1. سالزبورج 4 ليالي


2. ميونخ 3 ليالي


3. 1) الميرديان 1100 ريال


4. 2) الهوليداي ان 900 ريال

حياك الله اخوي عطر بين اخوانك في المسافرون العرب

• *في البدايه نصيحتي لك تجرب تروح دوله ثانيه + النمسا خصوصا انك زرت النمسا من قبل وانصحك بسويسرا

لو كنت مصر ان ال 16 ليله تبيها كلها با النمسا يبغى لك تغيير بسيط فا المخطط
فينا 4 ليالي
زيلامسي 5 ليالي

سالزبورج 4 ليالي

ميونخ 3 ليالي

• * لاحظ ان المحطة الاخيره خليناها ميونخ بدال فينا اولا لانها اقرب لسالزبورج (ساعه ونص با القطار تقريبا بينما الى فينا ثلاث ساعات ونص) ثانيا فرصه تشوف دوله ثانيه (المانيا) ثالثا وهذا اهم ان امكانية التسوق في ميونخ اكبر واحلى وارخص رابعا ان اغلب خطوط العالم وخصوصا العربيه تنزل بميونخ ومنها الخطوط السعوديه بدون مايتغير عليك سعر التذكره

با النسبه للسكن بعطيك خيارات مع اسعار تقريبيه ل سنة 2008 تزيد عليها 10% وتعطيك اسعار تقريبيه ل 2009 ان شاءالله
فينا
1) الميرديان 1300 ريال (5 نجوم)
2) الماريوت 1150 ريال (5 نجوم)
3) الراديسون ساس 1000 ريال (5 نجوم)
4) الهيلتون شتاد بارك 1100 ريال (5 نجوم)
5) الانتركونتننتال 1000 ريال (5 نجوم)
6) فندق اوروبا 900 ريال (4 نجوم)
7) فندق Nh اوترهاوز 700 ريال ( 4 نجوم)
زيلامسي فندقين على البحيره فقط
1) السي فيلا 1100 ريال
2) جراند هوتيل 1300 ريال
سالزبورج
1) ساخير 1900 ريال
2) بريستول 1300 ريال
3) كراون بلازا 1100 ريال
4) الريناسانس 950 ريال (ثاني اقرب فندق من المحطه)
5) اوروبا 800 ريال (اقرب فندق من المحطه قبالها مباشره)
6) Nh 750 ريال
ميونخ

1) الميرديان 1100 ريال

2) الهوليداي ان 900 ريال

با النسبة للتنقلات ليه تستخدم تاكسي ؟؟ تقدر توفر كثير لو استخدمت وسائل المواصلات العامه مثل الاندرجراوند في فينا وميونخ و الباصات في سالزبورج وزيلامسي او تختار خيار اخر مريح ويوفر انك تستاجر سياره ووتتنقل فيها بس التكاسي ما انصح ابد وغاليه جدا جدا وتفسد عليك الميزانية
با النسبة للمصروف تحتاج من 150 الى 200 يورو يوميا كمتسوط عشان تتمشى وتنبسط (غير شاملة التسوق)
المصاريف كا التالي
0ريال لتذكرتين اذا الرضيع ماراح تاخذون له كرسي ولو بتاخذون له يصير 9000 ريال او 8500 ريال
السكن لو خذناها متوسط 1200 ريال با الليله (فنادق خمس نجوم وممتازه) = 19,200 ريال
المصروف لو حسبنا 200 يورو في اليوم كمتوسط (على حسب سعر الصرف طبعا) 17,500 ريال
طبعا السكن فيه خيارات كثير اقل من 1200 وانت لك حرية الخيار مابين ال 5 نجوم و الاربع نجوم او حتى الثلاث نجوم او الشقق فندقيه
و المصروف برضو يختلف من شخص الى اخر على حسب نوعية الاكل (العربي و الصيني و الهندي و الايطالي غالي وتقدر تستغني عنه با الوجبات السريعه زي ماكدونالدز و الشاورما التركي) وعلى حسب الموصلات اذا كانت عامه بس اذا كانت تكاسي بيزيد الصرف
حاول تحدد اولوياتك من سكن وتنقلات ومواصلات وبرنامج لو حبيت تغير و الخبراء و الاعضاء ماراح يقصرون
با التوفيق

حدّي مصر
والله ثم والله ردك ع الموضوع اسعدني وربي تو جاي من دوام البنك المتعب وفيني نوم وقريت ردك وطار النوم
تسلم يابعدي ع الافاده لو اشكر من اليوم الى بكره ماوفيت
والله لا يحرمنا من اضافات باقي الاعضاء

بأنتظار باقي الاعضاء
اهم شي بفيينا السكن قريب من شارع المشاة وسعره معقول حتى لو 3 نجوم بس يكون نظيف

الأخ : ( عطر )
بالنسبة للسكن : هناك شقق فندقية قريبة من شارع المشاة اسمها ( gess flat ) وهي شقق نظيفة وراقية ، وتقع في المبنى المقابل للمبنى الذي توجد به ( الخطوط السعودية ) ، وسعرها ( 90 ) يورو في اليوم تقريباً .

انا اتفق مع اخوي حدي مصر في كل شئ .. ماعدا المصروف اليومي ..( الله يهديك ياحدي 200 يورو متوسط ومن غير التسوق بعد.. ) شكل الرجال بيهوّن كذا .. ماتشوفه توه راجع من الدوام وطيّرت النوم من راسه ..
انا عن نفسي في رحلتي ومن قرائتي لمصاريق بعض الاعضاء .. المصروف اليومي بالكثير 120 يورو بالشكل المعقول .. طبعا بدون استخدام التاكسي لانو تكلفته عالية ..
وبالنسبة للسكن .. من المعروف انو لكل موسم سعرة وحتى احيانا في نفس الشهر تختلف الاسعار .. فعشان كذا انت شف متى راح يكون تاريخ السفر وبناءً عليه نبحث لك في الفندق المناسب ..
بالتوفيق ،،

الادريسي ... معلومه طيبه اشكرك الله يعطيك العافيه
بيمو ..... انا بحدد لك التاريخ اذا قربت سفرتني والله لا يحرمنا من معلوماتك واستشاراتك
الله يعطك العافيه

اخوي بيمو ان شاء الله بسافر بنصف شهر 4 او بداية خمسه
مو مشكله لو كان تخطيط الرحله باريس 3 ايام و فيينا زلام سي سالزبورغ وعليك الترتيب ايام الرحله 20 يوم
وشكراً

36r
بعد اذن عمدتنا بوعبدالاله (بيمو) بتلقف شوي وبدلو بدلوي
افهم من كلامك انك تبي تزور النمسا (فينا + زيلامسي + سالزبورج) و فرنسا ( باريس ) صح
اذا افضل تخطيط على النحو التالي
فينا 4 ليالي
زيلامسي 5 ليالي
سالزبورج 4 ليالي
ميونخ ليلتين (تريح فيها وتتسوق وبعدها تنتقل با الطيران الاقتصادي منها الى باريس)
باريس 4 ليالي

• * ملاحظة الطيران الاقتصادي جدا رخيص لو حجزت بدري ويعتبر ارخص من القطارات في كثير من الاحيان لان المسافه من ميونخ الى باريس با القطار طويله جدا

موفق ان شاءالله

كفوا والله يالخبير على توزيع الايام .. وانا علي ان شاءالله الفنادق .. بس انتظرني الليلة باذن الله ..