Gold17
tax free
مايشمل الفنادق ولا الاكل ولا ملابس الاطفال
اما المستلزمات الباجيه محسوبه من ملابس و آلات واثاث
نصيحه تروحون مبجر مطار gatwick لان اللي سوي tax free بس واحد وزحمه عنده يفتحون 6:30 انصحكم تروحون مبجر يعني خلكم اهناك 6 وان شاء الله يمديكم
موفقين خير ان شاء الله

السلام عليكم
هلا وغلا الغالي ..
التاكس فري مثل ماقالت خبيرتنا q8ya metnaqla
هذي الخطوات بالتفصيل :
1- جمع كل الفواتير ألي عندك وودها مره وحده للمحل إذا كنت شاري منه اكثر من مره أفضل وأختمها من المحل ويفضل أيكون معاك الجواز لأن بعض المحلات يطلبونه عشان أيتأكدون من البيانات ..وإذا كنت شاري أغراض من محل معين وأنت متأكد أنك ماراح ترجع له اطلب منه التاكس فري ..وفي الغالب أكثر المجمعات حاطين مكاتب customer service واتلاقيهم هم الي ايسوون لك التاكس فري ..ودايماً مكاتب ما في أخر طابق في المجمع أو في المكاتب ألي تحت الأرض نفس هارودز
2- الأغراض الي خذيتها وعطوك عليها تاكس فري حاول أتحطها في شنطه بروحها لأن المطار احياناً اوغالباً يطلبون أيشوفونها ..
3- إذا وصلتوا المطار وقبل ماأتسوون حجوزات الطيران بتلاقون محل مكتوب عليه tax free روح عنده وأستردوا المبالغ الي لكم وطبعاً راح يطلبون أوراق التاكس فري وإذا أطلبوا أيشوفون الأغراض فأهنا أنتوا أتكونون مستعدين وأتروونهم الشطه الي فيها الأغراض ..
4- تاخذون الفلوس وتشترون فيها هدايا من داخل المطار

في كل 100 باوند _ 9 باوند تاكس فري تقريبا

موادع1
شيخنا
السلام عليكم
كيف الحال ان شاءالله بخير
الحمدالله الي عندك وقت اتكون معنا ..البانشي والرابتر اخذتك عنا :8888:
بالنسبه للتاكس فري اذكر العام خلوها 15% !
بمعنى كل 100 باوند ايردون 15 باوند ..

بسم الله الرحمن الرحيم
كويتية متنقلة
شكراً على التوضيح , حتى لو كنا حاجزين على First class ? يعني لازم نروح امبجر حتى لو كنا حاجزين فيرست ؟
القطري :
شكراً على التوضيح والنصائح المهمة , وللعلم سمعت انا انه التاكس نزل من 15% إلى 10% والله اعلم
موادع1 :
شكراً على التوضيح

بسم الله الرحمن الرحيم
ممكن احد يرد على استفساري ؟

Gold17
العفو ،، اي حتى لو كنتوا first class لان مثل ماقلت في gatwick بس موظف واحد وزحمه مسافرين يعني احسن خلكم مبجر اهناك..
واي استفسار بالخدمة
وترجعون بالسلامه

بسم الله الرحمن الرحيم
كويتية متنقلة :
مشكورة على المساعدة , جزاج الله خير
وان شاء الله الفندق يخلونا انسوي جيك اوت قبل الساعة 6 لانه القانون عندهم الجيك اوت الساعة 7
الله يسلمج ان شاء الله

بخصوص النسبة فعند السوال من قبل المحل يقولو لك ان النسبة 15% بس في الحقيقة انها بحدود 8 %والسبب يعود ان الحكومة هناك تاخذ ما نسبتة 7%
واظافة للملاحظات التي ذكرت في الاعلى فان كل فاتورة محل في ظرف واي ظرف يتم اخذ مبلغ عليه من قبل موظفي التاكس فري مبلغ 2.5 باوند يعني انهم يحاولون يستغلون الواحد باي طريقة
لذلك نصيحة اي محل تشترون منه ويطلع مبلغ التاكس اقل او يساوي 2.5 باوند لاتقدمونه لمكتب التاكس
تحياتي