السفر بالسيارة رائع ومتعة والله الله بالهداوة
انصحك بالطرق تقف عند الانفرميشن وتاخذ منهم بروشورات
كم المده
ادخل على مواضيع الي كتب يها الاخوة تفيدك كثير
رحلة موفقة ولاتنسى الصور وعدة الشاهي

اتوقع الرود تريبز حلاتها في الصيف و الربيع عشان تقدر تستمتع بالمناظر الطبيعيه و كذلك بالنسبه للوقت يعني في الصيف يكون النهار اطول و تحس بالامان و انت تسوق مسافات ... بس في الشتاء أغلب وقتكم بيكون ليل و انتو تسوقون .. و بعدين كم يوم راصدين للرحله ؟ من تكساس الى نيو مكسيكو مو مشكله بس لين نيويورك تتوقع كم يوم يبيلكم ؟ و قدهم للرجعه ! و اذا بتتوقفون في كل مدينة لو تخلي الرحله من تكساس لنيومكسيكو بالسياره و نيويورك بالطياره وايد اريح و اختصار للوقت ... مجرد وجهة نظر

شكرا اخوي Kmsd ما قصرت, انا مو مقصر في مواضيع الاخوان و الاخوات , و ما شاء الله , في تقرير ترد الروح , روعة, بدون اسماء علشان محد يحط في خاطرة,
و اكيد , الف شكر حق الاخت بنت الصقور , مو قصرة صراحة , شكرا على وجة النظر " الي احترمها" بس في تبديل كلش قوي في الخطة, اول شي , احنا 5 شباب , 4 منا يسوقون و واحد لا , يعني ما عندنا مشكلة بالسياقة و الحمد لله, الايام الي عندنا حق السفر , 14 يوم
و الروت حق الرحلة بيكون جذي
1.من تكساس الى نيو مكسكو
2. سان دايجو, كاليفورنيا
3.لو انجليس, كاليفورنيا
4. سان فرانسيسكو, كاليفورنيا
5. بورتلند, اوريجن
6. سياتل, واشنطن
7.سولت ليك ستي, يوتا
8.لاس فيجاس, نيفادا " "سن ستي" احلا عندي
9. جاردن كانيون, اريزونا
0-Home sweet home
الي اشوي احاتية اهو الجو في الشتاء, يا ريت احد يفيدني بها الخصوص, و لو انت محلي , شنو تقترح اتضيف او تحذف من هاذي المدن ,
ترى احنا جزء من و ناستنا , السفر يالسيارة و المشكلة انة ما نقدر نخلي هاي الرحلة للصيف كون بعض من الشباب بخلصون و يردون الى بلادهم ان شاء الله!!!
اي تعليق او تعليق راح يكون محل تقدير
و الف شكرا لج بنت صقور , و يا ريت تعطيني رايج,
تحياتي,

مخطط حلو بس يبيله تعديل و الهدف منه انكم تستمتعون بالمكان اللي تمرون عليه ... ولا تنسى المسافه بعيده و انت وقتك محدد 14 يوم فقط ... و بصراحه الأماكن اللي اخترتوها حلوه و تستاهل انك تقعد فيها يومين مو مجرد مرور و خلاص ... عشان جذيه اقترح عليك المخطط التالي:
1- نيو مكسيكو
2- سان ديجو
3- لوس انجلوس
4- لاس فيجاس في نيفادا اللي فيها جراند كانيون
بورتلاند و سان فرنسيسكو و سياتل ... حلوين بس الجو ما يساعد هالوقت من السنه و راح تتوهقون في اماكن التمشيه و البرد ...
المدن اللي فوق كبيره وايد ما تقدر تمر عليهم بس جذيه ... يبيلك في كل مكان يومين و باقي الأيام احتياطي في حالة عجبكم مكان و حبيتوا تبيتون فيه keep it flexible ..

عندك اختنا بنت الصقور لاتعداها رايها صائب
اهم شئ ماتروح عليكم الرحلة سواقة

First of all , Many Thanks sent your way for taking the time to answer my Questions and reply to me, i do take your opinion in to consideration because i trust ur mind. i will try to change the route, and as you said , we will make it flexible, and yes we are :)
One more thing , have you ever been to the Renaissance Festival !!! If not, you should i guess!!!
Thanks Bint Alsqoor and kmsd , don't worry , to me driving is part of the fun we shall have inshalah,
i am so used to driving , but first time in the US.
everyone, have a great day