1. حبيت اخواني الكرام انبهكم لشغلة عن مودم ال celcom


2. لانه حصل لي قصة معهم

السلام عليكم

حبيت اخواني الكرام انبهكم لشغلة عن مودم ال celcom

لانه حصل لي قصة معهم

وهي اني شريت مودم بالشريحة من شارع العرب العام الماضي لمدة شهر مفتوح وبعد انتهاء سفرتي رجعت بها معي للسعودية .السنه هذي يوم جيت ماليزيا و حبيت اشحن شريحتي و استخدمها تفاجأت بعد شرائي لبطاقة شحن ان اسمي و رقم جوازي بالبلاك لست عند الشركة ويوم ارسلت لهم ايميل قالو لي ان عليك 298 رنجت لازم تدفعها قل ليش انا استخدمتها مرة وحدة واقل من شهر حتى كيف يكون على هذا المبلغ قالو لان طيلة هذه المدة و هي تحسب عليك !!!
و قالو هذا اصلا مكتوب بالورقة الى انت وقعت عليها قلت ياناس انا سائح كيف تورطني باجرائات كذا وكيف تبيعون على السياح بطاقات مفوترة انت موقع ولازم ترتب لتسوية و الدفع.
قلت لهم على كذا يبي لي اشهر عندكم حتى اقراء عقد الفندق و اجار السيارات و البطاقات... الخ المهم راحت اجازتي و انا واياهم ايميلان ما طلعت بنتيجة معهم .وقعدو يقولون حنا نبي نقدم لك خدمة كبيرة حتى نرد فقط الفلوس حقة البطاقة الجديدة عطنا اسم البائع و مكان البيع و تاريخ و وقت البيع و رقم السند و رقم الشريحة و اخذو يذكرون حاجات اظن لو عطوني 500 رنجت ما رحت اجمعها لهم.
لذا حبيت احذر اخواني اذا جاء احد يشتر بطاقة و طلب منه صورة الجواز ولا رقمة حتى يفعل له الاشتراك فلا تقع بالمصيدة
و تقبلو تحياتي