هلا فيج اختي بالمنتدى وبالتحديد بالقسم الأمريكي بالنسبه للإستفسارات اللي عندج ان شاء الله بحاول اجاوبج عليها قد ما أقدر
1- بالنسبه للسكن يفضل السكن في نيويورك بمنطقه منهاتن وبالتحديد بالقرب من التايم سكوير لانه أغلب الأماكن السياحيه تكون بالتايم سكوير وحته مراكز التسوق
2- المده اللي راح تقعدونها بنيويورك كبيره ما أنصحكم فيها يعني لو تقللونها اشوي وتاخذون لكم جوله بباقي الأيام بالمناطق القريبه يعني تروحون الى شلالات نياجرا فكره جميله وتقضون فيها 3 أيام وتاخذون لكم يومين بأحد المناطق الجميله بين نيويورك وشلالات نياجرا هم فكره حلوه لانه نيويورك يكفيها 5 أيام علشان تفترون فيها عدل وتزورون الأماكن السياحيه اللي فيها وتقدرون تتسوقون على الراحه
3- بالنسبه للفنادق بمنهاتن توجد اختيارات متعدده من الفنادق يعني في ال 2 نجمتين وفي 5 نجوم طبعا انا أفضل 4 أو 5 نجوم وعلى فكره الأسعار مو رخيصه يعني الفنادق غاليه شويه وهالرابط فيه تشكله حلوه من الفنادق وراح يساعدج بإنتقاء فندق مناسب لكم
https://artravelers.com/p/re/272196
4- بالنسبه للأماكن السياحيه وأماكن التسوق تقدرين تستعينين بالتقارير المصوره اللي ما شاء الله عليهم الأعضاء مو مقصرين بشئ ذاكرين كل شئ من - الى راح تلاقينهم بقسم التقارير المصوره وهذا رابط التقارير المصوره
التقارير المصورة الامريكيه https://artravelers.com/s/175
ان شاء اله قدرت أوصل لج اللي تبينه من معلومات وسامحينه على القصور اخونا IMpact بإيجازه فاذا ما رد على استفساراتج معذور تقبلي مروري واذا عندج أي استفسار احنه بالخدمه وان شاء الله الأعضاء ما راح يقصرون وياج بعد

ما شاء الله عليك يالخبير انا اشوف ما بعدك شور الله يوفقك .. ومشكور على تواجدك المستمر اثنا غياب اخونا المشرف الله يرده بالسلامه

cadillaca
العفو حبيب قلبي ما سوينه شئ يستاهلون الأعضىاء باللي أقدر عليه وان شاءلله يسامحووني على القصور

شكرا wise-man .... ماقصرت ... هل فيه فندق معين في بالك في التايمز سكوير زين؟ السعر مب مشكله عندي المهم الفندق يكون زين ...
كم تبعد شلالات نياجرا عن نيويورك؟ وهل فيه اماكن ثانيه قريبة من نيويورك ممكن اروح لها؟
انا بنزل في شيكاغو لمدة اسبوع لدورة دراسية بعدين راح انزل نيويورك ...

انا والله سكن فندق اسمه millenium broadway بالتايم سكوير يبعد عن قلب التايم سكوير 100متر من فئه 4 نجوم نظيف وممتاز وسعره معقول بالنسبه للفنادق اللي بنيويورك بنفس الفئه
هذا الموقع الرسمي للفندق
https://artravelers.com/p/re/262880
وبالنسبه للمناطق القريبه من نيويورك تستحق الزياره والله ما عندي فكره كافيه أقدر أفيدك فيها بس اللي اعرفهم شلالات نياجرا ومنطقه بافلوا قريبه من شلالات نياجرا وواشنطن دي سي يعني هالمناطق اللي اعرفها بس وبالتوفيق ان شاءلله

انا شفت الرابط وشيكت الرحلات لشلالات نياجرا بس حابه اعرف اذا احد جربهم من قبل ... لانه حسب ما شفت السكن يكون في فندق 2 نجوم وخايفه انه مايكون أمان الفندق ...

والله انا ما جربت بس شوفي الشركات اللي تطلع هالرحلات تقدرين تستفسرين منهم بالنسبه للسكن وين راح يكون بأي فندق وكم نجمه وتقدرين وقتها انتي تشوفين بالانترنت مسوى الفندق وبس

انا انصح بفندق اسمه marriott marquis وفي نفس المنطقه وبعتبر في قلب التايم سكوير
وسعره متوسط وغرفه كبيره وخطيره

اختي ايمان انا توي راجع من امريكا وبنيو يورك سكنت بفندق هامبتون ان في التايم سكوير هو سعره تقريبا 300 دولار بس انا اخذته عن طريق البرايس لاين بحدود 200 دولار اظنه نجمتين او ثلاث بس بصراحه الفندق روعه وجدا نضيف وفي نظري يستاهل اربع نجوم بالراحه اذا مو خمس خذيه وانتي مغمضه وبتدعين لي
اما عن شلالات نياجرا فلاتفوتك انصحك تروحينها بقوه حتى لوماحصلتي الا تسكنين في خيمه فروحي لانها تستاهل ومهما حكيت عنها ماراح اوفيها حقها والفنادق امان لاتحاتين