أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم اخوي.
بالنسبة للجامعه الدراسه فيها طيبه وفيها مجموعه من الطلاب السعوديين والخليجين.
ناس اوريغن بصراحه قمه في التعامل واخلاقهم طيبه. ولاتقول والله علشان احداث 2001 يمكن تتغير , بصراحه بالعكس تجد اغلبيه منهم يحب يدخل مع الاجانب, علشان يتعرفون على عادات مختلفه. بصراحه الناس طيبين. والمدينه امنه. وبالنسبه للعوايل, اي نعم فيها عوايل خليجيه وعربيه. وبعد فيها نادي للطلاب السعوديين قريب من الجامعه يعني 10 دقايق بالسياره. ويصير فيه تجمع للشباب السعودي والخليجي والعربي" تجمع لايفوتك وناس ماراح تمل من جلستهم" ويوجد ايضا محلات ومطاعم عربيه. فيه محل حق واحد من الاخوان الليبين "ابوعمر" رجال والنعم فيه. المحل على pacific highway
وبالنسبه للمساجد ماشاء الله مساجد كثيره وتجمع المسلمين فيه يخليك تشعر بأنك بين اهلك. فيه مسجد في الجامعه كانت الجامعه مخصصه مكان لصلاة الجمعه " اعتقد لازال موجود" وفيه مسجد اسمه مسجد الصبر موقعه http://www.assaber.com/ تقام فيه جميع الصلوات بمافيها الجمعه. وفي رمضان يصير عندهم افطار جماعي وصلاة تراويح وقيام الليل.
اخوي هذا اللي جا معاي الحين. واعذرني على الاطاله وان كان الموضوع ماهو مرتب. واذا عندك اي استفسار او بقيت مساعده في بورتلند. ابشر اخوي. عندي واحد من الشباب يدرس في الجامعه. وان شاء الله مايقصر معاك.
اخوك راعي الشرقيه
@@ تفضل @@