يا ذا الخطا
21-09-2022 - 05:24 pm
هلا وغلا
من كم يوم كنت متوهق بوزن زايد عن المسموح فيه ...
وكنت ادور اي حل اني ارسل جزء من العفش باي طريقة...
رحت للشركات المعروفة TNT , DHL...الخ لكن بدون فايدة...
شفت اسعارهم اغلى من اسعار الخطوط نفسها
نفس مكتب خطوط طيران الاتحاد دلاني على شركة موجودة في المطار
توصل العفش ل(الدمام , جدة ، الرياض)
ويوصل العفش بعد 5 ايام تقريبا" وبربع قيمة شحن الخطوط...
عندهم قيمة الكيلو ب 22 رنجت بس....
انا اليوم ارسلت شنطة كبيرة وزنها 24 كيلو تدرون بكم؟
4كيلو × 22 = 528 بس..
على عكس الخطوط اطلبوا مني قيمة ال 24 كيلو 2000 رنجت!!!!
يعني وفرت ثلاث ارباع القيمة مع هالشركة...
اسم الشركة: (أبدا) (ABDA)
http://www.abdabag.com/
موقعه بالضبط:
في المطار الدور الخامس جنب مكاتب استلام العفش حق الخطوط
راح تلقى اللوحة اللي حاط صورتها لك كبيرة جنب المكتب بالضبط
نبدأ الخطوات لا رحت مكتبهم:
اولا": راح ياخذ الشنطة ويوزنها ويضرب الوزن × 22 رنجت
ثانيا" : إذا وافقت راح يعطيك استمارة تعبيها...
اول فقرة
تكتب اسمك وعنوانك في ماليزيا (الفندق اللي ساكن فيه مثلا ورقم جوالك الماليزي او رقم الفندق)
ثاني فقرة
تكتب اسم اللي بيستقبلها بالسعودية وعنوانه ورقم جواله... اذا كانت رحلتك بنفس يوم تسليمك للعفش اكتب اسمك ورقمك السعودي لأنك انت اللي بتستلم العفش من المطار...
((انا عن نفسي كتبت عنوان واسم صديقي اللي بيستقبل الشنطة لأن رحلتي بعد اسبوعين للسعودية))
ثالثا" : بيقولك (روح غلف الشنطة بالبلاستيك علشان حماية اكثر لعفشك او عطنا 14 رنجت نغلفها لك)
رابعا" : بياخذون العفش وبيعطونك ورق مثل التيكت للعفش كاتبين كل بيانات عفشك فيها.
اتمنى اكون افدتكم بهالخبر السار ومأترجى منكم الا الدعاء الصالح
تحياتي
تحياتي لك اخوي الغالي.