اليوم الday trip لمدينة durham ،،
و هي مدينة تقع في شمال انجلترا ،، و تبعد
الرحلة تستغرق من 40 الى 50 دقيقة بالقطار ،،،
يومها كان يوم احد ،، و كان اول اسبوع لي في يورك ،، و بما انه weekend فقررت اني ازور لي مدينة ،،،
نبدأ الرحلة ......
هذي durham cathedral
و هالمنظر قريب من محطة القطار ،، و انا طبعا ما استخدمت باص في المدينة و كان استكشاف المدينة سيرا على الاقدام
و بدينا نقرب من الكاثيدرائية
لكن قبل ما اروح للكنيسة صادفت السوق
لو تدققون ،، مطعم بيتزاهت بالطرف تحت ،،،
بعدها كملت مشي ،، الى ان صادفت square بصراحة مادري شسمه ،، عموما هذي كاثيدرائية موجودة فيه ،، لكنها مو durham cathedral
و ايضا نصب تذكاري
و اخيرا وصلت الى الكاثيدرائية ،، و على فكرة كنت بدون خريطة ،، لكن ابراج الكنيسة عالية ،، و مكن الوصول لها بسهولة
لكن للاسف تفاجئت انه كان في قداس او تنصيب بعض رجال الدين عندهم ،،، المهم مو ذاكر بالضبط ،، لكن كانت الكنيسة متروسة كلها ،، و كان وقتها التجول داخل ممنوع ،، الا للي يبي يتابع المراسم اللي كانوا يقيمونها ،، انا دخلت شوي اتفرج ،،لكن قررت بعدها اني اروح و ارجع مرة ثانية ،، و هذي كانت نصيحة احد الموظفين هناك ،، علشان اقدر اصور ،،
و على فكرة الجو العام في الكنايس عندهم وايد friendly ،، و الناس هناك تبتسم بويهك ،، موعندنا مكشرين :rolleyes:
عقب ما طلعت قررت اني امر على durham castle ،، و هي قريبة جدا من الكاثيدرائية ،، لكنها ليست قلعة بمعنى الكلمة ،، لأ ،، مبناها عيد جدا
و هي حاليا تبع جامعة دورام ،، و فيه احد المباني على ما اعتقد فندق ،،
و انا كان بخاطري اني ادخلها ،، لكن كان الدخول فقط بالguided tours ،، و كان فيه جولتين باليوم فقط ،، و اوقاتهم ماكانت تناسبني ،، علشان جذي غيرت رايي و ما دخلتها
و هذي بعض الصور للقلعة ،،
و بعد خيبة الامل الثانية على التوالي ،،، مالقيت شي اسوية غير اني اتمشى في المدينة ،، علشان اضيع وقت و بعدها ارد للكنيسة ،،
و هذي صور من شوارع المدينة الجميلة ،،، المشي هناك متعة
بعدها لقيت النهر صدفة ،،، و هو مكان رائع جدا لمحبي المشي
على هالصور كأنه في الامازون مو بريطانيا
ثم يأتي دور المشي بالاسفل عند ضفاف النهر >> ترى تعبان على ضفاف :tongue:
هذا و الله مادري شنو ،، بس جنه ضريح "قبر" ؟؟؟
الطبيعة خيالية على النهر
انا بصراحة ابد ما توقعت هالشي ،، لانها مو من المدن المشهورة بالطبيعة ،، لكن ،، توقع الغير متوقع
لو تلاحظون الممشى بين الاعشاب ،، علشان تحسون كأنكم بالفعل في غابة !!! لكن طبعا بدون حيوانات :tongue:
لكن شي مهم ان ما يكون فيه مطر ،،،، لان راح تواجهون مشكلة بالطين و الmud اللي راح يكون موجود
الشي الغريب ان النهر لونه بني
احد الجسور
لكن بالطبع المدينة ابد مو مناسبة لعايلة مع اطفال يستخدمون العربانة !!! :tongue:
احلى شي في المدن التاريخية
و عدنا من حيث بدأنا
هذا نفس الجسر اللي بديت منه المشي بالمدينة ،،
لكن احنا بنكمل جولتنا على النهر
اهني بدا شوي يطق مطر
و نبعد عن وسط المدينة ،، و المطر مستمر ،، لكنه ماكان وايد قوي
نبعد اكثر
و بعد اكثر
هني ممكن تلاحظون الطين عقب ما طق المطر
عاد و انا امشي زلقت و شوي و اطيح ،، لكن الحمد لله ما طحت ولا جان علووم
خصوصا اني كنت شايل الكاميرا معاي ،، لكن الله ستر
و انا امشي ،، ما قدرت اني ابقى امشي على حافة النهر ،، لان ماكان فيه ممشي ،، على فكرة للي يبي يمشي الجهة المقابلة للنهر كان فيه ممشى اطول ،،
لكن عموما ،، كنت ماشي على الله و ما اشوف النهر ،، لكن كنت ادري انه على يميني ،، فكثر ما قدرت كنت احاول اني اقرب منه ،،
على فكرة احسن شي بالمشي بقرب النهر هو انك راح تضمن 100% انك ماراح تضيع لان بكل بساطة تقدر ترجع مكان ما ييت ;)
و المشي مستمر ،،
ولقينا النهر مرة ثانية ;)
بس شفيه صاحبنا كش جذي ؟؟ :biggrin::biggrin:
هذا تفرع صغير من النهر ،، و انا عقب ما عبرت الجسر ،، دورت شوي لكن ،، ما حبيت اني ابعد وايد ،، و غير جذي الوقت بدا يطوف بسرعة ،، فقررت اني ارجع
و هذي المدينة من جديد
و بجذي طلعنا من النهر ،، و ردينا مرة ثانية لوسط المدينة ،، و كعادتي المفضلة اخترت هالطريق للعودة
احلى شي في المدن اهو هذا بالنسبة لي متعة بلا حدود ;)
و هذي الكاثيدرائية ،،، و عاد بدون خريطة الواحد يمشي على الله ،، لكن المدينة صغيرة و ما تضيع ابد