عبدالله الشيبان
17-12-2022 - 12:13 pm
سلام عليكم ورحمة الله وبركاته
:
اسعد الله اوقاتكم احبتي بكل خير
:
انا بدش بالموضوع مباشرة
:
انا الآن متواجد بمدينة مونترو و خصوصا بفندق رويال بلازا
:
وانا حجزت الفندق عن طريق موقع بوكنق(booking) قبل اكثر من شهرين وكانت المدة 3 ليالي
وكان السعر 672 فرنك لليالي الثلاثة بدون الضرائب
:
وانصدمت ان الفندق ما يتعامل مع موقع بوكنق وانه ما يعتمد على الاسعار الي فيه
:
طبعاً مو هذي الصدمة لأن السعر ما اختلف كثيرا لأن المبلغ مع الضرائب طلع علي ب730 فررنك لليالي الثلاثة
:
ولكني تفاجأت قبل قليل عندما دخلت على حساب بطاقة الاعتماد ان المبلغ المخصوم هو 1300 فرنك ..!!
:
وعندما نزلت الى الاستقبال لاستفسر قالو لي انهم حاجزين هالمبلغ حتى خروجي من الفندق (تشيك آوت)
وسوف يرجعون بقية المبلغ..؟؟
السؤال هنا..؟؟
واعذروني لقلة خبرتي وعدم تعرضي لهذا الموقف سابقاً
هل حجزهم لهذا المبلغ طبيعي ..؟؟ وهو 1300 فرنك علماً ان المبلغ المطلوب هو 730 فرنك
وهل فعلاً ان المبلغ يعتبر تأمين و يسترجع..؟؟
واذا المبلغ الباقي سوف يسترجع ..كم المدة لى ما يرجع المبلغ بحسابي..؟؟
هل مر احد بهذا الموقف..؟؟
وما العمل ..؟؟
ارجوكم افيدوني بسرعة لأن هذي هي ليلتي الاولى بالفندق علشان الحق على الفلوس لا تطير واتوهق بقية السفرة..؟؟
وانت بسفرة ...خلك ريلاكس
موقع بوكنق من افضل المواقع المبلغ زادة علية ضريبة البلد اليومية ودايمآ
الموقع يبين لك هذا في اسفل الصفحة وشكلك مانتبهت ,,
بس الصراحة المبلغ الي حاجزينة الفندق زايد شوي
وهذي طريقة بعض الفنادق خوفهم من الاتصالات من التلفون او استعمال
خدمات الفندق بزيادة ويتم حجز اكثر من المستحق ..
المطلوب منك باكر تمر على مدير الفندق وتدفع مبلغك كاش وتحاول فيهم فك الحجز
او على الاقل باقي المبلغ
بس لازم تعرف ان بعض البنوك تقعد اكثر من 15 يوم على رد المبلغ ولازم كل السياح
ينتبهون الى هذا الامر ,,,