meee tooo
الفندق قريب من شارع الخليج والمباركيه وكل شي تقريبا واللي اعرفه زين من اثاث ونظافه لان جديد توه ما استهلك ..
وان شاء الله الاعضاء اللي مجربينه يعطونكم انطباعهم عنه
وحياكم الله

فندق ibis تو فاتح من أربع شهور
موجود في منطقة شرق قريب من شارع الخليج وسوق شرق
ومطعم ميس الغانم ومطعم البلد المنطقه هاديه وأحسن من ibis السالميه
أثاث الفندق ستايل مودرن الغرفه متوسطة الحجم لا كبيره ولا صغيرة
أتمنى أني ساعدتج وحياكم الله

يعطيكم العافيه
عطيتوني انطباع حلو عنه

عليكم السلام
سبق لي السكن في فندق ايبس شرق قبل ثلاثه شهور تقريبا
وفي ايبس السالميه العام الماضي
الفندق تابع لسلسلة ايبس العالميه
علما ان له فرعين بالكويت واكثر من فرع بالامارات
وسبق لي تجربة العديد منها
وجميعها تقريبا بنفس النمط
الفندق من ناحيه النظافه 100 / 100
ولا تشيلي همها
مميزات الفندق
اقتصادي
نظيف
مواقعه مميزه غالبا
الانترنت مجاني ( بالفنادق الموجوده بالكويت فقط اما الامارات برسوم )
سلبيات الفندق
ضيق مساحة الغرفه
صغر حجم السرير ( ارى انه لا يناسب الزوجين وسيكون مزعج لهما )
الخدمه ذاتيه ( يعني انت اللي تطلع شناطك وتنزلها )
عدم توفر بعض الحاجات الضروريه للمسافر ( لا يوجد ثلاجه بجميع فنادقهم )
خيارات قنوات التلفاز قليله جدا
با اختصار :
الفندق مناسب للمسافرين الافراد او العزاب
ولمن يبحث عن سكن للنوم فقط
مع العلم اني اقترح ان كان المسافرين زوجين ان يأخذو سريرين منفصلين
كونهم اكثر راحه من السرير الكبير اذا رغبوا الحجز با اي فندق من فنادق ايبس
بالتوفيق ،،

شكرا كشك ملك وضحت امور كثيرة
طيب يوجد مناشف و شامبوهات
يعطيك العافيه

نعم يوجد
شامبو واحد للدوش واخر للمغسله
ويوجد مناشف

بسئل كم سعر الفندق ..؟
غرفتين طبعاً
وبالعيد اسعآرهم كم

ادخل رابطهم او اتصل عليهم بيفيدونك ان شاء الله