أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
Awal_7abib
كلامك سليم 100% .. لكن الفورسيزون قمة الراحه صراحة .. ومجربهم اكثر من 6 مرات وكل مرة احس انهم افضل من المرة السابقة .. لكن الكمبينسكي شلون فخامته وشلون حجم غرفه ؟؟
لكن شكلي باخذ بنصيحتك يالغالي ..
أخوي جاسم ، اذا كنت حاب تغير ترى شيراتون النبيل ممتاز ،
غرف التاور اللي تطل على الشارع الرئيسي حلوه وواسعه وتشوف منها الفورسيزونز
انا بصراحه ما جربت الكمبينسكي بس سمعت ناس ما مدحوه لي واجد
نصيحه، اذا بتاخذ في غرف التاور لا تفطر في التاور لاونج اذا كنت تحب الافطار ثقيل مثل زوجي أنصحك بالمطعم اللي يقدم الافطار ، بصراحه خوش ريوق
تحياتي
هلا اخواني - خواتي
انا الآن في فندق الكمبنسكي ..
الصراحة اول مادخلت الغرفة .. حسيت بضيقة صدر ..
والسبب لان الغرفة شوي ضيقه بالمقارنه مع الفورسيزون ..
لكن مع مرور ساعتين بس .. تغير كل شئ ..
والسبب يكمن ان هنا في الكمبنسكي .. كل شئ بجنبي ..
ويوجد في الفندق صالة بلياردو و بولينغ ..
وقريب من المقاهي .. هدوء رائع .. وتعامل الموظفين متميز ..
لكن الحق يقال ..
الفورسيزون رائع .. واللوبي احلى من كمبنسكي صراحة .
لكن مايميز الكمبنسكي نفس ماقلت قربه من المقاهي والمطاعم وكل شئ .. وينفع للي جاي لوحده ، نفسي .. لاني إذا زهقت انزل تحت العب لي بولينغ ولا اتمشى في شارع الشميساني واقعد في القهاوي هناك ...
والأمان في الفندق عالي جداً .. حيث ان الصعود للغرفة يتطلب وضع بطاقة الغرفة في جهاز خاص في المصعد ..
بس هناك عيب بسيط .
قنوات التلفزيون محدوده جداً وبعضها موشوشه .
والتلفزيون صغير بالمقارنه مع الفورسيزون
غرف الفورسيزون احلى واوسع وافخم ..
كم آجار الغرفة الواحدة في الفورسيزن...
وشكرا