السلام عليكم
بالتوفيق لكم يا رب
وأتمنى تفيدك المواضيع التالية:
https://artravelers.com/p/re/199842
..

شكرا لك أخوي مهند وماقصرت
بس ياليت يفيدوني بنات الشرقيه وين أحصل فستان العروس الأبيض مع الطرحه

اذا تبين قماشات اعراس عندك مجمع الخبر مول
شارع سويكت بالخبر عندك اقمشة وحلات تفصيل خياطين يعني
وعندك بعد خياط الشرقية في شارع سويكت المصمم فلبيني مررة مشهور على مستوى المنطقة خياطه وتفصيلة مثل الجاهز
مجمع مارينا مول الدمام محلات اقمشة بالدور الارضي
بالنسبة للشنط الماركة اغلب ثياب الماركات عندهم شنط

بس الله يعافيج مافي بدل جاهزه بيضا مع الطرحه لعروس في الدمام أو الخبر

السلام عليكم
حبيت ارد بالقليل يمكن ينفعك ,,,
اولا اذا انتي من برى السعودية روحي الرياض احلى واجمل واجدد وارخص عن تجربة
في عرسي كل شيء قضيته من الرياض ارخص بمراحل واجدد بمراحل بعد ,,
اما اذا مضطرة ,, فافيه محلات حلوه بعد ,,
عندك بدل عرس جاهزة سوق السويكت في الخبر فيه شارع الخياطين كامل كله بدل للعرايس فيه الرخيص والغالي ,,,
وفيه وحده من خوياتي عندها مجموعة فساتين من مصممين بتبيعهم بسعر حلوو ممكن اساعدك بعد ,,
عبايات ماعندي مره خلفيه بس يمكن بدون اسم والخواجة اكشخ شيء .. في الراشد اتوقع بتشوفينهم
شنط اصلية وتقليد في الجمعة سنتر ,,
روحي الراشد الصباح على روقان وبتشوفين اشياء حلوه ,,,
والحين موسم تخفيضات والماركات احس كلها وحده في كل مكان ,,
وبالتوفيق يالغلا واي شيء تبينه انا حاضرة له ...

حياك الله إختي
بالنسبة لمحلات العبايات
عندك محل بو كنان في الخبر بلازا بشارع سويكت مرة ممتاز و كشخة و مسوي خصم 50% العبايات عنده 400 و مخليها ب200
و الطرح عنده مرة حلوة بس نار 260 كلها فصوص و كريستال شي على مستوى و نقش راقي
محلات فساتين الأفراح الجاهزة
في السويكت أغلبها إذا مو كلها بس فيه محل حلو موجود بسويكت و له فرع ثاني بخبر موول
إذا ماودج تتعبين نفسك و حوسة سويكت عندك خبر موول في محل اسمه الظاهر بحر العرائس المحل إذا دخلتي المجمع من البوابة الرئيسية يكون المحل على يدك اليمين آآآآآآخر المجمع
و المجمع أصلا حق أقمشة بس هالمحل تدخلينه عارض لك كل بدل العرايس اللي عنده و شي حلو صراحة
و فيه بنفس المجمع مصممين فلبينيين و شغلهم ما عليه حليو
بالنسبة للشنط و الساعات الماركة أنصحج بالظهران موول فيه محلات ماركات مالها أول ولا آخر و كلها حلوة من ساعات و شنط
فيه محل شنط اسمه بينو توه فاتح بس مره حلو و خطير يجيك طقم شنطة و صندل و بوك تقريبا تطلع لج ب1800 يمكن مسوي خصم ألحين ما أدري
الساعات عندك الحميضي و الدهام و الفايز كلهم شيك بس أحسنهم الحميضي
و اذا تبين تنوع أكثر عندك باريس غاليري في الراشد موول
آآآسفة طولنا عليج بس حبيت أفيدج باللي أقدر عليه
و حياج الله مرة ثانية بالشرقية

أنا من الكويت وصعبه أروح الرياض بعيده بس هم بحاول أقنع امي
وخويتك اللي تبيعهم فساتين سهره عاديه ولا فستان عروس؟؟؟؟؟
ومشكوره على ردج

السلام عليكم ,,,
حيا الله اهل الكويت ,,, بالنسبة لرياض اتمنى بصراحة تروحين فيها اشياء حلووه حتى العطور الاصلية والشنط التقليد الدرجة الاولى فيها خطيرة ,,,
اذا تبين شنط تقليد درجة اولى فيه واحد في الدمام مضمون وروعة اغرااضه مره تجنن ويروحون له دايم اهل الخليج لان الشنط والجزم اللي عنده ماتفرقينها عن الاصلي ,, محله بسوق الجملة بالدمام اذا تبين رقم تلفون المحل بدوره لك ,,,
وش بعد م اما خويتي عندها بدل عرس لعروس يعني وعندها سهره بس بدل العرس مسوية عليهم سعر حلوو وغريبه اشكالها بس انتي شوفي المحلات اول اذا السعر مايهمك ,,,
واي طلب اختي احنا حاضرين وبالخدمة ...,,,

1. بس عندك السويكت كله مليان خياطين

اهلين خيتو
اذا تبين فساتين اعراس على حسبك ذوقك انتي عندك مجمع جمعة سنتر بالخبر مقابل ميرديان
وعندك مارينا مول بالدمام دوري بتلقين جاهز وحلوو اما فساتين اعراس لسه ماحصلي الشرف

بس عندك السويكت كله مليان خياطين

ومحلات الماركات شوفي بالخبر ميموزا وباكو تلقينه جنب ميرديان بالخبر برضو الراشد فيه اغلب الماركات الحين وفيه قرية القصيبي مقابل ميرديان عندهم محلات توها فاتحينه ماركة سيرجيو( يجنن هالمحل لانه مافيه تقليد منه) وجست كفالي وبعض الماركات الاناقةالبسيطه بعمارة البندرية يعني نفس امتداد شارع البيبسي كلها ترى بالخبر برضو بنفس الشارع مااذكر بالضبط وين بس قبل عمارة البندرية فيه محل عبايات تجنن للمصممة ناهد باخشب
تبين قمصان نوم عندك مركز طابا يجيب بجايم حلوه وقمصان نوم للعرايس بس ليتك تجينه كل ثلاثاء لانه تخلص البضاعه بسرعه وسوق الحب اشكال روعه وغريبة ورخيصه بالمرة العرايس يمدحون هالمحلات للمقصان
العبايات - عندك الراشد بالتوسعة فيه اخر دور الارضي تلقين محل مخصص للشيل وعندك كم محل بالدور الثاني بس بالراشدالقديم يعني مو بالتوسعة< التعبير زيرو خ ميد نايت- والاختيار الاول- السيدة الاولى ومحلات كثيرة
واذا تبين عبايات كشخه ومرتبه عندك السويكت خياطه حلو ومرتب ادخلي اي محل كلف وخياطه هناك واختاري لك كلفه وروحي لمحل اسمه عبايات النور عند تقاطع خمسة يجيك على جهة اليمين باللفة ومحلات الكلف كلها تجيك الشارع الي على اليسار من السويكت كلها قريبه من بعض
ام خلني اذكر بعد تبين عطورات رخيصه بسوق الجملة بالدمام فيه كل شي وعندك العطور المركزة نفس الماركات ريحتها طبق الاصل شفتها عند خويتي مره روعة الين وكاميليا ومخلطات للعبايات عند محل اسمه الكهرمان بسوق الجملة
طبعا الشنط لاتتعدين المحلات الي ذكرتها الماركات واغلبها بالراشد بالتوسعة الجديدة باريس غاليري وش كبره هونيك طبي وتخيري
والعذر والسموحة هذي المعلومات الي تحضرني واذا تذكرت اي شي بقوله وعلى البركة ويطيح منكم هم التجهيز