1. بسم الله الرحمن الرحيم


2. بالموضوع هذا بافصل كل منطقة لحالها ببدأ باول شئ وهي نيويورك


3. كود:


4. http://www.goairlinkshuttle.com


5. صورة الاوتيل من برا


6. الي لوحته زرقاء

بسم الله الرحمن الرحيم

امريكا مهما تكلمت عنها ما اوفيها امريكا بالنسبة لي افضل بلد اسافر له وارتاح له واحس كل شئ يندفع فيها تستاهله هي ولايات كثيرة تختلف بعضها عن بعض علاقتي مع امريكا قديمة بس توقفت من 2000 لحد 2009 والسبب المشاكل السياسية الي خلت الواحد ينحد ويسافر على دول غير الي يبيبها سفراتي لامريكا كلها كانت ولله الحمد من احلى السفرات.
التخطيط للسفر كان بالضبط مثل هالوقت من السنة الي راحت في بداية فبراير مسكت معاي اروح بعد ماقالوا لي الشباب تعال وكان فيه واحد مقدم من الشباب على الفيزا وطلعت باسبوع فخلت الفكرة تدخل بقوة براسي ضبطت كل الامور المقابلة وغيرها قبل اجازة منتصف العام وكانت مقابلتي قبل الاجازة ب9 ايام وعلى اساس اني اسافر بعد المقابلة ب11 يوم وجات المشكلة الي صارت ان الفيزا يبيلها 3 اسابيع والي معناتها جلوس في الاجازة بالرياض قلت مافيه اي طريقة قالوا والله مافيه الا انك تاخذ جوازك وبعدين ترسله قلت الشكوة لله واطلع من السفاراة الامريكية محبط ياولد وش تسوي قلت خلني ادور مالقيت الا بيروت قلت اي شئ ورحت وياليتي مارحت طفشت ماتسوى ال10 ايام الي قعدتها بس الحمد لله على كل حال المهم رجعت الرياض وادخل الموقع لمدة فوق ال100 يوم ولا صار شئ كلها يقولون الطلب ماخلص لين ماراح واحد من الشباب وسالهم وقالوا له خله يجي ونشوف ورحت لهم وطلع في تشابه اسامي وقالوا ودي جوازك لفيدكس المشكلة قلت ماينفع اعطيكم انا عندكم قالوا لا قلت ولا تزعلون وماجلست اسبوع الا وفيزا لين 2014 خلصت لقيت الشباب مخططين على صيف في اوروبا وفيه واحد من الشباب قال باخذ صيفي وبطلع بنهاية رمضان على امريكا قلت ياولد معاك واخذ صيفي بالرياض وهو بالبترول فجأة صار فيه زيادة عدد الى ماصرنا 4 ولا احلى العيال الزيادة قالوا نبي بس كالفيورنيا بنجي قبل العيد باسبوع اما الي متفق معاه قال صيفي واسبوع وانا بنيويورك قلت معاك وحجزنا على نيويورك.
الرحلة بالخطوط الاماراتية وكانت رياض - دبي -نيويورك- لوس انجلوس -دبي- رياض
وكانت ب6000 ريال وفي لوس انجلوس دفعت 300 دولار واميال وسويت ابقريد على التذكرة

بالموضوع هذا بافصل كل منطقة لحالها ببدأ باول شئ وهي نيويورك

مدينة نيويورك (New York City) هي الأكبر والأكثف سكانا من مدن في الولايات المتحدة. مدينة نيو يورك هي أحد أهم مراكز التجارة والمال في العالم. نيويورك هي أيضا أكبر مدن ولاية نيويورك الأمريكية (New York State)، كما تعد المدينة عاصمة اقتصادية للولايات المتحدة لكثرة مقار الشركات والبنوك العالمية فيها. يوجد بها مقر هيئة الأمم المتحدة وسوق الأوراق المالية مؤشر الداو جونز الصناعي.
من أشهر أحيائها: مانهاتن وبرونكس وبروكلين وسنترال بارك. بها شارع مشهور يدعى شارع برودواي، تقام فيه العديد من العروض المسرحية.
من ويكيبيديا
بداية السفرة في يوم 11 سبتمبر بجيحين بشكل بس الوصول كان 12 سبتمبر وللاسف رحنا من دبي الى نيويورك مفطرين pb093
بداية الرحلة من الرياض الى دبي على الاماراتية
وصلنا دبي وكانت الانتظار حوالي ال3 ساعات وجلسنا في هاجن داز وتمشينا وعلى البوابة وندخل ايوة على مومباي هي ولا على نيويورك وقلنا لاحول ولا قوة الا بالله
الرحلة كما قلت للاسف افطرنا فيها لانها تطلع الساعة 2 باليل من دبي وتوصل 7 الصباح في نيويورك والافطار على 6 المغرب فقلنا الدين يسر ونصوم القضاء ثاني العيد
الرحلة كانت تعبانة بس نمنا فيها حوالي ال9 ساعات وصلنا لJFK وكان المطار فاضي دخلنا للجوازات صاحبي قبلي خلص على طول بدون تحقيق للاسف انا حققوا معاي حوالي ال3 ساعات
الي صار اننا كنا حاجزين سيارة من موقع

كود:

http://www.goairlinkshuttle.com

لينكون توصلنا من المطار للاوتيل ب 89 دولار لكن على اساس اننا ماتاخذ الاجرائات ساعة لكن الي صار اني قلت لصاحبي رح وانا الحقك دخلت على غرفة حقت الهجرة اول ماتخلص من الجوازات على اليمين دخلت الغرفة قلت مايبيلها شئ شوي وانا طالع وادخل وانصطدم انواع العالم الي فيها اشكال والوان واستنى حوالي الساعتين ونص لين مانادت الشرطية على اسمي قلت نعم ورحت سألتني اسالة وهي وش جابك وش معاك في الشنطة قالت الحين شلون سياحة بوقت دراسة قلت عندنا للحين اجازة قامت تسأل اسألة كل واحد يقول وش تبي سخيفة المهم قالت اصبر بيجيك شرطي بيسألك زيادة قلت pb036 في نفسي مادري وش قايل كل الاسألة وجاوبتها وش يبون بعد ماكلمت 4 دقائق الا قال شرطي اسمي قلت نعم قال تعال قلت طيب ونروح لمكتب جنب حق الشنط وادخل الى واحد ياباني امريكي وقالي اصبر قلت لاحول ولا قوة الا بالله جلست سولف معاي وش جابك المهم الرجال صار سواليف واسالة سخيفة كم معاك فلوس قلت 400 دولار كاش بس والباقي بطاقات واخذ البطاقات وقالي متى الوالد مولد والوالدة متى انا هنا pb036 ياولد اشلون اجاوب قلت ماعرف بس اقدر اشيك لك قال ماتحتلفون قلت لا نحتفل كل سنة بس قلت اصبر اشوف الورقة الي كاتبها لان اخوي يوم راح ساله حقت الجوازات نفس السؤال فجاوبت وصوري وقالي هاف فن ورح شف شنطتك هناك واطلع على طول واول تكسي على الماريوت ماركيز واكلم صاحبي الا الحبيب نايم واكلمه لين ماصحى ووصلت الاوتيل وسويت تشيك ان لغرفتي كنا ماخذين غرفتين بسعر ولا اروع الغرفة ب1400 ريال والسبب تخفيض من بطاقة السكاي تبع الخطوط الاماراتية 20 بالمية والسبب غرفتين لان ولد عم صاحبي بيجي يسكن معانا هو ساكن قريب من نيويرك

صورة الاوتيل من برا

السبب في اختيار الاوتيل شئ واحد الموقع تبعه في نص التايم وثاني شئ سعره وثالث شئ مستواه ممتاز 5 نجوم يستاهلها بقوة للاسف اول ماوصلت الاوتيل وسويت تشيك ان لان كل حجز لغرفة ماله دخل بالثاني وطلعت غرفتي فوق صاحبي بدور وفيو افضل

وضبط الوضع وصليت الفجر والظهر والعصر وجلست لين قبل المغرب نايم ماقدرت اروح اتغدى احس غلط وجلست للمغرب وتغديت
وطلعنا اول يوم جالسين pb071 واحلى رواق وتمشية بالتايم
اول يوم ماسوينا اي شئ غيرالجلوس هنا

وخليت صيني يرسمني ب20 دولار 15 عشان الفريم

وياولد وش نسوي رمضان مايجي مكان pb024 الا يجينا واحد ستاند اب كوميدي قلنا قدام وكان يبدأ على 1 كل يوم وب20 دولار وصرنا يوميا هناك مافي الا وكان لازم 3 مينموم درنك مافي الا قوة بيبسي وضحك
وهذا موقعه
كود:
http://www.hanyc.com/HA_NYC/Welcome.html
نظامه كوميدي كلوب في بيسمنت بس كان pb027 وصورته من بكرة

الي لوحته زرقاء

طلعنا منه على 3 ياولد وين نتسحر رحنا ندور كل شئ مقفل ماعاد محل بيتزا وكيك نظام كل شئ والاوتيل كان الخدمة الاكل تنتهي 2 pb093 وطلعنا على هوت دوج قدام HA COMADY لقيناه مصري سلام عليكم وعليكم السلام كيف الحال وسولفنا معاه قلنا له كيف الهوت دوج حقك وش بيف ولا ايش قال ماهو خنزير قلنا ياولد عطنا ومافي الا قوة هوت دوج ونمنا بعد الفجر وعلى12 قمنا متأخر ورحنا لمبارة اليانكيز بتاكسي ورجعنا قطار الملعب ماكان البعيد ابو 25 دقيقة وكنا شارين التذاكر من الرياض باختصار امريكا قبل ماتروح تدخل هالموقع
كود:
http://www.ticketmaster.com/
وتشوف كل شئ موجود اشتريه

اول ماركبنا التاكسي

الملعب

هذا اول جزء لان اللياقة للحين ماهي بالجاهزية الكويسة نيويورك باقي فوق ال150 صورة الجزء الجاي بيكون الكلام قليل والصور كثيرة