هلا فيك أخوي
أنصحك تروح فلاجيو مره يستهال الزيارة أحسن من الستي سنتر بس الستي سنتر فيه سينما
والتكاسي عندهم مره نادره

febaa
عندي ترانزيت في قطر من الساعه 9 الصبح الى الساعه 6 المغرب
ابي اروح مجمعات ومولات قطر ابي منكم كم استفسار
1- ابي اشوف صور مول السيتي سنتر؟
هاذا تقرير مميز وفيه صور لمجمع الستي سنتر
https://artravelers.com/p/re/311948
2- ابي رايكم في مول فلاجيو؟
مجمع فيلاجيو من احلى المجمعات في قطر
وهاذا الاستفسار راح يفيدك في صور المجمع
https://artravelers.com/p/re/325092
3-شنو احلى مولات عندكم؟
مجمع فيلاجيو وفي جنبه بعد مجمع الحياة بلازا
4-المولات عندكم تفتح اساعه كم؟
المجمعات تفتح الساعه 9:30 صباح الي الساعه 10 بليل
5- كم اسعار التكاسي عندكم؟ في عداد بالتاكسي او لا؟
العداد موجود في كل التكاسي عندنا
6-في تكاسي بالمطار؟ واذا رحت المول في تكاسي عند المولات؟
اكيد في تكاسي في المطار بس ماراح تحصل تكاسي في المجمعات
عشان عندنا نضام الاتصال لازم تتصل للتاكسي ويجيك في وين مكانك
انصحك تاخذلك لوموزين بتلاقيهم في المطار ورتب وياهم بخصوص الاماكن
راح يفضل معاك ليوم كامل مثل ماتبي
بس ماعندي فكره عن اسعارهم
7- اذا عندكم اي رأي او نصيحه ياريت تفيدوني لان انا مو بروحي اهلي وياي
انصحك بزيارة سوق واقف لاتخلي هاسوق يفوتك
وهاذا بعض التقارير راح تفيدك في بعض الاماكن و المطاعم
https://artravelers.com/p/re/283370
راح ازور قطر يوم واحد بس وارجع الكويت يوم11-10 -2009
حياك الله وزياره سعيده أن شاء الله
وترجع ب السلامه انت ويا الاهل وفي أمان الله
واي خدمه احنا حاضريلك الغالي

مشكورين وايد
بس اللي فهمته من كلامكم اني اقضي اليوم كله من الصبح في مجمع فلاجيو لين المغرب حزت الطياره وارجع المطار؟
يعني المده حيل قصيره وابي اروح احلى مكان او مكانيين وارجع المطار عشان الطياره
وياريت تعطوني ارقام تاكسي عشان اتصل فيهم لما اطلع من المول
وابي تقولولي جم اسعار خط الموبايل عشان اشتري خط قطري
وسلامتكم

febaa
وعليكم السلام ورحمة الله وبركاته
1- فيه تقارير كثيرة متضمنة صور لستي سنتر
2- مول فيلاجيو فيه ناس تعتبره الاحسن في قطر هو جميل وتصميمه رائع مستوحى من فينيزيا لكن موقعد بعيد جنب
اكاديمية الرياضة سباير لكن يستاهل الزيارة
3- احلى مولات في قطر شوف فيه الستي سنتر رائع وفيلاجيو هاي من وجهة نظري
4- اتوقع من الساعة التاسعة و النصف صباحا الى الساعة العاشرة ليلا او اشوي
5- فيه عداد بالتاكسي لكن التكاسي تعتبر غالية لانه بنظام المتر مراات ممكن تتفاوض مع السائق وما يخدم العداد
هو في المولات الي التكاسي متوفرة فيها اما بالشوارع وين ووين اتحصل تاكسي قليل
سفرة موفقة ان شاء الله
تحياتي

febaa
تقدر تقسم وقتك اول ماتوصل تروح الي مجمع فيلاجيو عشان هو ابعد واحد من المطار
تاخذ لفه سريعه وتريح في احدا الكوفي شوبات
وبعدين تطلع تروح الي الستي سنتر بعد لمده قول ساعه ونص عشان ستي سنتر اكبر من فيلاجيو شوي
وبعدين اخر مكان وهو سوق واقف وهاذي بتكون محطتك الاخيره عشان سوق واقف بيكون قريب من المطار
وحط في بالك لازم تكون في المطار قبل موعد اقلاع الطياره بساعتين
ومثل ماقتلك اخذلك لوموزين ليوم كامل من شركة كروه لتكسب الوقت بدل ماتنتضر التاكسي يجيك وتضيع الوقت
وهاذي رقم شركة كروه للمواصلات
8+
وبنسبه الي الكرت اول ماتوصل الي فيلاجيو عندك شركة فودافون والكرت سعره 50 ريال قطري
واي خدمه احنا حاضريلك

مشكور اخوي خبير بوابة قطر
بس سوق واقف كم يبيله من وقت
وسوق واقف اكيد مو مسقوف يعني بيكون حر؟
وفلاجيو يبيله كم ساعه وتخلص منه؟
ومشكور على اهتمامك

febaa
سوق واقف يبيله ساعه تمشي اتلف السوق كله
واكيد بيكون مكشوف مثل ماقتلك اخل السوق اخر محطه وهي بتكون المساء
يعني بيكون الجو حلو وميزة سوق واقف في هاذا الوقت
فيلاجيو ساعه ونص وتخلص المجمع كله

سيتي سنتر كم يكفيه من الوقت؟

حياك الله
في البداية تفضل هالرابط
https://artravelers.com/p/re/251706
طبعا الستي سنتر كبير ويحتاج وقت
بس يتوقف على انت ايش ودك ...هو فيه مطاعم ومقاهي وتسوق وسينمات وصالة تزلج والعاب و
يعني يبيلك تلفة وتاخذ فكرة عنه في ساعة او اقل تقريبا
وممكن بعدها تحدد شنو ودك
وانصحك مثل الاخوان من توصل تروح فيلاجيو تتمشى وبعدها تتغدى
طبعا في اختيارات كثيرة من المطاعم في فيلاجيو
وهذا واحد منهم
https://artravelers.com/p/re/250436
ومن فيلاجيو على الستي سنتر تتمشى فيه واذا ودك تمر اللؤلؤة
هذا الرابط حلو عن اللؤلؤة
https://artravelers.com/p/re/259335
ومن اللؤلؤة الى سوق واقف تتمشى وتاخذ قهوة او تاكل اكلات خفيفة شعبية
ومنها للمطار ...وان شاء الله ترجع قطر بزيارة اطول وتكون فرصة تمر اكبر قدر من الاماكن