حقيقة نفس مشكلتك
ياليت القائمين ع المنتدى عمل جدول لكيفية وصول المطار وكيفية استلام العفش وكيفية خيم الجوازات في مطار كوالا
نبي تفصيل ع المطار وكيفية التعامل معها

1. 1- توصل للمطار الدولي

(1) اجراءات مطار الرياض او اي مطار داخلي(2) اجراءات مطار دبي او مطار به ترانزيت
(3) اجراءات مطار ماليزيا
بسم الله نبدأ
(1) اجراءات مطار الرياض او اي مطار داخلي

1- توصل للمطار الدولي

2- تتجه الى كاونتر الخطوط اللي انت مسافر عليها ( مكتوب فوق الكاونتر او مكتوبه بلوحه جنب الكاونتر ... او اسئل اي احد يدلك )
3- تصف بالطابور الين يجي دورك .. وتكون شناطك معك عشان تسلمها للكاونتر .... اذا وصلت تعطي الموظف الجوازات والتذاكر .. وتقول للموظف انك تبغى مقاعد جنب بعض ( جنب الطاقه ) >>> اعتقد برضه تقدر تحجز المقاعد من النت او من مكتب الخطوط ... ( ان شاء الله الاخوان يفيدونك فيها )
المهم الموظف يقص لك البوردنق الرياض - دبي ... ( ما ادري عن دبي - كوالا .. هل يقصها لك او لا ... اذا قصها خير وبركه ... واذا ما قصها يصير تقصها من مطار دبي ... من كاونتر الخطوط ) .. برضه ان شاء الله الاخوان يفيدونك فيها
وبعدين تسلم الموظف الشنط .. ويعطيك اوراق الشنط ( هذه ما تحتاجها الا اذا ضاعت عليك الشنط ... وان شاء الله ما يضيع شي )
3- بعدين تروح للصاله الثانيه ( طبعا بتمر على كاونتر الجوازات عشان يختم على الجواز ) توصل للصاله وتنتظر ... ينادون على الرحله ..تركب الطياره ..
هذه الخطوات مثل خطوات السفر الداخلي
(2) اجراءت مطار دبي
1- توصل الطياره .. تنزل منها على الصاله ( خلك مع الناس )
2- تروح لكاونتر الخطوط عشان تسئلهم عن بوابه المغادره او تقص البوردنق او تسئلهم عن اي شي تبغاه
3- تنتظر عند البوابه الصحيحه .. ينادون على الرحله .. تطلع الطياره
هنا ما يحتاج لا تختيم جوازات ولا شي طالما انت جالس في صاله المطار ولا طلعت برى ..
(3) اجراءات مطار ماليزيا
1- توصل الطياره ... تنزل منها ... خلك مع الناس
2- امش معهم الين تشوف قطارين جنب بعض ... اركب اي واحد فيهم ... عشان توصل للصاله الثانيه
3- وصلت للصاله الثانيه عن طريق القطار ... امش مع الناس .. الين تشوف درج كهربائي انزل معه ...
4- تحصل كاونترات الجوازات ... صف طابور ... اذا وصلت تعطيهم الجوازات
ملاحظه : كان اول تسلمهم كرت دخول ماليزيا ( اللي تعبيه وانت بالطياره ) الحين يقولون انه الغي .. وصار بداله البصمه ..
5- اذا خلصت من الجوازات ... تمشي الين مكان استلام العفش .. تستلم عفشك ..
6- بعدها تمشي طبعا مع الناس خ .. باتجاه الخروج من المطار ... بتحصل ناس كثيرين واقفين .. مثل عندنا ... اللي ينتظر خويه واللي يدور على زبون .. المهم تحصل بنفس المكان هذا كاونتر تكاسي على اليمين ... روح له واطلب تكسي قوله على اسم الفندق واطلب من التاكسي الرخيص بدجت ... واذا تبغى شريحه جوال ... برضه بنفس المكان تحصل كاونتر لونه ازرق على ما اعتقد اسمه سليكوم ... خذ منه شريحه وقوله يفعلها لك .. اعتقد يطلب منك صوره من الجواز ... سعر الشريحه حوالي 8 ريجنت فيها رصيد قليل ... عطه زياده مبلغ علشان يزيد الرصيد .. عطه 50 ريجنت مثلا .. واذا مكالماتك واجد عطه 100 ريجنت
ايه نسيت اقولك .. مكتب التكاسي بيعطيك ورقه ... يصير تطلع برى وتعطي الموظف الورقه ويوجهك للتاكسي حقك ..
وخلاص
هذا شرح على عجاله
وان شاء الله الاخوان ما يقصرون معك
ربي يوفقك ويسهل امرك

بارك الله فيك اخي الكريم النهر الجاري
ربي يجعله في ميزان اعمالك ما قصرت
وموفقين يارب في رحلتكم
ترا سهالات لا تحاتون

رحلة موفقة وشهر عسل سعيد يارب
كل شيئ يتيسر بإذن الله وما تشيل هم
اهم شي تكون مرتب امورك زين
جوازاتك + تذاكرك + حجوزات الفنادق
لازم يكون معك حقيبة يد خفيفة تحط فيها كل اوراقك