السويس هاف فير و قيمته 99 فرنك سويسري(مجانا للأطفال حتى سن 16 ) يمنحك خصم قيمته 50% على جميع أنواع المواصلات في سويسرا - القطارات الباخرات التلفريك بالإضافة إلى خصم على العديد من الأماكن السياحية يعني إذا معاك سيارة يفيدك
لكن باقي انواع السويس تسمح لك باستخدام جميع أنواع المواصلات مقابل مبلغ مدفوع مسبقا(يعتمد على عدد الأيام و الدرجة)
ممكن يفيدك موضوع أبو عزيز عن السويس باس
تحيلتي

شكراً لج أختي
ماقصرتي والله

باختصار
السويس هاف فير اذا معك سياره افضلك لانه يقدم خصومات للمناطق السياحيه ووسائل المواصلات الي ممكن تحتاجينها كالبواخر والقطارات الجبليه
والسويس باس اذا بتتنقلين بواسطه وسائل المواصلات العامه .. ويقدم لك دخول مجاني لعدد كبير من الاماكن السياحيه وخصم يصل الى 50%
على مناطق اخرى

أنا ماراح أستخدم سيارة ..
راح أنتقل من جنيف إلي مونترو بالقطار .. ومن مونترو إلى انترلاكن بالقطار ..
يعني أتوكل على الله وآخذ السويس باس .. ؟؟

اذا راح تعتمدين على القطارات اكيد سويس باس من دون تردد
وبالتحديد سويس سافير باس اذا انت وزوجك واطفالك يعطونك كرت مجانا فاميلي كارد

مثل ما قلت أم لمى خذي السويس باس من دون تفكير لكن نوع السويس باس يعتمد على عددكم و أعماركم و المدة اللي راح تجلسونها في سويسرا

لوي فيتون .. مشكورة حبيبتي .. ي ع طيج العافيه
OM LAMA .. ثانكيو .. ماقصرتي
بس للعلم ترى انا عمري 14 سنه ههه بروح مع امي وابوي واخواني (وأنا إلي مخططه ومتعبه نفسي وأدور فنادق وأدش مواقع وأسأل .. دايما يعتمدون عليي .. وأنا معطتهم ويه ) .. يعني ماعندي زوج ولا عندي أطفال ههه
Choclate .. شكراً لج مره ثانيه

ألحين بقى سؤال أخير ..
من وين أطلع السويس باس ؟