يسلمو اخ ثامر على المرور ..كلك ذوق..
يالا بانتظار اللي يعرفون

سلاامو عليكم ..
اهلين بنت ابوي ..
انا ان شاء الله الاسبوع الجاي رايح على بريطانيا .. وسويت بحث عن الاوت لت الي موجود ببريطانيا .. عشان نتسوق زين
المهم هذا الرابط ان شاء الله يفي بالغرض الي طالبتيه .. ادا في اي استفسار واقدر افيدش على عيني وراسيي واعضاء المنتدى مابقصرو وياش ..
الرابط ..
http://maps.google.com/maps/ms?ie=UTF8&hl=en&msa=0&msid=112607296752531912673.00043d66e3689a7bb6409&ll=49.781264,-8.261719&spn=27.028541,78.662109&z=4
طبعا ً الي في الخريطه كلهم اوت لت .. عندش اكثر من واحد قريب من لندن .. وعلى حسب قرائتي لردود الاعضاء بأن اشهرها , القريب من لندن هو The Galleria - Hatfield
يبعد تقريبا 23 ميل من لندن .. يعني حدود ال 45 دقيقه بالسياره
بس لو انا منش اسيير على القريبين كلهم ^_^
بالتوفيق ان شاء الله .. بس ادا رحتي لاتنسينا من الهداية ;d
سلااموو

هلا يا قلبي
اولت ليت : بستر فليج
اتروحين من محطة ملبورن بلندن Marylebone الى منطقة بستر نورث وتاخذين التذاكر مع تذكرة الباص وعند المحطة اتحصلين
باص مكتوب عليه بستر فليج يوودي الركاب الين الاوت ليت بتشووفين الناس ينتظرونه
واايد حلووه بستر فليج
اوت ليت : سويندون مجمع مغلق كبيرر واايد حلوو حتى ماركس اند سبنسر فيه وبعد جون لويس
اعتقد تطلعين من محطة ملبورن او فكتوريا تاكدي من هالشي
اوت ليت : Blue Water مول بلوو وتر
اتروحين محطة Cross Charing وتاخذين التذاكر مع تذكرة الباص حق المول وتاخذين التذكرة
حق محطة Greenhigth وتنزلين تقريبا في ثامن محطة وعلى طول هناك باص للمول
يوصلك للمول واتنزلين عند مدخل ماركس اند سبنسر
فيه مطاعم وايد حلووه وبعد فيه فرع لمحل Harvey Nicols
هذا اللي اقدر افيدك فيه يا قلبي
ويحتمل الصح او الخطا واتمنى اذا فيه معلومه خطأ ان خبراء لندن
يصححون المعلومه وبكل طيب خاطر مني
تشكرات يا قلبي

مرحبا ... أذا تقصدين المجمع فهو سويندون
وأذا تبغين الآوت لت فأكيد أنه البسترفيلج وهذه خطواته :-
1 - تقومون الصبح بدري وتفطرون عدل وتحطين معاج بالشنطه بطل ماي وياحبذا لو كان إفيان
2- تروحين محطة مارلبوون ( أذا بالتاكسي راح ياخذ من عند فندق كمبرلاند 6 باوند تقريباً ) المسافه 4 دقايق تقريبا
3- تحجزين تذاكر من الشباك الى منطقة نورث بستر فلج أو قولي حق الشباك مال التذاكر بسترفلج على طول
(( أحجزي التذكره رايح راد واذا حجزتي بعد الساعه 11 صباحا راح تحصلين السعر أرخص ))
4 - تركبين القطار وراح يوقف في 5 محطات والأخيره هي راح تكون بسترفلج
5- أول ماتنزلين من المحطه تلاقين باص صغير ( مكروباص) خليه يشوف تذكرة القطار وراح يوصلكم مجانا الى البسترفلج
6- أذا وصلتو السوف راح يبلغكم الباص أنه كل ربع ساعه راح يمر يوصل ناس لغاية الساعه 6 المغرب وبعدها يسكر الباص
والسوق
7- ملاحظه مهمه بعد الدخول الى 3 أو رابع محل فتحي الشنطه وأشربي ماي إفيان ....... وبالسلامه ان شاالله

مرحبا الحلحيل
ممكن تقول لي عن المجمع سويندون
وين مكانه واشلون اروح له اذا قريب بالباص ( رقم الباص ومن وين يطلع )
واذا برا لندن اكيد قطار
اشلون تركبون ببلاش بالميكروباص واحنا ياخذ فلوس باوند على كل شخص ( عندك واسطه )
وشكرا مقدما

traveler777
باص بيستر فليج مايشيل الركاب بلاش
ولا يوم يشووف تذكرة القطار يركبك او يشلك بلاش بعد
لازم يوم تحجز التذاكر اتقول لهم بيستر نورث بيستر فليج
وبيعطونك تذكرة منطقة بيستر نورث وتذكرة الباص يوم تركب الباص اترويه
تذكرة الباص لان انا مره ماكنت اعرف هالطريقه وخليته يشوف تذكرة القطار
قال لاء واخذ مني اعتقد باوند للشخص
بلندن مافيه لا واسطه ولا وسيط ولا فيه شئ بلالالالالاش
بالنسبه للمجمع سويندون انا كاتبه عنه فووق
المنطقه وايد حلووه وتقدر اتروح لها اعتقد عن طريق محطة ملبورن
ويوم تطلع من المحطة تاخذ جهة اليمين وتمشي سيده
وبيجك سور كبير وفيه مثل البوابه بتشووف الناس تدخل منه ادخل معاهم
وبعد بتمشي مسافه وبتحصل المجمع امامك
يوم تطلع وانت تمشي للمحطه بتجيك اشاره يا قبلها او بعدها جهة يدك اليمين
تدخل فيه مثل الشارع كله مشاه وفيه اسواق وكله سياكل واايد حلوو كله محلات ومطاعم
اتمنى اني قدرت افيدكم
تشكرات

مدينة سويندون Swindon عن طريق محطة فيكتوريا
واذا المعلومه غلط محللين في تصحيح المعلومه

traveler777
كيف الحال بالنسبه لسويندن هي مدينه تشتهر بالأسواق يوجد بها مجمع ويوجد بها سوق السنتر نفسه
هي من لندن 45 دقيقه تقريباً بالقطار وتطلع لها من لندن بادنجتون وعلى فكره المدينه رغم الأسواق اللي فيها لكن
تعتبر المدينه هاديه .....

• **********************************

الأخت قمرنا نرجى عدم التشكيك في أي معلومه نقولها نحن هنا لنساعد بعضنا البعض وهذه المساعده لا نحصل
على راتب أو بونص مقابلها ...!!!
أنا بصراحه ما أدري كم مره رحتي فيها لندن أو الى بسترفلج لكن أنا رحت تقريباً 5129369 مره
وأدري شنو قاعد أقول وبالنسبه لسوق بسترفلج رحت تقريبا 6549873167 مره ولا مره دفعت فلوس للباص لأنه
يفترض مجاناً أذا عندك تذكرة القطار
(( معلومه مادري تعرفينها ولا لأ : تذكرة الأندرجراوند داخل لندن تقدر تركب فيها الباص مجانا وأيضا تذكرة القطار يقدر
الشخص يركب فيها باصات لندن ))
ومعتاة هذا أنه تذكر القطار الى بسترفلج تقدرين تركبين الباص مجاناً والأفضل أن يتم السؤال من محطة القطارات