وعليكم السلام
بصراحة اخوي انا ماسافرت الصين ولكني سفرتي قريبة بإذن الله في نفس توقيت سفرك تقريبا
عموما السعر اللي كتبته مبالغ فيه جدا جدا جدا على حسب ماقرأت في المنتدى من اسعار الفنادق والمعيشة وكل شي تقريبا واخذت فكرة واضحة بكل الامور ولله الحمد
شوف
سعر التذكرة تقريبا 3000 ريال تزيد او تنقص يعني انا مثلا حجزت من الاردن عمان الى هونج كونج ب 2400 ريال ذهاب وعودة
وبالنسبة لتنقلاتك داخل المدن الصينية اما عن طريق القطار المترو او بالتاكسي او السيارات الليموزين وماراح تكلف شي كثير
والفنادق 5 نجوم اسعارها تتراوح بين 50 الى 150 دولار
وانت احسبها
حاول تتصفح المنتدى وشوف مواضيع وتقارير الشباب وراح تكون فكرة جيدة قبل السفر
ودمت بخير

بالنسبه لخط الرحله تمام... بس اشوف شنزن مايبيلها 3 ايام تقدر تزورها بنفس اليوم وترجع لقوانزو ..
اما بالنسبه للسعر .. فهل يشمل سعر الطيران الداخلي ...لان المسافات متابعده بين مدينه واخرى .. والتذكره الوحده بتكلفك ..
بين هونغ كونغ وبكين ... وبكين وشنقهاي ... وشنقهاي وقوانزو ...؟؟تأكد عشان ماتدقونها رجليه< أمزح
والفنادق خمس نجوم والا اربع ؟؟ لو تعطينا اسمائها بنقدر نفيدك اكثر ...

مروان عبدالرحمن
مشكور اخوي مروان وما قصرت على نصيحتك طال عمرك ...

سارونه
هلا بك اختي سارونه وش اخابرك واخبار ابو الشباب ؟؟؟
الله يخليكم لبعض يارب
مشكوره اختي على مرورك وعلى تعليقك
نعم اختي السعر يشمل تذاكر الخطوط الداخليه ...
والفنادق هي هونج كونج انتر كونترينتل
بكين فندق الكبيتل
شنق هاي اورينتك ليفر سايد
كوانزو اسيا انتر نشونال
شنزن بازليون
هذي هي الفنادق طال عمرك
طيب انتي ايش تنصيحننا يكون تقسم الرحله ؟؟؟
وايش اشهر مذينه تقدر المدام تشري شنط وساعات مقلده ؟؟
واذ عندك نصايح لاتبخلي علينا
شاكر ومقدر لك مقدماَ ..

إذا كانت التذاكر على الدرجة السياحية فالبقطع 11350 ريال للشخص غالية جدا فأنت وزوجتك ستسكنان في غرفة واحدة بمنوسط 100 دولار للخمسة النجوم وقد تكون اقل والطيران الداخلي في الصين لا يتعدى 200 دولار لأبعد مسافة وعند الحجز المسبق قد يصل الى ما يقارب 100 دولار
ستوفر الكثير لو انسحبت من هذه الصفقة كما أن عامل المرونة في التنقل ومدة المكوث في اي مدينة سيكون في صالحك

المحظوظ
شكرا اخوي المحظوظ على مرورك وتعليقك ونصحك
بس طال عمرك انا مابي اروح هناك واقعد ادور فنادق واحجز طيران ابي اجهز كل شي من هنا ..
يعني انت تشوف السعر مره مبالغ فيه ؟
وايش تنصحني اعمل ؟

هلا بك اخوي مره ثانيه ...
نبي نحسب الرحله صح ...
التذاكر من الرياض لهونج كونج تقريبا ...6000 الاف ريال ...
الفنادق ...
الانتر بهونغ كونغ ...300 دولار تقريبا *3 ليالي 4 ايام = 900 دولار يعني 3375 ريال سعودي
فندق بكين كابيتال ...100 دولارتقريبا*2ليالي 3ايام = 200 دولار يعني 750 ريال سعودي
فندق قوانزو شاينا ..117 دولار تقريبا*2ليالي 3 ايام = 234دولار يعني 880 ريال سعودي
فندق شنقهاي اورينتال مااعرف سعره تقريبا نقول 100 دولار*2ليالي=200 دولار يعني 750 ريال
فندق شنزن ماعرفه بعد نقول تقريبا 100 دولار *3=300 دولار يعني 1125 ريال سعودي
تكلفة الفنادق 6800 ريال تقريبا ...
بالنسبه للطيران الداخلي ... من هونغ كونغ لبكين فوق 700 ريال
من بكين لشنقهاي ..ماادري بالضبط بس المسافه بعيده اكيد فوق 500 ريال ومن شنقهاي لقوانزو 900 ريال
يعني مجموع التذاكر الداخليه ...فوق2000 تقريبا للشخص الواحد وانتو شخصين يعني 4000 الاف ريال
المجوع النهائي ... 17 الف ريال لشخصين ..
يعني المكتب بياخذ 5700 ريال
انت اولى فيها ... وتقدر تغير الميزانيه بعد لاقل من كذا ...اذا غيرت بعض الفنادق ...
واذا تبي مساعده بالتريب حنا حاظرين ...موفق يارب ...

أخوي أنت موجود في عنيزة هالحين

الأخ ولد عنيزة
الأخت سارونة من الممكن ان ترتب لكم برنامج خمسة نجوم وهي خدومة وعندها القدرة على وضع الترتيبات والجداول والحجوزات المسبقة قبل السفر وتحب هذا المنتدى وقد أبدت الاستعداد للقيام بذلك بارك الله فيها واحسن اليها ورزقها الولد الصالح.