هلا ريري ..
انا درست pre MBA في سان ديقو. المدينه حلوه و جوها ممتاز. والمعهد الي درست فيه بصراحه كان كويس و استفدت منهم وبنفس الوقت الي يميز سان ديقو ان معهد كابلن له فرع فيها. وتقدرين تاخذين دوره تاهيليه لاختبار الجيمات.
المعهد :
http://www.americanlanguage.org/
و كابلن:
http://www.kaptest.com/GMAT/Learn-and-Discuss/Everything-GMAT/index.html
اتمنى لك التوفيق..

ثانكس والله ماقصرت
اتمنى كل الي يعرف شئ يقولي بليز ابي اعرف اكثر واكثر معاهد بليز

fms
هلا Fms
استفسار بسيط
انت قلت انك درست pre MBA
هل هذه مختلفة عن ال MBA ؟؟
( كلمة Pre لخمتني )
وانا اخبر ان هذه البرامج تدرس عادة في الجامعات فكيف انت درستها في معهد ؟
مشكور

حبيب اشواق
ايه بعض المعاهد الانجليزيه تسوي برنامج خاص للطلاب الاجانب يأهلونه لاختبار الخاص في جامعات البزنس. لان احد متطلبات اكثر كليات وجامعات البزنس انهم يطلبون GMAT
المعهد الي درست فيه كان يدرسني كيف اجيب درجه عاليه في الاختبار وبنفس الوقت ياخذون بعين الاعتبار اننا طلاب اجانب و يكون فيه مساعده من ناحيه اللغه.
واسم البرنامج Pre MBA وهذا يختلف عن برنامج MBA الي يدرس في كليات و اقسام البزنس.
مثل ما تقول اسم تسويقي فقط ما تاخذ عليه درجه اكاديميه.

fms
اها
الله يعطيك العافية معلومة جيدة
طيب انت حاط رابط لمعهد كابلن وانا يوم دخلت عليه ودخلت على رابط معهد امريكان لانجوج لقيت انهم يعطون تجهيز لاختبار gmat ايضا
يعني لو بدرس هل يكفي ادرس بمعهد امريكان لانجوج والا انت وش سويت ؟
مشكور

افضل شي تبدا في امريكان لانجوج ALI ميزته انه يوميا محاضرات و مع الوقت تعرف فكرت الاختبار. و يعطونك اساسيات و في متابعه. ولمن تشوف انك فهمت للاختبار تقدر تدرس عند كابلن.
نظام كابلن دراسه ذاتيه يعطونك يوزر نيم وباسورد وتدخل على موقع حسابك عندهم و يكون في تمارين و اساله و تبدا انت تحل وبعد كل تمرين او فصل يعطيك نتيجتك ويقولك وش غلطت فيه و يعلمك الحل الصحيح. وبنفس الوقت يعتمد على الدوره الي تسجل فيها مرات يكون كل اسبوع مره تقابل "مع الطلاب الي مسجلين" مدرس يعطيك جزيئه وحده من الاختبار بشكل سريع يمكن 3 ساعات. وانت تروح البيت و تراجع الي قاله و تحل تمارين الي شرحه.
في نقطه مهمه كابلن عندهم نوعين من دورات جيمات. وحده العاديه يكون فيها امريكان والثاني iGmat انترناشونال جيمات ويكون فيها طلاب اجانب. الاولى ما تقدر تاخذها لحالها لان ما راح يعطونك I 20 الثانيه يعطونك I 20 ويكون في تركيز شوي على الاجزاء الي فيها انجليزي.
الي انا سويت.. انا درست في ALI ولمن خلصت الترم الاول اخذت ترم ثاني عندهم وبنفس الوقت سجلت في دورة الجيمات كابلن العاديه مع الامريكان وعلشان كذا ما كنت محتاج I 20 لان عندي حق المعهد ALI.
وفي اخوياي درسوا في ALI ترمين و بعدين اخذوا دوره كابلن الانترنشونال و اعطوهم كابلن I 20 ولكن بحكم ان الدراسه ذاتيه لازم يرحون مركز كابلن و يدروس في كمبيوترات المركز عدد ساعات معينه خلال الاسبوع.
اتمنى شرحي كان واضح لو في اي استفسار ياليت تسال.

fms
ياحبيلك يا fms
دايم تخجلنا
بتعبك شوي بس انا دايم اقرا واشوفكم تتكلمون عن I 20 وللحين مدري وشو
ممكن اعرف وشو لان فيزتي سياحية طبعا وهل يصلح اني ادرس بالمعاهد اللي ذكرتها بالفيزة هذه ؟
والا وش القصة ؟
كلك ذوق

ال i-20
هو بمعنى قبول الجامعة لك
ولا زم يرسلولك اياه علشان تطلع الفيزا الدراسية !!
للاسف ما تقدر تدرس في امريكا بفيزة سائح الا في المعاهد للغة وتكون اقل من 3 اشهر ولازم تسئل المعهد قبل ما تروح لان اغلب المعاهد ما تقبل
بالتوفيق

حبيب اشواق
تسلم .. اسمي فهد ازين من fms ..
هذا تقدر تقول هو اقامه الطالب في امريكا. انا كطالب في امريكا لازم يكون عندي I 20 علشان اكون جالس في امريكا اقامه صحيحه. و الميزه الحلوه في امريكا مدام معك I 20 ما انتهى صلاحيته اقدر اجلس حتى لو الفيزا الدراسيه انتهت. الفيزا الدراسيه فكرتها انك تدخل امريكا فقط. تقدر تدخل امريكا لو باقي يوم واحد في الفيزا الدراسيه طبعا لازم يكون معك I 20.
و I 20 يرسلونه لك المعهد او الجامعه الي بتدرس فيها بالاضافه الى خطاب القبول بعد ما يتم قبولك عندهم. و تحتاجهم مثل ما قال امباك في التقديم على فيزا طالب ولمن تدخل امريكا كل مره كطالب لازم يكون معك توريه موظف الجوازات.
عاد في تفاصيل ثانية الجامعه او المعهد بيشرحها لك ..
الله يوفقك بدراستك ..