خبراء سوسيسرا الأعزاء وخاصة الأخوه اللي جربوا السكن في أحد الفندقين الرجاء المشورة علي أنا عندي حجز ليلتين في كلا الفندقين في قراند ناشونال غرفه ديلوكس مطله على البحيرة معى الأفطار بوفيه مفتوح لشخصين بألفين ومتين ريال تقريبا580chf وفي مونتانا غرفه سوبيرور مطله على البحيره معى الأفطار بوفيه مفتووح لشخصين بألف وثمانمئة ريال تقريبا 450chf طبعا هذا سعر الليله الواحده أنا محتار أي واحد أختار بين الأثنين وين الأنسب بينهم كموقع واطلاله وكذلك الخدمه أنا شفت بعض المعلومات عن القراند ناشونال في تقارير بعض الأخوان بس مونتانا هذا ما سبق اني شفت عنه أي شي بالمنتدى رغم أنه يبدو من الفنادق الجيده والعريقه في لوزيرن هذا اللي استنتجته من البحث في الأنترنت طبعا أنا أميل للقراند ناشونال رغم ارتفاع سعره بس أحس الفندق راقي في كل شي حتى الأستاف تعاملهم راقي جدا أنا اتصلت عليهم وحجزت عن طريق التلفون وتفاجأت انهم اتصلوا على جوالي عشان يتأكدون من بعض البيانات الشخصيه والشخص اللي كلمني جدا مهذب واسلوبه راقي أعتقد هوه الأسستنت منجر يعني على قولتهم الأنطباع الي أخذته ان الفندق جدا محترم ويفرض احترامه على الزبون يكفي انهم اتصلوا علي دوليا معى العلم انوا انا ممكن جدا ألغي الحجز بدون أي رسوم لكن هذا يدل على اهتمامهم اللي مالمسته في بعض الفنادق الأخرى وخاصة مونتانا لأني اتصلت عليهم بعد بس الشخص اللي رد علي كان اسلوبه مو اسلوب شخص بروفشنل مثل اللي كلمني بالقراند .
أدري طولت عليكم الهذره بس مانستغني عن مشورتكم أخاف أبدي أحد الفندقين على الاخر وأندم بعدين ياليت الخبراء المجربين لها الفنادق ما نستغني عن مشورتكم ومشكورين سلفا .