السلام عليكم ورحمة الله وبركاته وبعد ,, الغالين اعضاء هالبوابة الغاليه ابي مساعدتكم
ان شاء الله بزور البحرين في الويكند القادم انا ومعي 3 اشخاص ( عزوبيه ) ،، اثنين منهم اول
مرة يزورون البحرين ، واخوكم هو اللي مكوكهم ( محرضهم) ، ومابي اتفشل تكفون
المطلوب الآتي :
1- السكن في شقق نظيفة ورايقة ومحترمة ( 4 ) اشخاص بحدود 300 ريال ( بعيد عن المعارض والزحمه)
2- حنا ناوين نروح لمنتزه عين عذاري يوم الخميس ( متى نروح افضل وقت؟ وافضل الالعاب شنهي )
3- انا ناوي اعشيهم في مكان رايق ووناسة ومحتار بين 3 اماكن ( طبعا ماقد زرتها س اسمع عنها ) وهي اما :
- مطعم تريدرفيكس او مطعم زحلة فندق الخليج او مطعم الفنار في الدبلومات
أو غيرهم اذا افضل لمن جرب
( حبذا اللي يحدد افضلهم يقول لي كيف الاسعار وهل يتطلب حجز مسبق ) ترى بروح لاعلى نسبة تصويت منكم.
4- شنو افضل افلام نازله هالاسبوع بالسينما .
5- هل الرطوبة هالاسبوع قويه؟ وكيف الجو بالليل هالأيام ؟
اسف عالاطاله وتحملوني
ودمتم سالمين
تلفون :
1(00973)
فاكس 17811530 (00973 )
شقق كبيره جدا وواسعه ومرتبه ونظيفه ، تتكون من غرفتين وحمامين وصاله واسعه ، ومطبخ مجهز كامل ... فيه غساله وثلاجه وفرن وأطباق
سعر الليله بالايام العاديه 45 دينار بحريني ....
منتجع ماجستك
تلفون :
1( 00973 )
فاكس : 17727239 ( 00973 )
و عباره عن شقق فندقيه ... وبالطابق الأرضي فيه بركة سباحه ومطاعم .... وقاعه للحفلات
غرفة واحده بسعر 35 دينار
طبعا الشقه بها صاله ومطبخ صغير وحمام
غرفتين بسعر 40 دينار
الجناح الاميري 45 دينار
اليت ( 5)
تلفون : 17827300 (00973)
فاكس 17825232 ( 00973 )
شقق فندقيه خدمات رائعه وراقيه
تتكون الشقق من غرفتين ...سعر الليله 50 دينار
والي بضاحية السيف ...تتكون من ثلاث غرف واسعه
والمبنى به سينما ....وقاعه لعاب ...وصاله رياضه ...والدخول بها مجانا للمقيم
وسعر الليله 120 دينار .... ... كتغيير
مجموعه اليت غنية عن التعريف فهي منتشره في البحرين
بشارع المعارض - بضاحية السيف - وبالجفير