وعليكم السلام ورحمة الله وبركاته
هلا وغلا الغالي
الأجراءات هي كالتالي :
لازم اتكون الفواتير معك وبعدها تتوجه إلى مكتب خدمة العملاء إذا كنت شاري من مجمع كبير مثل هارودز او السليفرج او ... ومكتب خدمة العملاء راح ايسوي لك التاكس أو ال في أ تي ..
ملاحظه ( إذا كنت امطول في لندن فحاول اتجمع كل الفواتير وقبل السفر بيوم روح على مكتب خدمة العملاء وقولهم ايسوون لك التاكس وهذي الملاحظه خاصه للمجمعات الكبيره فقط )

• _

وإذا كنت شاري من محل عادي فقولهم ايسوون لك التاكس وأنت واقف عندهم ..
ولما اتروح المطار لازم اتخلي كل المشتريات في شنطه وحده وقبل ماتسوي البوردينق مال الطياره راح اتلاقي في المطار محلات اسمها Tax Free روح لهم وعطهم التاكس او ال في ا تي ويمكن يطلبون منك اترويهم المشتريات ..
وبعدها راح ايردون لك فلوس الضريبه ..
وتيته تيته خلصت الحتيته ..
واي سؤال احنا تحت امرك الغالي ..

نسيت اقولك الغالي ..
إذا الفواتير مش عندك فراحت عليك للأسف

القطري
حبيت اضيف على كلام القطري
بالنسبة لنا سوينا الtax free ثلاث مرات و ولا مرة طلبوا ان نوريهم البضائع !!
بس طبعا لازم يكونون معاك "احتياط" لان اذا ما شافوا معاك جناط اكيد راح يسألونك عن البضائع و هالضي صار مع واحد من اهلنا ما اخذ الجناط معاه و سألوه

ياشباب أنا لي سنه وفيه بضاعه مستهلكه يعني كيف أوريهم هيه وفي بعض الأغراض استخدمت وصارت مكس مع أغراضنا الثانيه يعني أذا جينا نسافر لازم نفرزها ولا أيش بعدين وشهي خدمة العملاء هذي هل هيه تابعه للجمارك او للمحلات التجاريه وتكون داخل المتجر
لو جمعت فواتيري بس ورحت لهم من غير بضاعه أو معي شنطي فيها عباس على دباس تهقون يرجعون لي فلوسي.
أنا طالب هل الطالب تشمله الشغله ذي أم هيه لسواح بس يعين اللي فيزهم سياحيه
الله يخفطكم أحوي القطري واخوي الكويتي دائمآ ساباقين للخير
واليوم أنا بالليك دستريك ياهي جنان
ودي والله اشارك المنتدى رحلتي بس تحميل الصور بالمنتدى مجنني وماعرفتله أحمل الصوره ومدري وين تروح بس أذا تعلمت بشارك المنتدى رحلتي لليك دسترك

انا على حد علمي ان البضاعة لازم ما يكون طايف عليها 3 اشهر من تاريخ الشراء ؟؟
اذا في احد عنده معلومة اكيدة ياريت يضيفها

ما سألونا عن المشتريات
وما كان معاي الفواتير
بس طلبت من المحل اللي اشتريت منه يعطوني تاكس فري
وبالمطار تروح للتاكس فري يخلونك تكتب اسمك ورقم جوازك وبعض الاوراق تكتب فيها رقم رحلتك
ويعطونك الفلوس

انا على حد علمي كنت في كندا واعتقد النظام ذا مطبق في اغلب الدول.
لازم الفاتورة تكون معك طبعا اعتقد ان الفواتير تكون للشياء مدري وش اسميها مثل الملابس ولا تكون للاستهلاكية يعني مثلا المطتعم غير شاملة التاكس. ولازم انك تكون مقيم هناك ثلاثة اشهر فاقل عدا ذلك يعتبرونك زي المواطن وما يرجعولك التاكس.

مشكورين على المرور والتفاعل ولا عدمنا طلتكم الحلوه وشكلي بكمل على وضعي القديم استلم الفاتوره من هنا وعلى أقرب درام وأنتم بكرامه ويعوضنا الكريم
الله يجزاكم خير جميع