مسافر مختب
11-02-2022 - 05:15 am
السلام عليكم ورحمة الله وبركاته
انا الحين موجود في ماليزيا وساكن في برجايا تايم سكوير
والقصه ومافيها ان اول يوم جينا للشقه كانت حوسه فقلنا لهم يجون ينظفونها وطلعنا وكان الوالد حاط شنطة اللاب توب فوق الدولاب وفيها جوال وفلاش ميموري عدد3,,والحمدلله اللي ماكان فيه اللاب توب والا كان انزرف مع اللي انزرفو
المهم رجعنا ومالقينا لا الجوال ولا الفلاش ميموري الثلاثه!!!
ونزل عندهم ابوي وكلمهم وجو عندنا بالشقه وسوو تحقيق وحاله واصلاً حنا متأكدين انه مارح يرجعون بس قلنا نخاف اذا شافونا مابلغنا يتهاونون ويسرقوننا مره ثانيه...
عاد امس رجعنا للشقه واكتشفت الوالده انهم سارقين اغراض من المطبخ بعد!!!!!يعني حتى السكر والشاهي والقهوه ماسلمو من السرقه اعووذ بالله
والله لايبارك بهم لاهم ولا اداراتهم اجل الوالد يقول للمدير انا عارف انه مارح ترجع الاغراض بس انتم وشلون ترضون على سمعتكم؟؟؟تدرون وش رد هالخسيس قال ماهمتنا سمعتنا!!!!!
يعني كأنه يقول اصلاً حنا دارين عنكم يالعرب ساكنين عندنا ساكنين حتى لو كنتم دارين اننا بنسرقكم!!!!
عاد انا بس حبيت انبهكم واحذركم من اللي صار معنا,,,وان شاءالله مايصير مع احد منكم
بلبنط العريض
((حرص ولا تخون))
واى شى ثمين لا تخلونه وتمشون
ونصيحة من اخوك اقراء ما كتبته عن كيف تحمى نفسك من السرقة في الفنادق