jasmine.flower
10-09-2022 - 07:59 pm
السلام عليكم ،،
بداية اشكر لكم تعاونكم الجميل وجهودكم الواضحة في هذا المنتدى..
ثانيا هذه اول زيارة لي لأوروبا ،، وأتمنى أن تفيدوني بآرائكم مشكورين..
بأسافر باذن الله المانيا والنمسا في شهر May لمدة 16 يوم تقريبا ،، حصلت سعر للتذاكر حلو ع السعودية بس ع فرانكفورت والرجعة منها
( يمكن ماهي مناسبة للمدن اللي حابة ازورها بس عشان عندي تخفيض ع السعودية)
الأماكن اللي حابة استأجر فندق أو شقة فيها:
ميونخ ، قارمش، زيلامسي، سالزبورغ ، فيينا
ع حسب ما قريت انو افضل نقطة وصول ومغادرة بالنسبة للمخطط حتكون ميونخ ،، ولكن حسب كلامي أعلاه أتمنى تفيدوني ..
انا فكرت اول مانوصل فرانكفورت ،، أروح ع طول قطار ع ميونخ ونستأجر سيارة واروح منها زيلامسي وسالزبورغ
بعدها أخذ قطار واروح فيينا وارجع سالزبورغ واروح بالسيارة قارمش ومنها ميونخ ونسلم السيارة ونرجع قطار فرانكفورت
كذا افضل أو استأجر السيارة من فرانكفورت؟!
بس كذا بيصير عندي مثلا يومين اللي باقضيهم في فينا ما باستعمل السيارة ، خسارة..
أو انه أزور ميونخ قارمش زيلامسي سالزبورغ واسلم السيارة في اقرب نقطة ألمانية وقطار ع فيينا وبعدها قطار ع فرانكفورت؟!
يمكن مخططي في عيوب كثير ،، فياليت تنصحوني بالأفضل،،
مع العلم انه السفر لشخصين والمبلغ للرحلة بدون تذاكر طيران 25 ألف ..
وأنا لسى ماحجزت لأنو ابغا يكون عندي تصور كامل قبل ما اتورط..
وثانكيو..
شكرًا