أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
انا ممااعرفه عنها الكثير كل اللي اعرفه حق يومين ويك اند
طبعا هالكلام بعد 11 سمبتمبر باسبوع طلعنا من هيوستن لسان انطونيو
كان فيها نهر والعالم حوله منظر رهيب نهر والمطاعم حوله والناس زي المسعى هذا كان اليوم الاول وتعشينا وكمبنا سهرتنا بالمسعى
اليوم الثاني رحنا للوتر وورلد طبعا يمكن سمعت فيها ثاني اكبر مدينه مائية الحين اتوقع انواع الفله لاني اذكر يوم نورح كان الجو بارد واكثر الالعاب مقفله والدلفين مزكوم وخايفين عقب 11 سبتنمبر من كل شي بس الصدق انبسطنا
خلصنا من الووتر ورلد رجعنا للفندق غيرنا لانه لو تمر من جنبها جاك الماء ورحنا للمسعى او النهر تعشيا وقعدا منظر لا يمكن انساة
اليوم الاخير تغدينا في مطعم في برج مشهور هناك عطونا رز بالعسل ايقالي مسوي فنان اعرف اطلب بس المطعم غالي بس خيالي تقل يدور ونتفرج على سان انطونيو كلها خلصنا ورجعنا لهيوستن
الاخ الكريم .. تكلمو الشباب كثيرا عنها ... لو تاخذ جوله او تعمل بحث ... تجد العناويين بذلك
طبعا هى مدينه يوجد بها قواعد عسكريه واهمها لاكلند الجويه .. ويتم تعلم اللغه الانكليزيه بها
احنا اول ما جينا لهالمدينه كنا مثلك ما ندري وش السالفه ولا نسأل مين لانها مب مشهوره مره الا للعسكرين والظباط مثل ما قال اخونا لانهم يجون هنا يتعلمون انجليزي مثل ما قال لكن انا بعطيك نبذه مختصرة عنها بحكم انى لسوء حظي فيها هي مدينه كبيره تعتبر من اكبر مدن ولاية تكساس وشعبها مختلط وفيه نسبة كبيرة من المكسيكان يعنى اقرب مالك تحس انك في المكسيك مو في امريكا ابد وكل الاكل اللي فيها مكسيكي بحكم سكانها وفيها اماكن حلوه مثل ماقالك في الداون تاون عندك الرفير ووك وتراه صادق هذا احلا شي عندهم ماخذينه كنه المسعى يروحون ويجون عليه مساكين river walk وهو نهر عنهم طبعا صناعي لكن حلو يوجد على ضفافه على قولهم مجموعه مختلفه من المطاعم ترضى جميع الاذواق وفيه في الكورنر مول اسمه الظاهرrivermall وعندك اسواق كثيره (كل احد واهتماماته جابتله اسماء الاسواق:106 1)north star mall 2) ingram mall وهذا سوق مملوح ووسيع صدر وكل شي فيه 3) outlet mall ويوجد فيه محلات لاسماء شركات عالميه عندك اماكن التمشي كثيره للي يحب الطبيعه: فيها شلالات وفيها انهار وكل شي عاد ما ودى اكتب كل شي وانا ما ادري انت وش اللي تبي تعرفه عن المدينه هل طبيعة اهلها والا طبيعة ارضها المهم هي فيها كل شي اسواق مستشفيات مطا ااعم كثر التراب الواحد من كثر مطاعم هالديره يشبع قبل لا ياكل من كثر المطاعم
ولازم طبعا تروح لل sea world
حلوه مره والعابها تجنن والمويه خطيره والالعاب وكل شي وابشرك خف الدلفين من الزكام وبدا يستعرض من جديد واذا عندك اطفال راح ينبسطون فيه مره بنتى تدوخ عليه:> ولا تحط في بالك انك بتشوفها مثل التلفزيون امريكا لانك بتنصدم وخاصه اذا كانت هذي اول مره لك فى امريكا فا انت طحت بشي الله بالخير ولا تنصدم من اسلاك الكهرب اللي بالشوارع فوق راسك كنك في مدينة نائيه والغربان اللي بتوقف لك على وقت الغروب فوق الاسلاك منظر جميل جدا
بس حاول تتأقلم وترا اهلها مو فرندلي ابد
يعنى اخدم نفسك بنفسك محد بيعطيك وجه وانا اختك كلهم ما يدرون وكل شي استغلال اسفه للأطلاله ودخلت بأشيا كثيره لكن انا مستعده اساعده بأي استفسار انا قلت كل الاتجاهات لانى مدري وش تسأل عنه بالظبط عطيتك لمحه وين تروح وش احسن شي واي خدمه عن اماكن سكن او تأجير اثاث او اي شي أسأل وانشالله احاول اساعدك وشكرا..... , ونرحب بك في مدينة سان انتونيو النائيه اقصد الجميلة جدا:>
طبعا هالكلام بعد 11 سمبتمبر باسبوع طلعنا من هيوستن لسان انطونيو
كان فيها نهر والعالم حوله منظر رهيب نهر والمطاعم حوله والناس زي المسعى هذا كان اليوم الاول وتعشينا وكمبنا سهرتنا بالمسعى
اليوم الثاني رحنا للوتر وورلد طبعا يمكن سمعت فيها ثاني اكبر مدينه مائية الحين اتوقع انواع الفله لاني اذكر يوم نورح كان الجو بارد واكثر الالعاب مقفله والدلفين مزكوم وخايفين عقب 11 سبتنمبر من كل شي بس الصدق انبسطنا
خلصنا من الووتر ورلد رجعنا للفندق غيرنا لانه لو تمر من جنبها جاك الماء ورحنا للمسعى او النهر تعشيا وقعدا منظر لا يمكن انساة
اليوم الاخير تغدينا في مطعم في برج مشهور هناك عطونا رز بالعسل ايقالي مسوي فنان اعرف اطلب بس المطعم غالي بس خيالي تقل يدور ونتفرج على سان انطونيو كلها خلصنا ورجعنا لهيوستن