1. و هذا موقعهhttp://www.life.org.uk/


2. التصوير مسموح في الكنيسة لكن بعد الservice ،،،

نيوكاسل - newcastle upon tyne
الموقع : شمال شرق انجلترا
تبعد 290 ميل عن لندن / 96 ميل عن يورك
مدن قريبة منها : durham - sunderland
كيفية الوصول اليها :
من لندن : بالقطار من محطة kings cross ،،، المدة : من 2:50 الى 3:20 دقيقة

• * * * * * * * * * * * * * * * * *كانت رحلتي يوم 22-7-2007 يوم الاحد ،، من يورك الى نيوكاسل ،،،

انا خذيت قطار الساعة 9 و هو كان اول قطار باليوم لانه يوم احد فماكو قطارات قبله ،، و كانت مدة الرحلة من يورك ساعة تقريبا ،، و انا حجزت تذاكر القطار قبله بيوم ،،
بعد ما وصلت نيوكاسل اول شي سويته اني شريت خريطة للمدينة "مع اني ما احتجت لها وايد" ،، و على فكرة ترى في لوحات في الشوارع للاماكن السياحية ،،
انا كنت مقرر اني اروح ل discovery museum لكن في الطريق اليه شفت هالمبنى و هو قريب جدا من المحطة خطوتين الا انت واصل عنده ،،، و هو على يسار المحطة
للأس وقتها كان الوقت مبجر و ما كان في ناس وايد بره المبنى فما تشجعت اني ادخله فقط مريت عليه مرور الكرام ،،،، لكن الان قاعد اتصفح موقعه و شكله مكان حلو خاصة للاطفال ،،

و هذا موقعهhttp://www.life.org.uk/

بعدها كملت طريجي الى المتحف مستعينا باللوحات اللي في الشوارع ،، لكن للأسف بعد ما وصلت له اكنتشفت انه مسكر و راح يفتح الساعة 2 "لانه يوم احد"!!! و وقتها الساعة كانت 10:20 تقريبا و ما قدرت اني ادخله للاسف ،، على فكرة ترى الدخول اليه مجاني ،، و هذا موقعهم على الانترنت http://www.twmuseums.org.uk/
بعد خيبة الامل هذي كملت مشي الى ان وصلت الى st james' park الي اهو ملعب نادي نيوكاسل يونايتد ،، و للاسف تكررت خيبة الامل مرة ثانية لان النادي كان مسكر وقتها ،، و انا بعدها عرفت انه اول جولة الساعة 11 ،، علشان جذي قررت اني اروح و ارد له مرة ثانية بدال ما انطر لما يفتح ،،
تمشيت في المدينة الى ان وصلت الى السوق ،، و شفت هالنصب التذكاري
بعدها شفت هالكنيسة new castle cathedral و قررت اني ادخلها
الاسم الرسمي للكنيسة The Cathedral Church of St Nicholas Newcastle upon Tyne و هي تبع لchurch of england ،،

التصوير مسموح في الكنيسة لكن بعد الservice ،،،

انا دخلت و كان الservice لي الحين ما خلص ،، وقفت اطالع القداس و طبعا في كل كنيسة يكون فيه اشخاص ينظمون الدخول و طبعا هم يرحبون بوجود غير-المسيحيين في الكنيسة و كانوا لطفاء جدا جدا ،،، و ايضا القس بعد انتهاء المراسم قعد يسولف مع الحضور و من ضمنهم انا ،،، و انا استسفرت منه عن بعض الاشياء و كان nice و اجاب عن اسئلتي بصدر رحب ،،،
و كان في الكنيسة معرض ،،، كانوا عارضين ملابس الpriests مالوتهم ،،،
و بعد ما انتهى السيرفس مالهم ،، تجولت في الكنيسة و صورت وايد اصور هذي بعضها :
العذراء و ابنها
بعد ما انتهيت من زيارة الكنيسة توجهت الى castle keep و هو قريب جدا من الكنيسة ،،، و اللي يبي يزوره في البداية فهو يقع على يمين محطة القطار ،،،
و هذي بعض الصور من الcastle keep :
و هذي بعض الصور من اعلى البرج :
محطة القطار
الكنيسة ،، و لو تلاحظون انها قريبة من البرج ،،،، على يسار الصورة ملعب نيوكاسل يونايتد ،،،، على يمن الصور لو تدققون تلاحظون النصب التذكاري
ملعب نيوكاسل يونايتد ،،، st james' park
الgates head ،،، هذا اسم المكان اللي على النهر ،،، على يميين الصورة فندق الهلتون ،،،
بعدها طلعت من البرج و شفت الblackgate
ما اعتقد انه مفتوح للسياح
بعدها توجهت الى النهر tyne و الgateshead
وهذي بعض الصور :
في منتصف الصورة castle keep ،،،، و في اليمين newcastle cathedral
The Sage Gateshead & gateshead millennium bridge
The Sage Gateshead
newcastle hilton
على فكرة على النهر كان فيه sunday market ،،، و كان حلوو واايد ،،،
بعد ما تمشيت على الجسور و النهر توجهت الى الBALTIC Centre for Contemporary Art
الدخول له مجاني ،،،، المبنى من 5 طوابق ،،، و فيهى معارض للART ،، modern art ،،،، المكان جيد ،، و على فكرة فيه انترنت مجاني و عدد كبير من كمبيوترات apple و لفترة غير محددة !!!!
الخلاصة ،، ان اللي يروح له ما راخ يخسر شي لانه مجاني اذا عجبكم الgalleries ،، بالنسبة لي بعضهم عجبني لكن بعضهم ما عجبوني ،،، و يختلف الذوق من شخص لآخر طبعا ،،،،
و للي مو مهتم ابدا للفن بعد لازم يدخله علشان يشوف منظر للنهر ،،،
gateshead millennium bridge & tyne bridge
tyne bridge & the sage gateshead
بعدها رحلت الى الsage gateshead
و كان فيه مسرح خارج المبنى ،، و كانوا يقدمون فيه استعراضات غنائية ،، و ايضا اغاني انجليزية ،،
و كانت عروضهم طوال اليوم ،،، و من الsage gateshead يمكن مشاهدة منظر للنهر و على فكرة الsage هو اساسا مسرح دخول المبنى مجاني لكن العروض طبعا بفلوس ،، المبنى فيه cafe'
و هذا موقعهم http://www.thesagegateshead.com/
و هذا منظر للmillennium bridge ،،،
الجسر يرتفع لمرور السفن ،،
بعدها قررت اني ارد اروح للملعب لعل و عسى انه يكون فاتح
و في الطريج خذيت هالصورة
سور نيوكاسل
و بعد ما وصلت الى النادي اكتشفت انه الstadium tour فقط مرتين في اليوم مرة الساعة 11 و المرة الثانية ما اتذكر 2 او 3 ،،، و انا وصلت النادي بعدها
so رحت تمشيت في الحديقة
بعدها قررت اني ارجع الى النهر مرة ثانية ،،، و اطالع العروض اللي في الsage gateshead
و هذي بعض الصور في الطريج الى النهر
و في الchina town شفت خليجيين و كانوا الوحيدين العرب اللي شفتهم بالمدينة
الجانب المظلم للمدينة :rolleyes:
و بعد ما وصلت الي النهر قعدت فترة ،، و بعدها رجعت الي يورك

• * * * * * * * * * * * * * * * * * * *

انطباعي عن المدينة :
اهي مدينة وايد حلوة و من وجهة نظري تستحق الزيارة و فيها واايد اشياء مجانية ،، و للي يبي يتسوق فيها سوق جيد ،، لكن اهم شي انه اللي يروح لها ما يروح يوم احد :frown:
و احلى شي فيها المناظر خاصة اللي على النهر اذا كان الجو حلو
انا ما استخدمت اي وسيلة من وسائل المواصلات ،،،
و اي استفسار عن السياحة في نيوكاسل اذا حاضر
All rights reserved
©