ما عندي معلومات عن ميتز الا قراءه
متي ناوي علشان نقول لك كم
فيه كل مكان ياصل وسيله تنقل
زين تبي قناوت مائيه روح بروج في بلجيكا

كيف متى ناوي؟؟
قصدك يعني متى ؟؟
بعد 9 ايام
بروج بعييده !!
ميتز قريبه مررة
بعد الرياض عن بريدة
و اقرب بعد

قول بعد بريده عن الرياض أحسن خ
تحس ان بريده كبيره وعظيمه
عنيزه ما نبيعها بالزهيدي
المهم
9 ايام لازم نحسب يا انت زول ولا انا زول
يوم 13 -4
من باريس الي ستراسبورغ ألمده تقريبا ساعتين وثلث المبلغ حول 75 يورو لانه سبت
من باريس الي ميتز المده تقريبا ساعه و25 دقيقه تقريبا للرحله الدايركت قيمتها 54 يورو ولانها سبت اتصور فيه موقع اخر اقل
انا جربت من هالموقع
http://www.raileurope-gcc.com/?cmpid=PS020401&gclid=CLfP05jdm68CFYe-zAod0gsLaw
هذا الاخر
http://www.tgv-europe.com/en/train-ticket?hid=10OD

ههه يابوي كلكم واحد لبى قلوبكم عسل × عسل يالله ان لاتخلينا من القصمان
خ بالنسبة للتاريخ لا حاسب له بس مافهمت انك تبي التاريخ مش عدد الايام الباقية عليها : )
الحين 75 يورو ذهاب وعودة ولا بس ذهاب؟
حاطين في الموقع " adult " " senior ' إلخ ..
75يورو لاي عمر؟؟
وايش تنصحنا ستراسبورغ ولا ميتز

السعر للرحله الواحده تدري ستراسبورغ بعض الايام تاخذها روحه ورجعه باقل من 75
السعر للي اكبر من 26
شوف ممكن مشرفنا يحدد لك ولا يختار غيرها ( خابر وحده براس مشرفنا يشيد بزيارتها )

طيب ليش احيانا تغلى واحيانا ترخص؟؟
مشرفكم وش اسمه جعل والديه الجنة يارب
ولاهنت يابعدي

طيب لنفترض اني مابي ميتز ..
ابي ستراسبورق ,, ممكن تقولي الاماكن السياحية فيها؟
وهل استطيع الذهاب الى الغابات السوداء منها ؟؟ثم ارجع لها واكمل مسيرتي في ستراسبورغ في نفس اليوم ارجع باريس الساعة 8 او 9
وهل يوجد في الغابات السوداء " زحليقة صيفية؟

تبي تروح بنفس اليوم الي الغابات صعبه مشكله ترتبط باوقات قطار
ستراسبورغ البلده هي اللي فيها
مشرفنا اسمه باريس وبس
قريت تقاري رستراسبورغ او لا

ايه لان نهارهم طويل زي منت عارف .. 14 ساعة وزيادة .. وانا ابي استفيد فاهم كيف يالغالي
يعني شوف .. ستراسبورغ اشهر اللي اعرفه فيها " بتيت فخونس " petite france والكااتدرائية والشوارع اللي حولها .. واذا فيه امكانية اي مطعم او مجمع ..
لنفترض رحنا لمحطة باريس 8 ووصلنا 10 ونص .. وصلنا لبتيت فخونس وقعدنا فيها 3 ساعات صار الوقت 2 الظهر .. بعدها الكاتدرائية ساعتين .. وصارت الساعة 4 وطلعنا من الكاتدرائية الشهيرة الموجودة فيها باقي 3 ساعات ونص على الغروب .. حلو نروح فيها الغابات بما ان الرحلة الى الغابات السوداء من ستراسبورغ 20 دقيقة بالقطار زي ماسمعت .. ونرجع على طول لباريس مانمر ستراسبورغ ..
او نخلي الغابات باول الجدول فيصبح الجدول : باريس الى الغابات السوداء "مادري اي مدينة بالضبط اللي فيها الغابات السوداء " ثم الى ستراسبورغ - بتيت فخونس - الكاتدرائية والرجوع الى باريس 8 والوصول راح يكون 10
وش رايك؟