم بس كويس عدا الموضوع على خير وأعطتنا الورقة الصفرا وقالت الفيزا بتطلع خلال اسبوعين أو أقل وقالت لنا انه حيكون في مهرجان في الولاية الي حنروهاوتتمنى اننا ننبسط ومرينا على كونتر فديكس دفعنا وأخذنا الإيصال الوقت الي قضيناه في السفارة ساعه وربع بالضبط دخلنا سبعه وربع وخرجنا ثمانية ونصف ونحن في انتظار الفيزا انشالله
وآآآآآآآآآآسفة على الاطاله ودعواتكم...