1. وبعد البحث راح تطلع لك قائمة الفنادق الموجوده عندهم.


2. وش عيوب موقع هوت واير؟


3. وشلون اقدر اعرف اسم الفندق حتى لو بنسبه 70% ..

انا شخصيا احب الهوت واير اكثر من برايس لاين لان بصراحه احب اني اعرف الفندق قبل ما احجز حتى لو بنفس 90% اني اعرف الفندق. ولكن البرايس لاين عيبه ما يعطيك اي تلميحه عن الفندق. علشان كذا انا راح اشرح اليوم الهوت واير.
http://www.hotwire.com/
اول حاجه وشو موقع الهوت واير؟
موقع الهوت واير موقع متخصص في حجز الفنادق و الطيران و اجار سيارات و رحلات كروز و بكجات تختلف على حسب الي يبي يسافر. زي اي موقع ثاني ولكن فيه حاجه تميزه
وش يميز الهوت واير Hotwire.com ؟
الي يميز الهوت واير عروضه في الفنادق. يقدم اسعار الفنادق ارخص من المواقع الثاني ولكن الفكرة انك ما تعرف اسم الفندق الا بعد دفع المبلغ.
طريقة استخدامه؟
طريقته سهله جدا. زي اي موقع عادي تحدد اسم المدينة و عدد الاشخاص وعدد الغرف. عن طريق صفحته الاساسية.
بعدها راح يبدا البحث..

وبعد البحث راح تطلع لك قائمة الفنادق الموجوده عندهم.

مثل ماهو موضح بالصورة انت تقدر تتحكم في موقع الفندق و مستواه عدد النجوم ... بالنسبة للموقع تقدر تضغط على الخريطه و تشوف كل منطقه وموقعها في المدينة. وتقدر ترتب عرض الفنادق اما على مستوى الفندق خمس نجوم اول شي و نجمه اخر شي او عن السعر او عن طريق الاوفر. انا شخصيا احب ارتب على النجوم لاني اختم ان الفندق يكون اربع نجوم.
هذي على سبيل المثال خريطة نيويورك مقسمه الى اجزاء انت تقدر تشيل علامه الصح على الجزء الي ما تبي تسكن فيه او تتركهم كلهم و تشيك على موقع الفندق الي اعجبه سعره و خدمات.
خلنا نقول انت تبي فندق في منطقة التايمز سكوير .. تدور في القائمة على فندق مكتوب موقعه في التايمز سكوير. راح يكون عنوان الفندق الي في التايمز سكوير زي كذا..
و نقول اعجبك سعر اول واحد و موقعه .. والخدمات الموجودة فيه مناسبة .. بالنسبه للخدمات الموجوده سهل تعرف معناها اما تضغط عليها و يكون واضح معناها. زي الفندق الاول فيه: صاله تمارين "جيم" - مطعم - مركز لرجال الاعمال - انترنت - و خدمه spa
تضغط على
راح يطلع لك معلومات الفندق و موقع وكل شي وسعره شامل الضرايب و الرسوم .. وعدد الايام و الاشخاص.
وبنفس الصفحه في معلومات عن موقعه و بعض الاحيان يكون في تقييم الناس للفندق من موقع TripAdvisor
http://www.tripadvisor.com/
طبعا لو اعجبك تكمل تضغط على كنتونوو..
وبعدها اجراءات عاديه لو تسوي حساب عندهم و تدخل معلومات الي بيسكن في الغرفه و بسالونك تبي تامين او لا؟ و بعدين معلومات الدفع. وبعدها تاكيد المعلومات وفي الاخير راح يطلع لك الفندق.
وبعد الحجز تقريبا راح تطلع لكم زي هالصفحه ويكون فيها اسم الفندق و رقم الحجز للفندق و الهوت واير.
هذي مثال لفندق في شيكاجو صاحبي سكن فيه
وبنفس الصفحه معلومات الفندق وعنوانه ..
وبنفس الصفحه برضوا معلومات عن الفلوس وقيمة الفندق الي دفعتها.
وبكذا تقريبا خلصت.
وبعد ما تخلص حجز بعدها بيوم تقريبا لو باقي على السفر فتره كلم الفندق و قولهم ان نوع الاسره الي تبيها و غرفه مدخنين او لا. مع العلم ان الهوت واير مهوب مسئول لو ما كان فيه الاشياء الي تبيها.

وش عيوب موقع هوت واير؟

• اذا حجزت ودفعت الفلوس صعب جدا انك ترجعها لانهم ما راح يطلعون اسم الفندق الا لمن ياخذون فلوسهم.
• مرات يمكن يطلع فندق ما يعجبكم او ما تحب تسكن فية بس انت الحين مجبر انك تسكن فيه.
• تصنيف الفنادق وعدد النجوم مهوب واضح وما ادري على اي اساس يصنفونها. وهالشي موجود في اكثر من وقع مرات ادخل على موقع اشوفه اربع نجوم وموقع ثاني مثلا معطينه ثلاث نجوم ونص. هالمشكله موجوده في اكثر المواقع مو بس الهوت واير.
• بعض الفنادق لمن تجي انت من الهوت واير يعطونك الغرفه ما تطلع على منظر حلو و لو في غرف مجدده وقديمه يمكن يعطونك القديمة
• نوع السرير هل تبيه واحد او اثنين مرات تكلم الفندق يقولك اسفين ما عندنا الا سرير مقاس كينج سايز وما في سريرين.

تقريبا هذي اشين شي.

وشلون اقدر اعرف اسم الفندق حتى لو بنسبه 70% ..

انا اول شي كنت احدد الفندق الي يناسبني و ادخل كياك و اجلس احدد الفنادق الي بالمنطقة المحدد واحذف كل الفنادق الثانية وبعدين اجلس اشوف لو الفندق الي انا خترته فيه مسبح احذف كل الفنادق بدون مسبح و زي كذا. ولمن يبقى عندي او فنادق ادخل على الترب ادفايزر و اشوف تقييم الفندق و عدد الي صوتوا. على سبيل المثال الفندق الي اخذته مثال عدد الي قيموه اكثر من الف واحد اشوف الفنادق الباقيه وعدد الي صوتوا لو كانوا اقل معناه مو هذا الفندق واشوف الي بعده. بصراحه مرات تاخذ وقت مني ولكن لمن اسوي الشي وانا مبسوط فيه ما يكون عندي اي مشكله.
طبعا الكلام الي فوق طريقة القديمة. الحين في طريقة اسهل و ما قصروا الامريكان ريحوني .. في منتدى خاص للهوت واير و البرايس لاين. تقدر تكتب لهم اسم المنطقة و التاريخ و عدد النجوم و الخدمات الموجوده وهم يحاولون يساعدونك و يقولون لك اقرب تخميين. و بنفس الوقت في قائمة باسماء الفنادق مرتبه على حسب المدينه و المنطقه و كل فندق حاطين قدامه عدد النجوم والخدمات.
هذا موقع المنتدى ..
http://www.betterbidding.com
الي بسوية الحين بحاول اعرف اسم الفندق الي اخذته كمثال وهل اقدر اطلعه او لا؟
المنتدى مرتب على حسب الولايات .. تروح لولايه نيويورك.
واسرع لك تضغط على Hotwire -New York
انا راح ادخل على الموضوع المثبت الي فيه قائمة الفنادق.
راح تطلع لك قائمة كبيرة فيها مدن كثيره انت دور على مدينه نيويورك. ومنطقة التايمز سكوير
الحين ابدا ادور فندق نجوم و فيه نفس الخدمات الي موجوده في موقع الهوت واير ..
لو تشيكون على القائمة الفندق هو الويستن ..
ولو حاب تتأكد اكثر انا دخلت عن موقع ترب ادفايزر وابي اشوف هل معلومات الي موجوده في موقع الهوت واير مطابعه له من خلال التقيمم
نفسها الي كانت في موقع هوت واير ..
عدد الي قيموه اكثر من الف و معطينه من
الحين نشوف كم التوفير بين موقع هوت واير و المواقع الثانية؟
سعره في الهوت واير دولار
سعر الفندق في موقع الاساسي دولار
في فرق بالسعر ..
اتمنى شرحي كان واضح واي استفسار انا والاعضاء ان شاء الله ما نقصر.

أخوي العزيز فهد... و الله انك ما قصرت و رايتك بيضا
المشكلة في الموقعين انهم ما يقبلون أي بطاقة أئتمان خليجية :112:
حاولت من قبل بس للأسف ما قدرت
مع ودي
أم عالية

يا سلام عليك على هالشرح الوافي والكافي مشكور يا fms عساك ذخر للأمه العربيه انا قبل جم يوم كنت قاعد افكر بموضوع الهوت واير وانت شرحك نور لي موضوع الموقع مشكور مره ثانيه حبيب قلبي

fms فعلا نجم المنتدى
زي ما عودتنا وفيت وكفيت
الله يعطيك العافية

الأخ fms معلومات دقيقة ومفصلة مدعمة بالصور، جهد رائع تُشكر علية، ومساهمة كبيرة في مساعدة اخواننا العرب الذين يزورون أمريكا للمرة الأولي.
ولكن لي بعض التعقيبات البسيطة عليها:
أولاً: مين اللي قال إنك ماتقدر تشوف تفاصيل الفندق على برايس لاين؟؟؟؟؟؟!!!!!
ثانياً: أضافة بسيطة لمعلوماتك برايس لاين وهوت واير تملكهم شركة واحدة.
ثالثاً: برايس لاين يعطي أمكانية تسمية سعرك وذلك يوفر 50% أضافية من سعر برايس لاين، العيب الوحيد في تسمية السعر أنك لا تعرف على أي فندق ستحصل، ولكن بأداء واجبك المنزلي، مع قليل من البحث، وبقليل من الخبرة في أستعمال الموقع يمكنكم بالضبط الحصول على الفندق الذي تريدون.
من واقع خبرتي الشخصية عطلة الأسبوع الفائت وهى عطلة طويلة (عطلة عيد الذكرى) حجزت فندق هيلتون أناهيم (ملاصق لديزني لاند) ب $45 لليلة (السعر المعلن على موقع الفنق كان $139 وعلى برايس لاين عادي كان $99، وبتسمية سعري حصلت على هذا السعر) وللعلم كان حجز أخر لحظة (حجزت يوم الخميس ظهراً لأصل يوم الجمعة ظهراً)، وأيضاً كان عطلة نهاية أسبوع طويلة (الأخوة المقيمون في أمريكا يعرفون معنى ذلك أسعار نار طبعاً) بالأضافة لأن هذة العطلة تعتبر البداية غير الرسمية لموسم الصيف السياحي هنا في أمريكا.

جربوا هذا لموقع وأدعوا لي:
http://www.farecompare.com

طبعاً هناك مواقع أخرى كثير مماثلة ل Priceline و Hot Wire أشهرهم:
Travelocity, Expedia, Hotels.

الأخ fms فعلا إنك نجم البوابة الأمريكية ...ألف رحمة لوالديك ...مشكور عالشرح الرائع