أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
أنا إنشاء الله ناوي أجر سيارة في اورلاندو وبعدين أروح فيها ميامي وأيضا را أجر في لا فيجاس وأروح فيها كاليفورنيا.
حبيت أعرف كيف أقدر أجر أو شنو أسهل طريقة أجر فيها جهاز Gps بسعر معقول؟
جب معك من بلدك جهاز GARMIN -nuvi310 أنا الآن في أمريكا وجالس ادور فيه من ولايه لولاية وشغال معي تمام وسعر الجهاز هنا في أمريكا 250 - 280 دولار والله اني منيب متأكد لكن ماراح تندم أبداً
اعتقد ممكن تاخذه مع السياره والا انا غلطان ؟؟ طبعا مو كل الشركات توفره بس انته ممكن تطلبه مع السياره لما تحجز يعني بدال ماتشتريه لفتره محدوده الا اذا كنت ناوي تحتفظ فيه
اخوي العوضي ...... أفضل شي Garmin ... إحنا شرينا من الكويت تقريبا ً 260 دينار أول ما نزل !! و بعدين الشركة حملت لنا خريطة أمريكا ( طبعا ما كلها لأنها كبيرة !) بس على الأقل الولايات الي بنروح لها مثل كاليفورنيا و فلوريدا ..... و أنا أفضل إنك تشتريه لأن إنشاءالله بالمستقبل اذا عندكم سفرات ما عليك إلا تحمل خريطة الدولة إلي تبيها و بس الجهاز عندك !
إحنا إستخدمنا في كاليفورنيا و لما رحنا من كالي إلى فيجاس .... و استخدامه وايد سهل بس قبل لاتستخدمه حاول تشغله و تعلم عليه بالاول و خزن فيه الأماكن الي ناوي تروح لها إنشاءالله مثل فنادقك .... خزن عنواينهم و غيرها .
السلام عليكم ورحمة الله وبركاته
احد الاخوان العائدين للتو من اورلاندو اخبرني ان تكلفة استئجار جهاء gps وكان ايضا من نوع جارمن 10 دولار باليوم، وحين استئجار السيارة لمدة شهر يتم اعطائك خصم ايضاً على تكلفة الجهاز.
انا عن نفسي ستكوني رحتلي بنهاية شهر رمضان وسأقوم بأخذ الجهاز معي من هنا.
تحياتي
تقدر تطلب السياره .. يكون مجهز فيها النيفيقيشن ...
وعلى فكرة ترى سعره ما يتعدى ال 300 $ بأحسن حالاته ...
انا من فتره شايفه في الول مارت .. بأقل من هالقيمه ...
و فيكيشن موفق
تقدر تاجره من نفس محل الايجار ب 10$ باليوم
و تقدر تشتريه من المحلات، انا كنت بشيكاكو قبل شهرين و شريته من تارقت ب 293$ الي هو توم توم ون و يوم رجعت مدينتي سانت لويس لقيته بسركت ستي ب 216$ فرجعت الي شريته بعد ما استعملته شهرين لتارقت وما سالوني سوال واحد ليه مرجعه و عطوني فلوسي كامله و رحت لسركت ستي و شريت الجديد ووفرت تقريبا 76$
انا جربت توم توم ون و الي بنفس فئته من قارمن سي 330 انا الصراحة شفتهم اثنينهم و فضلت التوم توم لان عدد النقاط الي فيه 11 ميلون بينما القارمن 5-6 ميلون تقريبا
