وعليكم السلام ورحمة الله وبركاته ..
هلا اختي Fatami وربنا يوفقك إن شاء الله وتنالي اعلى الدرجات ..
جامعة Sussex ..
تقع في في Sussex في منطقة Falmer تبعد عن برايتون الساحلية حوالي 4 أميال ..
وبالباص حوالي 35 دقيقة .. وبالسيارة 15 دقيقة ..

وهذا موقعها الرسمي http://www.sussex.ac.uk/
السكن في برايتون غالي فلهذا ينصح بسكن الجامعة ..
راح تلاقي معلومات كثيرة التسوق المدينة كل شيء عن برايتون من خلال هذه المواضيع
https://artravelers.com/p/re/55520 ..

هلا اختي ميسون.. شكرا على لطفك وردك
بس يعني سسكس مافيها غير برايتون؟ كل المواضيع تتكلم عن برايتون فقط واللي اعرفه ان برايتون جزء من سسكس
مافي احد درس بجامعة سسكس من قبل؟

اهلين اختي الكريمة انا حاليا بمدينة اوكسفورد ادرس اللغه وبعد ذلك سأتوجه الى جامعة ساسكس
على العموم قبل ثلاث ايام زرت الجامعه واخذت جولة فيها بصراحة جامعه رائعه وراقية وسمعتها ممتازة
على العموم هي تعتبر في منطقة ليست ببعيدة عن برايتون يعني تقدري تقولي ضاحية منضواحي برايتون
انا اخذت القطار من برايتون الى منطقة فالمر التي تقع فيها الجامعه مااخذ مني الطريق سوا 7 دقائق
وبالتوفيق ان شاءالله

اهلا وسهلا انا ممن درس بالجامعة وهي جميلة والسكن بها روعة وهادئة انصح بها
وان شاء مواصل الماجستير فيها السنة الحالية وومن تزوري التقرير الخاص بي عن رحلتي الى هناك
لكي تكوني فكرة

شكرا لك اخوي باد بوي والله يوفقنا جميع ان شاء الله انا بس شايلة هم السكن كثير والله.. الله ييسر الأمور..
اتاوي بدخل الحين موضوعك اشوفه ومادامك كنت بالجامعة قبل في مكان معين تنصح فيه للسكن؟

السكن في الجامعة حلو بس مكلف ونوعين للسكن السكن الخاص بالجامعة وهو مرتب وحلو
وسكن لشركة او منظمة متعاقدة مع الجامعة اسمه East Slope
سكن عادي وسعره معقول
تحياتي

مشكلة سكن الجامعة ياخوي انه مشترك.. نظام شقق ومرافق مشتركة وهالشي ما يصلح لنا حنا يالمسلمين خصوصا اذا كانوا اللي معاك بالشقة غير مسلمين.. يعني بتجيب خمر وتحطه بالمطبخ ولا تطبخ خنزير وغير هالحركات اللي ما تتناسب مع ديننا وثقافتنا.. لذلك انا ابغي شقة او ستوديو تكون مناسبة.. راسلت الجامعة اذا في امكانية اخذ شقة عوايل لان اهلي بيجون يزوروني من وقت لوقت وردوا علي انهم بيحطوني على قوائم الانتظار.. والحين السكن مسبب لي ازمة لاني ما اقدر اسافر من غير ما ارتب موضوع السكن اول..

اخوي السموحة لتأخري في الرد لتواجدي خارج السعودية
عموما افضل حل هو سكن الايست سلوب ولهم موقع ممكن تراسلهم عليه عن طريق موقع الجامعة
وممكن تسكن بعيد عن الجامعة ويكون ارخص لك
تحياتي

المشكلة يا اخ اتاوي انا ماني اخوك انا اختك (فطامي) كنت فاكرة النك نيم واضح بس شكلي كنت غلطانة
انا رحت اشوف السكن حق الجامعة فعلا غالي مقارنة باللي ممكن تحصله برى لكن اللي برى ما يشمل اي شي غير ايجار البيت.. الماي والكهربا والتلفون والنت كله عليك انت.. غير كذا كوني بنت مخوفني اني اسكن برى.. اشرايك انت؟