حياك الله يا abdull ...
أولا تمنياتي لك بالشفاء العاجل وأسال الله لك الطمأنينة والراحة
ثانيا يقدم المنتدى خدمة جديدة للي يبي يسافرون لحالهم وهي :
ممكن نرسل معك مرافق - على حسابك - يونسك ويرافقك ويوسع صدرك
وأنا أرشح مبدئيا - ya-mas -
بالنسبة للسفر وحيدا فالأمر يعود لك ،، هل تحب السفر وحدك ؟؟؟
تمنياتي لك برحلة موفقة وسعيدة . والله يبشرك بالخير مقدماً

1. يعني بصير مريض وحمّالي ومفكك هوشات ومدمن أرق ؟


2. انا اصلا متوهق في نفسي اذا جيت اركب الطيارة

ابوريان
أهلا أهلا
خوش عرض وخوش خدمات بالمنتدى , يعني المرافق بيكون على حسابي ؟ يعني ماكو قطّه ؟
انا متعود على القطّة
وصاحبنا ما اعرفه اخاف يطلع اكبر مني بالسن واستحي منه واقعد اشيل جناطه بعد يعني تصير سفرتي موت وخراب ديار
مريض وحمّالي ؟؟؟؟؟؟
وإذا طلع من النوع العصبي اللي يمشي ويتهاوش مع العالم وأقعد انا افكك بينه وبين الناس ؟؟؟؟
يعني بصير مريض وحمّالي ومفكك هوشات ؟؟؟
واذا طلع من النوع اللي يشاخر وانا نومي خفيف جدا ؟؟؟

يعني بصير مريض وحمّالي ومفكك هوشات ومدمن أرق ؟

انا اصلا متوهق في نفسي اذا جيت اركب الطيارة

ما اقعد بالطيارة الا بعد ما يكلبشوني بالكرسي ويجيبون مطوع يقرا علي نص ساعة واذا طارت الطيارة اكون على اعصابي واقعد طول الرحلة اجر شنبي من العصبية وما توصل الطيارة الا صاير مثل شنب هتلر من كثر ما نتفته .
أكره شيء في الحياة هو إقلاع الطائرة , اذا ارتفعت اطاراتها القدامية احس ان ذيلها بيحك بالأرض فأقوم من الكرسي عشان اخفف من حمل الطائرة
احلى شيء في الحياة ملامسة إطارات الطيارة للأرض عند الهبوط أقعد أصفق واصفّر واصارخ: بالروح بالدم نفديك يالطيّار .
لو اقعد الحين اسولف عن الطيارة ترى بهوّن من السفر والعلاج وبروح ادور لي عجوز تعالجني بالخروع والكوي .
طول الفترة اللي طافت اقص على نفسي واقول بروح المانيا بالقطار مع انه ماكو قطارات عندنا بس عشان ما افكر بالطيارة و أهوّن .
لا احب السفر وحدي أبدا , احب السفر الجماعي , اشعر بأن كل مدينة لم أزرها من قبل مدينة معادية تتربص بي كي تقتلني
مجبر أخاك لا بطل
شكرا جزيلا على دعواتك الطيبة وبلغ تحيتي وودي لصاحبنا المرافق الذي أتمنى أن يتسع قلبه لكلماتي السابقة

السلام عليكم
مساك الله بالنور اخوي عبدول
حياك الله اخوي واللي بيحفلني برحلته وان شاءالله كل هالأمور اللي قلتلها موب مني صدقني بتستانس كثير بس انا برضه عندي مشاكل لاني ما أحب :
1- الرفيق البارد !!!!
2- الرفيق المعاند !!!!
3- الرفيق المتباهي !!!!
وسلامتك ..... هاه تنفع المواصفات ولا مافيه شي حلو ...
أخوي اتمنى ان جميع الفحوصات تطلع سليمه يارب واذا بتروح لألمانيا بعد شهر إن شاءالله نلتقي هناك ... وماراح تلاقي إلا اللي بيسرك ويسعدك يالطيب
تمنياتي لك بالتوفيق

تروح وترجع بالسلامه وطهور انشا الله

abdull
نفس الشعور ههه
اشوا احسب بس ان بروحي اللي تخاف
تروح وترجع بالسلامة
وأجر وعافية

اخوي abdull اتمنى لك الصحه والعافيه وان شاء الله تكون كل النتائج سليمه...
بالنسبه لرحلتك للنمسا لابد من تغيير الجو حتى لو كنت لوحدك ،واذا لقيت احد يرافقك تمام