مسافرة عبرالزمن
27-06-2022 - 02:23 pm
السلام عليكم ورحمة الله وبركاته
اخواني طلبت مساعدتكم في مشورة لسفرة الى النمسا وادري ان كلكم كرم و جود وبتساعدوني وتنصحوني
اول شي الميزانية 25000 ريال سعودي شامل تذاكر فيزا سكن اكل مواصلات سياحة
عدد الاشخاص 2 بالغين وطفل رضيع
المدة اسبوعين
الفترة شهر اغسطس
سؤالي
1-هل الميزانية كافية لاسبوعين
2-هل اجراءات الفيزا صعبة وماهي
3-- الفنادق المقترحة او اذا فيه وكالةسفر تعطي بكج كامل باسعار معقولة
4-كم تقر يبا المصاريف اليومية
5- ما هي افضل الاشهر في السنة للسفر للنمسا
7- فضلا لا امرا خط سير مقترح للرحلة وافضل الخطوط من ناحية السعر
8- كيف الجو هناك و هل هي مناسبة للاطفال
فيه اسئلة كثيرة في بالي بس حاليا اتمنى تجاوبوني على هالاشياء
حياك الله اختي
هل الميزانية كافية لاسبوعين
الميزانية كافيه ومو كافيه بنفس الوقت ,,, بمعنى انك بتظطرين تسكنين بفنادق اربع نجوم متواضعه او بعيده عن السنتر عشان تقدرين تمشين مع الميزانية با الظبط لكن لو زدتو الميزانية بحدود 5 الاف تقريبا بتكون ممتازه باذن اللهللتوضيح
تذكرتين 7 الاف ريال تقريبا ومدري عن الرضيع بحضنك ولا بتاخذون له تذكرة اذا بتاخذون له زيدي 2000 ريال
الفيزا ومشتقاتها 1400 ريال لشخصين
السكن لو فرضنا متوسط الف با الليله = 14 الف ريال
المصروف تحتاجون حدود 150 يورو با الليله = 10 الاف ريال تقريبا
الاجمالي 32 الف مع الاخذ با الحسبان ان السكن تقدرون تنزلونه و المصروف تقدرون تنزلونه ,,, الفنادق الخمس نجوم و الاربع نجوم الموجوده با السنتر غاليه ولو حبيتو تاخذون اقل بتحصلون باقل ,,, المصروف الاكل يختلف الهندي و العربي و الصيني و الايطالي يكلف من 50 الى 70 يورو لشخصين بينما الفاست فود زي ماكدونالدز وبرجر كينج (فيها زيوت خنزير) و مطاعم الكباب (الشاورما) التركية تكلف 15 الى 20 يورو لشخصينالفنادق المقترحة او اذا فيه وكالةسفر تعطي بكج كامل باسعار معقولة
فينا : الميرديان , الماريوت , الانتر , الراديسون ساس , اوروبا , جرابين , استوريا , NH Wien , NH Atterseehause
سالزبورج: الشيراتون , رامادا , الريناسانس , اوروبا و NH
زيلامسي: السي فيلا , الجراند , هيتزمان , ماكس , فيشرويت , نيوبوست
ميونخ: الميرديان , الهوليداي ان , ميركور
ما هي افضل الاشهر في السنة للسفر للنمسا
جون وجولاي واوغست
فضلا لا امرا خط سير مقترح للرحلة وافضل الخطوط من ناحية السعر
فينا 3 ليالي
سالزبورج 4 ليالي
زيلامسي 5 ليالي
ميونخ ليلتين
الخطوط شيكو الاماراتية و القطرية و الاردنية بس سعر محدد مدري صراحه
كيف الجو هناك و هل هي مناسبة للاطفال
يعتمد على توقيت سفرك بس الجو رائع ويعتمد على عمر الطفل لانه في نظري اللي اقل من سنه ماراح يحسون با السفره و الخوف عليهم من البرد ومنغصات السفر
نصيحة : لاتكتفون برأي واحد فا الاذواق كثيره ومختلفه ويمكن يجيك رأي ويقول لك الميزانية كثيره ويمكن توفرون منها الله اعلم
موفقين ان شاءالله